Ummadda Yaan lagu
Jahawareerin Canaatan iyo danta Gaarka ah.
Ummaddani
Saamiximeyso in Danaheeda lagu Lumiyo Hirdan Siyaasadeed oo I Jiid
aan Ku Jiidee ah.
Shaki kuma jiro murranka siyaasadeed ee Somaliland in maanta uu
gaadhay xaalad aad looga yaqyaqsoodo oo ah xaalad ummadani ay ka
faani jirtay.
Waxad mooda in si badheedh ah loo baal marayo habdhaqankii ummadani
laheyd ee ay kusoo caana maashay ee ahaa wada tashiga iyo
isutanaasulka.
Murranka ugu weyn ee taagan ee imika soo ifbaxayaa waxa weeyi cidda
hagaanka wadanka heyneysa inta doorashooyinku dhacayaan.
Labada garab ee siyaasadda
iskagasoo horjeedana mid walbaa wuxu ku adkeysanayaa in kiisa la
raaco.Taasuna ma aha tu ina dhaqeysa oo caada deen ah. Waxa
kale oo aan aaminsanahay in xitaa aanay dhib badneyn ha ddii
dhinac la iskugu biyo shubto.Waa haddii danta ummadda la qadarinayo
oo dan laga leeyahay.
Xukuumadda:
Xukuumadda waxa ay dooneysaa in madaxweynaha muddo kordhin loo
sameeyo ilaa inta doorasho dhaceyso.Waxa ay si adag u diidanyihiin
guddi dhexdhexaad ah oo hogaanka dalka si ku meel gaadha ah u qabata
iyagoo ku doodaya in sidaasu sharciga waafaqsaneyn.Laakiin waxa kale
oo ay iska indhatirayaan sida ay mucaaridku ku doodayaan oo ah
sharci muddada loo gu kordhiyaana in aanu jirrin.Kolkaa kol
haddii labadiiba ay murran ka taag a nyahay, miyaanay
habooneyn in xukuumaddu ay damaceeda ka horma riso ka danta
guud oo ay kala badbaadiso ummadda. Miyaanay habooneyn in wax walba
laga hormariyo badbaadada qaranka. Waliba inagoo og in dhowr jeer
loo sameeyey mudo kordhin dad badani aaminsanyihiin in ay ahaayeen
talaabo sharciga baalmarsan.Xukuumaddu iyagoo tixgalinaya wanaaga
iyo horumarkii uu wadankanu kusoo jiray ilaa iyo 1991 waa in ay ku
dadaalaan in ay aqbalaan wax alla wixii dan u ah wadanka.Xukuumadu
waa in aanay dhibsan in wadanka loo dhiibo guddi dhexdhexaad ah oo
ku meelgaadh ahaan hogaanka wadanka qabta ilaa iyo doorashadu
qabsoom eyso.Waa in ay ahmiyadda saaraan ololaha oo ay kasbaan
shicibka si mar kale loosoo doorto.
Xisbiyada Mucaaradka
Mawqifka ay taaganyihiin ee ah sac sac ka raaci mayo ilaa taayada
leeye elo iyadana waa laga wanaagsanyahay.Waa run oo in badan ayaad
tanaa sulku xagiina ka yimid taariikhduna way idiin ogtahay
shacabkuna abaalkaa waa idiin hayaa.Laakiin xaqiiqdu waxa weeyi hawl
aduun ma dhamaato, oo la idinka siisan mayo: " intaas oo jeer ayaan
tanaasulaye mar dambe waa iga xaaraan" .Idinkoo hormarinaya
furdaaminta iyo wanaaga ummadda iyo sumcad wanaagsan oo aad ka
kasbataan shacabka maxaa ku jabban in aad tidhaahdaan "kaadi badane
waa loo googol badiyaa" oo aad ogolaataan muddo kordhinta. Idinkoo
shuruudo adag iyo markhaatiyo adag ka dhiga naya waxa laga
yelayo haddii ay doorashadu waqtiga loogu tala galay ku dhici
weydo.Shuruudaha waxa ka mid noqon kara in haddii ay doorashadu
dhici weydo in Kolka ugu horeysa uu iscasilo madaxweynuhu.Kolka
labaad na imika lasii cayimo cidda madaxweyne ka noqon doonta haddii
ay sidaasu dhacdo. Sidaasbaanad kol walba ina foos ku tihiin oo
haddii doorasho dha cdana sumcad wanagsanbaad dadka ka
kasbateen haddii ay dhici weydona shuruuda aad dhigataan ayaa lagu
dhaqmayaa.
Looma baahna isusoobaxyo iyo rabshado ina dhaxalsiin kara qoomamo
iyo dhibaatooyin kale.
Allahayow laba talaba tii roon
Allahayow Tawfiiqda noogu roonow
Allaahuma Yassir Walaa tu Cassir
AAMIIN!!AAMIIN!!AAMIIN!!!
By: A.Aw Hussein
|