Wasaaradda Duulista iyo Hawada Somaliland oo heshiis la saxeexatay Shirkada Sameyn Doonta Dhismaha Casriga ah Ee Madaarka Berbera.

Shirkada ku guulaysatay dhismaha madaarka Berbera oo lagu magacaabo........

Hargeysa (TNN)- Wasaaradda Duulista iyo Hawada Somaliland ayaa heshiis maanta la saxeexat ay Shirkaddii ku guulaysatay Dhisitaanka casriga ah ee Garoonkta diyaaraha magaalada Bebera.

Shirkada ku guulaysatay dhismaha madaarka Berbera oo lagu magacaabo Teleleberham Ambaye ayaa ah Shirkada ka soo jeeda Wadanka Itoobiya, waxaanu Wasiirka Duulista iyo Hawada Somal iland oo faahfaahin ka bixinayey sida ay Shirkadani ugu guulaystay qandaraaskan lagu dhisayo Madaarka magaalada Berbera sheegay in ay ku baahiyeen Geeska Afrika oo dhan ogeysiiska dhis maha madaarka Berbera.

Wasiirka Duulista iyo hawada Maxamuud Xaashi Cabdi ayaa ka hadlay heshiiskan ay Wasaaradda Duulista iyo hawadu la gashay Shirkadani isaga oo sheegay in dhismaha madaarka Berbera lagu sameynayaa u yahay dhisitaanka Terminal weyn oo uu garoonkaasi yeesho iyo Siliig deyr u noqd a oo lagu soo wareejiyo.

Wasiirka Duulista iyo Hawada Somaliland Maxamuud Xaashi Cabdi oo arrimahaasi ka hadlayaana waxa uu yidhi “Waxaanu halkan maanta heshiis ku kala saxeexanaya Wasaarada duulista & hawa da iyo shirkad Ethiopian ah, taas oo la yidhaa Teleleberham Ambaye, heshiiskani waxa weeyi qan daraaskii ay ku guulaysteen ee ahaa dhismaha terminalka garoonka diyaaradaha ee magaalada berbera kaas oo laga dhisi doono terminal cusub oo weyn iyo deyr siliig ah oo lagu wareejinayo garoonkaa”.

Wasiirka oo hadalkiisa sii wataa waxa uu yidhi “Qandaraaskani waxa uu ka mid yahay mashaariicd a ay dawlada Kuweyt ugu deeqday Somaliland kaas oo muddo la waday baadhitaankiisa waxyaali hii lagu qaban lahaa, intaas ka dib si hufan oo habaysan ayaa loo soo bandhigay qandaraaska ay shirkadani ku guulaysatay, isal markaana waxa lagu faafiyey geeska afrika oo dhan si ay shirkad ahoodu uga soo qayb galaan, mashruucana hore ayaanu u saxeexnay qaybtii dhismaha Madaarka Hargeysa”.

Wasiirka ayaa sheegay kharashka ku kacaya Mashruucani inta uu le’eg yahay, waxaanu yidhi is aga oo arrimahaasi ka hadlaya “ Mashruucan lagu dhisayo garoonka diyaaradaha ee magaalada berbera waxa ku baxaya lacag dhan 4,396000 $ (Afar Milyan Sadex Boqol iyo Lixyo Sagaashan Kun oo doolar)”.

Masuulka ka socday Shirkadan Heshiiska la gashay Wasaaradda Duulista iyo Hawada Somaliland oo lagu magacaabo Habtame Mingiste ayaa sheegay in ay aad ugu faraxsan yihiin heshiiska ay shirkadoodu la galayso Wasaaradda Duulista iyo Hawada Somaliland, isaga oo arrimahaasi ka hadlayana waxa uu yidhi “Aadbaanu ugu faraxsanahay inaan saxeexo heshiiska aanu ku dhis ayno Garoonka Diyaaradaha ee Berbera”.

Ugu dambeyntii waxa qalinka ku duugay Heshiiskaasi Wasiirka Duulista iyo Hawada Somaliland Ma xamuud Xaashi Cabdi iyo Habtame Mingiste oo ka socday Shirkada ku guulaysatay Qandaraaskan oo la yidhaahdo Teleleberham Ambaye
 

Sacad M. Cabdi
Timacade News Desk
Hargeysa, Somaliland