Wasaaradda
Arrimaha Dibada JSL oo Cadaysay In Aanay Jirin Cid Looga Yeedhay
Aqalka Odayaasha Ingiriiska
Dawlada Jamhuriyada Somaliland waxay ugu bushaarayneysaa ummada reer
Somaliland in hawlaha arrimeha debeda ee Somaliland ay marayaan meel
aad u wanaagsan, Istratijiyadii aanu raacnayna ay guulo badan soo
hoysay.
Guulahaasi oo aynaan hadda si furan ugu dhawaaqi Karin laakin aan la
sugeyno wakhtigeeda ugu haboon ee lagu dhawaaqi lahaa.
Dowlada Jamhuriyada Somaliland Markay si qoto dheer uga baaran
dagtay arrimaha diblomaasiyadeed ee ku xeersan aqoonsiga diblamasi
ee Somaliland, waxay dowladu qaadatay kulana heshiisay wadamada ay
isu sir furan yihiin in hawsheena diplamasiyadeed si dadban oo aan
qaawanayn aynu u fulino.
Runtiina aad baan ugu liibaanay habkan maadaama cadowga Somaliland
ay ku adag tahay in ay fahmaan sida ay Somaliland wax u wado una
hananayso saaxiibo ka taageera qadiyada Somaliland.
Qof kasta oo indheer garad ah oo reer Somaliland ahi wuu fahmi karaa
maanta halkay marayso siyaasada arrimah dibada ee Somaliland ilaa
saaxiibada aynu ku leenahay koox loo yaqaano P5 counties.
Dowlada Jamhuriyada Somaliland waxay si gaar ah ugu mahad naqaysaa
dhamaan muwaadiniinta Somaliland meel kasta oo ay joogan gar gaarka
ay u gaysteen hawlaha diplamasiyadeed ee ay wado iyo sida hufan ee
ay ula fahmeen dowladooda in Siyaasada arimaha debeda ee Somaliland
aanay noqonin wax lagu yooyootamo oo dibada loo soo tuuro. Mar walba
Dowlada Jamhuriyada Somaliland waxaa ka go’an in aanay lumin
kalsoonida wadamada ay saaxiibka yihiin ee tiradoodu sii kordhayso
maalin ba maalinta ka danbeysa.
Waxaa xusnaan gaar ah mudan sida dad aan si fiican wax u fahansanayn
ama la majara habaabiyey ay ugu doodayeen maxay dowlada Somaliland
war deg deg ah uga soo saari la’adahey arrimtii foosha xumeyd ee
nimankii Mujrimiinta ahaa ee naf lacaaridka ahaa ay ka sameeyeen
Hargeisa, Somaliland, 29-kii October 2008. Waxaa iyana wax laga naxo
aheyd inay Website-yada Somaliland qaar ka mid ahi ay ugu yeedhi
jireen nimankani Mujrimiinta ah naftooda hurayaal!
Waxaa maaanta u cadaatay dadkaa tallo habaabsanaa in ay arrintu ka
waynayd lixda Mujrimiin ee is qarxiyay, waajibna ay ku ahayd Dowlada
Somaliland in ay arrinta si qoto dheer u gasho deg degna ay iska
ilaaliso, isl markaana ay si gaar ah ula kaashato wadamada ay ka soo
jeedeen nimankan Mujrimiinta ahaa. Dad badan oo ka mid ah dadkan
talo habaasanaa dib bay ugu soo hambalyeeyeen dawlada Somaliland
siday howsha u soo afjartay.
Dowlada Jamhuriyada Somaliland waxay ummada Somaliland u cadaynaysaa
in aanay haba yaraatee dhicin in Guriga odayaasha ee Boqortoyooda
Ingiriiska looga yeedhin nin sheegtay in uu yahay xoghayaha arimaha
dibada mid ka mid ah xisbiyada Mucaaridka ah ee Somaliland si looga
xog waraysto Somaliland.
Waxaa in la xuso mudan bratakoolka ay dawladuhu ku shaqeeyaan oo
marnaba aan waafaqsanayn waxa uu ninkaasi sheegtey. Guriga Odayaasha
ee Boqortooyada Ingiriisku wuxuu la xidhiidhaa Guriga Guurtida
Somaliland.
Siddoo kale, guriga hoose ee baarlamaanka Boqortooyada Ingiriisku
wuxuu si toos ah ula xidhiidhaa guuriga Baarlamaanka Jamhuuriyada
Somaliland. Dowlada Boqortooyada Ingiriiskuna waxay la kulantaa oo
xidhiidh la leedahay dowlada jamhuuriyada Somaliland.
Waxa ay Dowlada Jamhuriyada Somaliland raaI gelin gaar ah
gaadhsiisay shalay Lord Avebury oo dadka isla sawira had iyo jeer ku
doodaan in uu balamo uu u samaynayo dowlada Somaliland. Arimaha
caynakani oo kale ahi waxay hoos u dhigaysaa qiimaha dadka reer
Somaliland.
Sidaa daaradeed Dowlada Jamhuuriyada Somaliland waxay si xoog leh
uga waaninaysaa dadka reer Somaliland ee waqtigooda u hura
taageerida wadankooda hooyo in ay si gaar ah isaga ilaaliyaan wixii
dhaawac u gaysanaya sumcada Somaliland.
Dowlada Jamhuriyada Somaliland waxaa ay xusuusineasaa Mowaadinka
arrinta kor ku xusun sheegtay, dhacdadii Addis Ababa eed NGOs ay
Somaliland taageertaa isugu yimaadeen sharaf darada aad u gaysatay
waad ogeyd. Sally Healy aad bay uga dheregsan tahay sida khaldanayd
ee aad arrinta ugu qortay Website-yada taageera xisbiga aad ka mid
ka tahay. Fadlan haddaad Gudoomiyahaaga aad doonayso in aad tusto in
aad ka firficoon tahey ninkii kaaga horeeyay jagada aad sheeganayso,
Somaliland way ka qiimo badan tahay wax qof la isku tuso.
Fadlan Suul daarka ka daa Siyaasada arrimaha debeda ee Somaliland.
Allaa Mahad leh.
Mohamed-Aar A Mohamed BSc, MSc, PhD
sl_diplomat@yahoo.co.uk
|