Ururka GARDO oo Shahaadooyin Gudoonsiiyay Arday Ka Dhamaysatay
Cilmiga Koombuyuutarka Dugsiga Sare ee Wajaale.
Tog-Wajaale (TNN):- Gudoomiyaha Gudida Horumarinta Gobolka Gabiley
isla markaana ah wakiil ka GARDO ee gobolka Gabiley Maxamuud Yuusuf
Xaaji Cabdi iyo Ismaaciil Cali Sareeye oo ka mid ah xubnaha ururka
Samafalka GARDO ee dalka Ingiriiska ayaa maanta ka qayb galay
munaasib ad lagu qabtay Hoolka Dawlada Hoose ee Degmada Tog-wajaale
oo shahaadooyin lagu gudoons iinayay arday dhamaysatay waxbarashada
aasaasiga ah ee culuumta Koombuyuutarka ee Dug siga Sare ee degmada
Togwajaale oo ka tirsan gobolka Gabiley.
Xafladaasi oo ahayd mid si heersare ah loosoo agaasimay ayaa Waxaa
kale oo kasoo qayb gal ay Agaasimaha Maamulka iyo Lacagta ee GARDO
Mukhtaar Maxamed Shiil (Gaboose), Gudoomi yaha wax barashada ee
dagmada wajaale Sheekh Maxamed Muxumed C/laahi, Gudoomiyaha golaha
horumarinta ee dagmada wajaale Sheekh Yuusuf Maxamed Xasan,
Maamulaha Dugsiga Hoose/dhexe ee Xasan Cowke ee Dagmada wajaale,
Agaasimaha maamulka iyo lacagta ee GARDO Ardayda qalinjabinaysay,iyo
marti sharaf kale oo badan.
Gudoomiyaha Gudida Horumarinta Gobolka Gabiley isla markaana ah
wakiilka GARDO ee gobolka Gabiley Maxamuud Yuusuf Xaaji Cabdi oo
munaasibadaasi hadal kooban kasoo jeediayay ayaa ugu horayn halkaasi
uga mahad celiyay ardayda qalin jabinaysay isagoo ku amaanay samirka
badan ee ay muu jiyeen kana warbixiyay sidii lagu bilaabay barashada
cilmigan casriga ah ee lagu soo kordhiyay xiisadihii ay ardaydu ku
qaadan jireen iskuulada isagoo halkaasi ka xusay inay amarka
illaahay sokadii ay ku timid dadaalka ay sameeyeen qurba jooga reer
Somalialand ee ku jira ururka GARDO ee uu wakiilka uga yahay gobolka
Gabiley.
Maxamud Yuusuf Xaaji Cabdi waxaa kale oo uu ku dheeraaday ahmiyada
ay leedahay aqoonta koobuyuutaradu taasi oo uu ku sheegay inay tahay
ta maanta ay ku shaqeeyaan caalamka, islamarkaana ay tahay muhiim in
labarto sidoo kalena waxa uu ardayda kula dar-daarmay inay wax
barashadooda ku dadaalan oo ay sii wataan ilaa heer jaamacadeed.
DSC08549
Ismaaciil Cali Sareeye oo ka mid ah xubnaha ururka Samafalka GARDO
ee dalka Ingiriiska oo xafl adaasi hadal dheer ka jeediyay ayaa
faahfaahin dheer ka bixiyay taariikhdii sooyaalka ahayd ee ururka
Samafalka ee GARDO maalintii la aasaasay iyo siyaabihii lagu
aasaasay, waxaanu dadka kasoo qayb galay xaflada uga waramay sida
dhibta badan ee ay qaadhaanka kusoo ururiyayaa n masuuliyiinta
ururkaasil.
Ismaaciil Cali Sareeye mar uu ka hadlaayay xafladaasi waxaa
hadaladiisii ka mid ahaa “Ururku w axa uu jiray Sagaal sano. waxaanu
ka koobanyahay inta u dhalatay Gobolka Gabiley, marka laga reebo
Alaybaday. Alaybadayna Urur gooniya ayay leedahay. inta soo hadha
urukani GARDO ay aa ka wakiila. Ururka Gaardo Hadaan idiinka Waramo,
horta marka GARDO Dadku maqlaan wax ay u haystaan inay lacagta
sameeyaan lakiin sidaasi maaha Ururkani GARDO.”
DSC08499
Gudoomiyaha wax barashada ee dagmada wajaale Sheekh Maxamed Muxumed
C/laahi ayaa isa guna halkaasi ka xusay inay GARDO abaal wayn u
hayaan isagoo cilmigan koombuyuutarkana ku tilmaamay inuu maanta
badalay qalinkii sidoo kalena ardaydana kula dardaarmay inaanay halk
aa si kaga hadhin ee ay sii wadaan oo inta halkan ka barteen kasii
kordhiyaan.
Sheekh Maxamed Waxaa kale oo uu halkaasi uga mahad celiyay ururka
samafalka ee GARDO oo uu ilaahay uga baryay inuu ugu badalo ajar iyo
xasanaad, isagoo tilmaamay in jeebkii ay kasoo baxday Illaahay ugu
badali doono xasanaad.
Maamulaha dugsiga sare ee Tog-wajaale Dayib ayaa isaguna halkaasi
amaan balaadhan ugasoo jeediyay ardayda dhamaysatay barashada
cilmiga koombuyuutarka iyo macluumaadkiisa isagoo GARDO ku tilmaamay
urur qiimo wayn ugu fadhiya guud ahaan Somaliland gaar ahaan gobolka
Gabiley kana qayb qaataan dhinacyada kala duwan ee arimaha bulshada.
Ugu danbayntii waxaa halkaasi si wada jir ah shahaadooyin ugu
gudoonsiiyay ardaydii dhamaysatay barashada cilmiga koombuyuutarka
iyo macluumaadkiisa Gudoomiyaha Gudida Horumarinta Gabiley iyo
Maamulaha dugsigaasi Sare ee Degmada Tog-wajaale.
Ururka GARDO ayaa sanadihii u danbeeyay kusoo kordhiyay barashada
cilmiga koombuyuutarka iyo macluumaadkiisa dhamaan dugsiyada
saresare ee gobolka Gabiley, iyagoo dufcad kasta oo dhamaysatana
shahaadooyin u diyaariya, iyagoo sanad kastana shahaadooyin
gudoonsiiya ardayda ka baxda dhamaan dugsiyada gobolka, Dhiiri
Galinta waxbarashada ayaa waxay ka mid tahay waxyaabaha ururka
Samafalka ee GARDO u taagan yahay.
C/risaaq Axmed Hayaan (ilkacase)
Timacade News Desk
Tog-wajaale Somaliland
ilkacasenews@hotmail.com
|