Urur
Siyaasadeed Nasiye Oo Dhallinyaro Ubadan oo Maanta Dalka Lagaga
Dhawaaqay.
“Ka midooba Qabiil, u midooba Dantiina, ku midooba Nasiye”. Fariinta
Ururka
Hargeysa (TNN)-Urur Siyaadeed Cusub oo laga magac Baxay Nasiye,isla
markaana u badan Dhalinyaro ayaa maanta Dalka lagaga dhawaaqay. Urur
Siyaasadeedkan Nasiye oo maanta Xafladihii lagaga dhawaaqayey la
sheegay in lagu qabtay Mar kaliya Sagaal Magaalo oo ka mid ah
Magaalooyinka Somaliland, isla markaana ay ka mid yihiin
Magaalooyinka Hargeysa, Boorame, Burco, Gabiley, Berbera,
Baligubadle, Oodweyne, Badhan iyo Laascaanood.
Xafladii Lagaga dhawaaqayey Magaalada Hargeysa oo lagu qabtay Hutel
Maansoor ayaa wa xa ka soo qayb galay Xildhibaano ka mid ah Golaha
Wakiilada Somaliland, Dhalinyaro iyo Marti sharaf kale.
Xafladan ayaa waxa ugu horeyn ka hadlay Buraale Jibriil oo ka mid ah
aas aasayaashii Urur kan, isaga oo ka sheekeeyey Caqabadaha ugu
waaweynaa ee hor taagnaa dhalinyarada in ay ka qayb galaan talada
Dalka, waxaana hadaladiisii ka mid ahaa “Caqabadaha ugu badan ee ina
hor taagnaa haddii aynu Dhalinyarada nahay waxa ka mid ahaa in la
ina odhan jiray 35-Sano qof ka yari ma gali karo talada Dalka,
taasina maanta waynu ka gudubnay”.
Mustafe Maxamed Daahir oo isna ka mid ah Dhalinyarada ku jirta
Ururkan oo halkaasi ka ha dlay ayaa sheekeeyey mabaadi’ida uu
Ururkoodan cusub aaminsan yahay, isaga oo sheegay in Ururkoodu aamin
san yahay Qaranimada Somaliland.
Xildhibaan Axmed Maxamed Diiriye (Nacnac) oo isna halkaasi ka hadlay
ayaa sheegay in ay Kulmiye ahaan aaminsanaayeen in la furo Ururada
Siyaasada, taasna ay hir geliyeen markii ay Xilka ku guulaysteen,
waxaanu yidhi isaga oo arrimahaasi ka hadlaya “Haddii aanu Kulmiy e
nahay waxaanu balan qaadnay in Ururada la furo, waananu furnay
markii aanu ku guulays anay Talada Dalka.
Qof weliba waxa uu jecel yahay geedkii uu beeray in uu midho dhalo
anagu waxaanu balan q aadnay in aanu Ururada furi doono waananu
furnay, sidoo kale in Da’ada lagu soo galayo talada Dalka ka dhigi
doono 25-jir waananu ka dhignay”.
Xildhibaan Xasan Cawaale Caynaan oo isna halkaasi ka hadlay ayaa
sheegay in uu soo dhaw eynayo Ururkan Cusub ee Nasiye, waxaanu
sheegay in uu ahaa Xildhibaanadii u ololaynaysay in Da’ada talada
lagu soo galayo la yareeyo, isaga oo arrimahaasi ka hadlayana waxa
uu yid hi “Waan soo dhaweynayaa Ururkan Cusub ee Nasiye, Anigu ka
xildhibaan ahaan waxaan ka mid ahaa Xildhibaanadii u ololaynaysay in
Da’ada ay Dhalinyaradu Talada Dalka kaga qayb ga layaan la yareeyo”.
Guddoomiyihii hore ee Dalada Dhalinyarada Somaliland ee Sonyo Yaxye
Maxamed Ubaxle oo isna halkaasi ka hadlay ayaa sheegay in uu soo
dhaweynayo Ururkan Nasiye ee u badan Dha linyarada.
Farduus Siciid Dirir oo ka mid ah aas aasayaasha Ururkan Nasiye oo
iyana halkaasi ka hadash ay ayaa sheegtay in ay Dhalinyaradu Muddo
badan Xabsi ku soo jireen dhinaca ka qayb gal ka Talada ah, waxaanay
tidhi “Dhalinyaradu muddo badan waxa ay ku soo jireen Xabsi dhina ca
ka qayb galka Talada ah, waxaynu ku doodaynaa maaha yaa Tolkay ah ee
waa yaa ila Ma bda’a ah.
Xasan Waraabe Cadde oo isna halkaasi ka hadlay ayaa sheegay in uu
soo dhaweynayo Urur kan Cusub ee ay dhalinyaradu ka dhex muuqdaan.
Dr. Cumar Cismaan Cartan oo ka mid ah aas aasayaashii Ururkan ayaa
ka war bixiyey ku talo galkooda sida ay u soo xulayaan Hogaanka
Ururkan, waxaanu yidhi “Waxaanu ku talo galnay in Guddoomiyuhu ku
meel gaadh noqdo oo aanu Guddoomiyaha Rasmiga ah Kartidiisa ku soo
magacawno, isla markaana aanu noqon nin inta Qurbaha looga yeedho la
yidhaahdo Guddoo miye noqo”.
Guddoomiyaha Ku meel gaadhka ah ee Ururkan Axmed Muxumed Cumar (Axmed
Talyaani) oo halkaasi ka hadlay ayaa ugu horeyn baaq Nabadeed u
diray Dadka ku dagaalamaya Magaala da Ceerigaabo, waxaanu sheegay in
Xaflada lagaga Dhawaaqayo Ururkan si wada jir ah loo gu qabanayo
Sagaal Magaalo oo ka mid ah Somaliland, waxaana Hadaladii
Guddoomiyaha ka mid ahaa “Magac Nasiye waa Maga macno badan
xambaarsan, waxaanu ugu taagan yahay Macno balaadhan Dhalinyarada
iyo Aqoon yahanka, isaga oo Ururku ka fog kooxaysiga iyo
Qabiilaysiga, Ujeedooyinka Ururkuna waa in la dhiso Cadaalada Dalka
wada saameysan, lana tir tiro Qabyaalada”.
Guddoomiyaha ayaa isaga oo Fariinta u dambeysay diraya yidhi “Ka
midooba Qabiil, u midooba Dantiina, ku midooba Nasiye”.
Axmed Maxamed Shaqalle
Shaqalle02@gmail.com
Hargeysa Somaliland
|