Warbaahinta Dawlada Somliland ma Wada Dambabasi karto Dhaliilaha
Xukuumada
Nidaamyada Digtaatooriga ah iyo Dawladaha aanu maamul wanaagu ka
jirin ee xalaalaystay, musuqa, eexda iyo qaraaba kiilku waxay ka
siman yihiin hirgelinta warbaahin si aad ah loo maal geliyo oo
dawladu maamusho, waxa loogu talo galay in rayul caamka bulshada
lagu majara ha baabiyo iyo in lagu qariyo fashilaadaha maamulka
xukuumada iyo fadeexadaha madaxda, waxa kale oo loo istcimaalaa in
qaladaadka xukuumadu samayso lagu weeciyo cid kale oo eeda dusha
laga saaro sida xisbiyada mucaaridka ah ama shakhsiyaad loo arko
inay ka soo horjeedan siyaa sada dawlada, waxkastoo dhacana madaxda
sar sare waa ceeb ka saliim.
Dadka waxa loo sheegaa warar been ah iyo dacaayado samays ah oo
xaqiiqada ka fog warbaa hinta noocan ah waxay soo ifbaxday oo caan ku
ahaa nidaamkii shuuciga ee midawgii soofiyatii iyo Naasigii jarmalka
in kasta oo ay kala aragti duwanayeen labaduba ragii u maamuli jiray
wax ay rumaysnaayeen in hadii beenta lagu celceliyo markasta iyo goor
kasta oo dhagaha dadwey naha lagala hadhi waayo in marka danbe loo
qadan doono waxa la sheegayaa in ay run tahay ( Lies can become
truth, if repeated insistently enough) isla markaa may heli jirin
ilo-wareedyo kale oo madax banaan.
Hadaba in kasta oo wakhtigu is badalay oo xogihii iyo sirihii la
qarin jiray banaanka la soo dhiga y iyadoo la adeegsanayo
tignoolajiyada casriga ah hadana wadamo badan oo ka tirsan dunida
saddexaad ayaa isku daya inay dadkooda ka qariyaan sida ay wax u
maamulayaan .
Dalalka horumaray ee ku dhaqma Dimuqraadiyada iyo maamul wanaagu uma
baahna iyagu inay yeeshaan warbaahin lagu dambabaso ceebaha maamulka
iyo xatooyada xoolaha ummada, xuku umada madaxweyne siilanyo waxay ka
mid tahay kuwa sida xun u istcmaala warbaahinta dawla da qaybaheeda
kala duwan, television-ka qaranka iyo Radio Hargeysa waxa laga soo
daayaa khudbadaha madaxda oo aan ka turjumayn baahiyaha iyo
tabashada bulshada iyo barnaamijiyo la naaxnaaxiyay oo ka
sheekaynaya mashaarcii waawayn oo boqolaal ah oo laga hirgeliyay
dal ka iyo ku dhawaad in la dhamaystiray wixii kulmiye ku balanqaday
ololihii doorashada, sheega shadan oo la macno ah in dhamaadka
sanadka afraad hawl u taalaa oo ay qabtaan ba aanay jirin.
Wasaaradu waxa kale oo ay u xilsaaran tahay in si indho isku qabad
ah u difaacdo dhaliilaha mu uqda ee loo soo jeedinayo xukuumada
tusaale ahaan dib u dhiskii madaarka ka dib markii shirk ada
diyaaradaha itoobiya ka shakiday dhinaca amaanka waxay ahayd in
xukuumadu adkayso ama wax ka qabato cabashada iyo meelaha la
tilmaamay ee amaanka madaarku ka dabacsan yahay muran iyo buuq toona
meesha kuma jirin hase yeeshee dawladu waxay kaga jawaabtay in
sababata diyaarada loo hakiyay ay tahay mucaaridka oo fariin u diray
shirkada diyaaradaha itobiya si aanay u soo noqon, runtii waa wax
aan loo fadhiyin oo lagu yasayo garaadka iyo gara shada shacbiga
soomliland.
Tusaale kale markii shirkda Genel Energy dalka ka baxaday xukuumadu
waxay sheegtay inaan ay waxba kala socon sababaha ay dalka uga baxday
jawaabtani waxay shaki gelinaysaa mas uuliyadii iyo amaanadii loo
dhiibay Madaxweynaha iyo xukuumadiisa.
Haddii masuuliyiinta warbaahinta Dawlada Somliland ka duulayaan
falsafadii ahayd been ku celceli si loo rumaysto waxaanay ku
xisaabtamin in tignoolojiyada casriga ah ee Isgaadhisinta maanta iyo
aqoonta jiilka cusub.
Si kastaba ah ahaatee warbaahinta dawalada somliland iyo kuwa kale
ee la mid ka ah waxa ka barbar abuurma warbaahin aan rasmi ahayn oo
suuqa iyo mafrashyada qaadka laga hago oo ka cod dheer Radio
Hargeysa dadkuna aad u dhagaysto, shaki kuma jiro in ay u badan
yihiin w arar ku tidhi-ku-teena ah iyo dacaayado la buunbuuniyay
laakiin waxa ku lamaaan oo ku dhex jira warar iyo xogo run ah oo
warbaahinta dawladu ka qarisay.
Waxaan ku soo ururinayaa talo ku socota masuuliyiinta warbaahinta
dawalada:
• In la fahmo farsamooyinka casriga ah ee loo adeegsado warbaahinta
maantu in ay ka duwan tahay kuwii Qarnigii 20aad
• In la ogaado inay maanta dunidu jees tahay oo ay adag tahay in la
qariyo wararka iyo dhacdooyinka ka jira, dawladaha ugu awooda badan
ayaa sirahoodii laga war-sheekooday
• Beenta haddii aan laga waantooba hayn in lagu badhxo waxoogaa run
ah si aanay kalsoonidu u wada lumin.
• In la joojiyo ama la yareeyo abaabulka qaybo bulshada ka mid ah oo
warbaahinta dawladu markhaati uga dhigato difaaca fadeexadaha
maamulka iyo masuuliyiinta qaranka
• In wasaradu samayso sahamin (Survey) lagu ogaanayo heerka
kalsoonida bulshadu ku qabto warbaahinta dawlada
• In Madaxweynaha loogu nasteexeeyo in loo baahan yahay in la helo
warbaahin si hufan ugu adeegta dawlada iyo dadweynahaba, looma
baahna television iyo radio laga baahiyo amaanta madaxweynaha iyo
xukuumada oo ah dhagayso ama ha dhagaysan
C/raxmaan Cadami
abdirahmanadami@yahoo.com |