Ururka SOCSA Oo Xaflad Balaadhan Oo Ay Ku Xusayeen Wax qa badka
Maayirka Gabiley Magaalada Hargeysa Ku Qabtay Iyo We edhihii Kala
Duwanaa Ee Ay Ka Soo Jeediyeen Masuuliyiintii Ka Soo Qayb Galay .
Munaasibadan oo ay ka soo qayb galeen ............ Daawo
Sawiradda
Hargeysa (TNN)- Munaasibad balaadhan oo lagu maamusayey Doorka
Waxqabadka ee Ma ayirka Gabiley Marwo Khadra Xaaji Gaydh ayaa maanta
lagu qabtay Hutel Maansoor ee Magaalada Har geysa.
Munaasibadan oo ay ka soo qayb galeen Wasiirka Arrimaha Dibedda
Somaliland Maxamed C/laahi Cumar, Wasiirka Madaxtooyada Xirsi Cali
Xaaji Xasan, Guddoomiyaha Xisbiga Kulmiye Muuse Biixi Cabdi, Marwada
Koowaad ee Madaxweynaha Somaliland Aamina-Waris Maxamuud Jirde,
Guddoo miyaha SOCS Khadra Kaliil, Maayirka Gabiley Khadra Xaaji
Gaydh oo Xafladan lagu wax qabadke edii, Badhasaabka Gobolka
Togdheer Yaasiin Maxamed.
Wasiirka Arrimaha Dibeda Somaliland C/laahi Maxamed Cumar oo ugu
horeyn Xafladaasi furay ay aa sheegay in uu aad ugu faraxsan yahay
horumarka balaadhan ee ay sameysay Badhasaabka Gobolka Gabiley Marwo
Khadra Xaaji Gaydh, waxaana hadaladii Wasiirka ka mid ahaa “Marka
ugu horeysa waxaan doonayaa in aan halkan ka salaamo Marwada
Madaxweynaha Aamina Sh. Maxa muud Jirde, Maayirka Gobolka Gabiley
Khadra Xaaji Gaydh iyo Maayirka Gobolka Togdheer Yaasiin Maxamed .
.
Farxad weyn bay ii tahay in aan ka soo qayb galo xaflad lagu
maamuusayo wax qabadka Maayirk a Gobolka Gabiley, Khadri waxa ay
leedahay Taariikh badan oo waa gabadhii ugu horeysay ee ku soo baxda
Doorasho Golaha Deegaanka ah, waana gabadhii u horeysay ee Maayir ka
noqota Som aliland, taariikhahaasi waana mid iyada u gaara oo ka
turjumaysa Horumarkeeda iyo kartideeda, arrimahaasi waxa weeyi arimo
muujinaya in ay khadra leedahay karti ay ku hogaamin karto dal ka,
mudadii yarayd ee ay Maayirka ka ahayd Gobolka waxaynu ka wada
markhaati nahay horum arka ay Gobolkaasi ku soo kordhisay, haddii ay
tahay dhinaca Dhismaha, horumarinta arrimaha Bulshada, waxaan
doonayaa in aan kartida ku hamablayeeyo Khadra.
.
Xafladan lagu xusayo kartida qofka iyo horumarka uu gaadhay waa
talaabo muujinaysa dadka isku duuban oo dadku maaha dhagax waxa uu u
baahan yahay dhiiri gelin, waxaanan ku soo gabo gabaynayaa Hambalyo”.
.
Ururka SOCSA oo soo abaabulay Xaflada lagu maamuusayey waxqabadka
Maayirka Gabiley ayaa qodobada ay ku soo doorteen xusay waxaana ka
mid ahaa Todobada bilood ee ay Maayirka aha yd waxa ay soo kordhisay
Afar jid oo isku xidha Magaalada Gabiley, waxa ay dhistay Hool weyn
oo qaadi kara dad aad u badan, Iskuulo badan oo ay dayactir ku
sameysay, waxa kale oo ay Kh adri kaalin weyn ka qaadataa taakulayna
Agoonta ku dhaqan Gobolka Gabiley, sidoo kale waxa ay ka qayb
qaadataa dhiirigelinta Ciyaaraha Da’ayarta.
.
Guddoomiyaha Ururka SOCSA Khadra Kaliil Xasan oo iyana halkaasi ka
hadashay ayaa sheegtay in ay urur ahaan u taagan yihiin horumarinta
danta dalka iyo dadka, waxaana hadaladeedii ka mid ahaa
“Waxaan ugu horeyn salaamayaa Marwada Koowaad ee Somaliland Aamina
Sh. Maxamuud Jirde, Maayirada Gabiley iyo Togdheer, Agaasimaha
Samofalka Madaxtooyada.
.
Hadii aanu nahay ururka SOCSA waxaanu u taaganahay horumarinta danta
iyo Dalka, maadaama oo ay Khadra tahay Gabadhii u horeysay ee Maayir
ka noqota Somaliland Degmo ka mid ah wax qabad badana muujisay
anaguna waxaanu go’aansanay in aanu u qabano Xaflad dhiirigelin ah,
waxa farxad noo ah Haween ahaan Khadra maadaama oo ay tahay gabadhii
u horeysay ee Maa yir ka noqota meel ka mid ah Somaliland, waxaananu
doonaynaa in aanu ku garab istaagno wixii ay qabatay si ay halkasi
uga sii wado, way muuqataa imika sida ay uga shaqaysay bilicdii iyo
hor umarkii Gabiley
Raga u badan ee Maayirada ka
noqda Gobolada Somaliland waxa ay kharashka iyo dakhliga soo gala ku
lumiyaan qayil iyo shaxaad, laakiin Khadra X. Gaydh waa Hooyo,
waxaananu ku danaynaa in aanu noqono sida Khadra”.
.
Wasiirka Madaxtooyada Xirsi Cali Xaaji Xasan oo isna halkaasi ka
hadlay ayaa waxa hadaladiisii ka mid ahaa “Waxa aan aad iyo aad ugu
faraxsanahay xafladan loo qabtay Khadra X. Gaydh oo ay mudan tahay
in tan iyo tu ka balaadhan loo qabto.
Khadra ALLE ha barakeeyo,
waxaanan runtii ugu hambalyeynayaa Guushii ay gaadhay, waxaan an
leeyahay kaalinta iyo horumarka ay bulshada ugu jirtaa meel.
Haweenku waxa ay bulshada ugu jiraan meel muhiim ah oo waxa la odhan
jiray Haween waa meel xun joog, Khadra Meel adag ayey ka saartay
Qaranka
Masuuliyadu dadku way tuujisaa waxa uu yahay baanay muujisaa,
somalidu markii hore xil ma ji rin oo waxa lagu tijaabin jiray Guur
inuu masuuliyada Guriga ka soo baxday, imikana waxa lagu tijaabiyaa
sida uu qofku uga soo baxo Xilkaasi, Khadra sidii ay Masuuliyada
Qoyskeeda iyo Qaran keeda uga baxday”
Badhasaabka Gobolka Togdheer Yaasiin Maxamed oo isna halkaasi hadal
ka soo jeediyey ayaa sheegay in uu aad ugu faraxsan yahay horumarka
Balaadhan ee ay sameysay Maayirka Gobolka Gabiley, waxaana
hadaladiisii ka mid ahaa “Waxa aan aad ugu faraxsanahay in aan ka
soo qayb galo Xaflada loo qabtay Maayirka Gabiley oo ay imika iigu
horeyso in aanu ka soo wada qayb galno
Waxa aan aad iyo aad u xusuustaa mashaariicda iyo horumarka ay ka
qabatay Gabiley oo aan odhan karo waxa ay kaalinta Koowaad ka
ahaanaysaa hadii la qiimeeyo wax qabadka Maayirada, waxaanan
rajaynayaa in aad hormuud u noqoto Dumarka badan ee ku soo socda
Masuuliyada Qaranka.
Aniga oo ku hadlaya Magaca Gobolka Togdheer Hambalyaan ku leeyahay
Khadra Xaaji Gaydh”
Agaasimaha Fulinta Dalada SONYO Siciid Maxamed Axmed oo isna
munaasibadaasi kalmado kooban ka soo jeediyey ayaa waxa uu yidhi
“Waxaan aad iyo aad ugu mahad celinayaa SOCSA oo qabatay Xaflad
dhamaanteed inagu waajib ah oo ah dhiirigelinta cid kasta oo
Bulshada wax u qabatay.
Runtii garwaaqsiga Shakhsiyaadka dadka wax u qabata waxa ay inoo
horseedaysaa Aqoonsiga ALLE (SW).
Dhamaan Dhalinyarada iyo Haweenkaba waxaan ugu baaqayaa in ay timid
wakhtigii aynu wax u qaban lahayn dalka, maadaama oo dhawaan laga
qaaday dhalinyarada Dabarkii ka haystay dhin aca ka qayb galka
hogaaminta Dalka”.
.
Guddoomiyaha Heer Qaran ee Xisbiga Kulmiye Canab Cumar Ileeye oo
iyana halkaasi ka hadashay ayaa hambalyo u soo jeedisay Khadra Xaaji
Gaydha horumarka balaadhan ee ay ku talaabsatay, waxaanay tidhi
“Waxaanu leenahay anaga oo aan ka qaadayn raga Kaalintooda na aragte
waxaa nu nahay, Hambalyaaanan leeyahay Khadra Xaaji Gaydh”.
Guddoomiyaha Xisbiga Kulmiye
Muuse Biixi Cabdi oo isna halkaasi ka hadlay ayaa ka waramay ka
alinta ay haweenku kaga jiraan Qarankan Somaliland, waxaanu yidhi
isaga oo arrimahaasi ka had laya
“Waxaan halkan ku soo gaadhay Marwo Canab Cumar Ileeye oo aanu isku
xisbi nahay oo hadana dood adagi naga dhaxaysao.Dumarku dhawr hab
ayey wax ku doonaan, mar waxay yidhaahdaan Dumar baanu nahay ee wax
ha lanoo gooyo oo kootay wax ku haysatay, hadana waxay leeyihiin wax
naga siiya, dee dumaroow meel uun ku eekaada.
.
Markaanu yarayn meel walba ragaa ka sareeyey imikana Dugsi kasta oo
aad tagto shanta ugu horeeya waa dumar, markaasaan mararka xanaaqaa
oo aan yidhaahdaa dumarkii maxaa ku dhacay
Markaan Shiinaha tagay Dumarka aad baan ugu farxay oo shirkaasi
waxaan ku arkay ilaa Shan iyo labaatan haween ah oo aan is idhi
siday isugu aamineen halkaasi oo dumarka badankooduna ay
diyaarinayaan Dhakhtarnimo, halka kaalinta ugu badan ee labaad ee ay
dumarkaasi diyaarina yaeen ay ahayd Engineernimo”.
.
Marwada Koowaad ee Madaxweynaha Somaliland Aamina Sheekh Maxamuud
Jirde oo iyana halka asi ka hadashay ayaa Hambalyo u soo jeedisay
Maayirka Gabiley oo ay sheegtay in ay ahayd Ha weenaydii u horeysay
ee Doorasho ku soo baxda Somaliland, waxaana hadaladii Marwada ka
mid ahaa
“Aad iyo aad baanu hambalyeynayaa Khadra oo ahayd Gabadhii u
horeysay ee ka soo qayb gas ha Doorasho kuna soo baxda, waxaanan
rajaynayaa horumarka ay sameysay in ay dad badan ku daydaan.Hore
waxa loo odhan jiray Guri waa haween imikana Qaran waa Haween ayaan
leeyah ay”
Sacad Muse Cabdi
Timacade News Desk
Hargeysa/ Somaliland
|