Warsaxaafadeed
(UCID) manta oo ay taariikhdu
tahay 29/03/2009 oo lagu falanqeeyay laguna lafa guray xaalada adag
ee maanta dalka ka taagan wuxuu soo saaray warsaxaafadeedkan hoos ku
qoran UCID waxa uu rumaysan ya hay in go’ankii shalay G/gurtidu
uu si badheedh ah u baal maray degniintii xisbiga uga degay mudo
kordhin aan waafaqsanayn mudada ay cayimeen gudida doorashooyinku
qaranku oo ahaa May 31, 2009.
Sidaas daraadeed waxa UCID u arkaa mid aan ka turjumeeyn rabataanka
uu shacbka, nabad gelyada, geedi socodka dimoqoraadiyada isla
markaana ku ah dhabarjab ictiraaf raadintii JSL ay ku naloonayeesay.
Talabadani waxay niyadjab ku keenasaa bulshada caalamka ee jeclayd
in ay Somaliland hesho ictiraaf taageero ka siinjirtay geedi socodka
dimoqoraadiyada iyo doorashooyinka.
Hadaba si looga baxo ismariwaaga taagan khalkhalna loo gelin
nabadgelyada iyo degan naashada ka jirta Somaliland loona helo
doorasho xor iyo xalaala ah.
Waxa Xisbiga UCID u soo jeedinayaa:
(1) In la ilaawo ficiltan iyo wax alaaliyo wixii hurinaaya khilaaf,
loona soo
noqdo danta guud arimaha taagana lagu dhameeyo wada hadal iyo wada
tashi si loo dejiyo xiisada siyaasadeed ee tagan.
(2) Xisbiga UCID sidii uu horaba u caddeeyey waxa uu markale ku
baaqayaa in doorashada madaxtooyada qabsoonto may 31, 2009 siday soo
qorsheeyeen gudida doorashooyinka (KDQ) isla markaana ay taageereen
deeq bixiyaashu iyo interpeace kuna cad wardooda ku taariikhaysan
March 28, 2009.
(3) Si looga baxo marxaladdan adag ee cusub, waxa xisbiga cadaalada
iyo daryeelka (UCID) uu soo jeedinayaa in seddexda gudoomiye xisbi
qaran isugu yimaadaan sida ugu dhakhsaha badan.
Xisbiga Cadaaladda Iyo Daryeelka
UCID
Justice and Welfare Party
|