Tartankii Orodka 10 KM
oo Lagu
soo Gabagabeeyay Gabiley
Gabiley (Longlivesomaliland News)-Tartanka orodka tobanka kiiloo
mitir (10km) oo sanadkii labaad lagu qabtay magaalada Gabiley ee
xarunta gobolka gabiley, ayaa shalay lagu qabtay magaalada gabiley.
Tartankan waxaa ka soo qayb galay dhallinyaro aad u tiro badan oo ka
kala socotay gobolada iyo degmooyinka wadanka kuwaasi oo ay
tiradoodu dhammayd 53 qof.
Waxa kaalinta koowaad galay Ramadaan Foosi Muxumed oo ka socday
gobolka Awdal
Kaalinta labaad waxaa galay C/laahi Muuse Shaqale oo ka socday
gobolka Maroodi Jeex (Hargeisa)
Kaalinta sedexaadna waxaa ku guulaystay Max’ed Xasan Nageeye oo ka
socday gobolka Maroodi Jeex (Hargeysa)
Tartanka sanadkan waxaa loogu magac daray NABAD-DOON, waxa soo
agaasimay shabakada ururada dhallinyarada ee Gabyo-net, iyada oo ay
kala qayb galeen masuuliyiinta gobolka iyo shirkada Telesom, iyada
oo ay maal-galiyaan sanad walba Jaalliyada Somaliland ee Dalka
Kanada taasi oo uu horseed ka yahay Muwaadinka Kayd Askar Diiriye.
Dhallinyaradan ayaa orodka ka soo bilaabay meel dhinaca bari ka
xigta magaalada Gabiley oo u jirta ilaa toban kiiloo mitir, una
dhaxaysa Gabiley iyo Arabsiyo..
Dhinaca kale, Xaflad balaadhan oo Abaal marino lagu guddoonsiinayay
dhallinyardii kaalmaha hore gashay ayaa xalay lagu qabtay Hotel
Askar ee magaalada gabiley.
Waxa xafladan ka soo qayb galay masuuliyiin tiro badan oo ka socotay
gabolka Gabiley, oo ay ka mid yihiin, Badhasaabka ku xigeenka
Gobolka Gabiley C/rasaaq Sheekh Aaden, Maayarka Degmada Gabiley
Aaden Muxumed Badde, taliyaha qaybta Gobolka Max’ed Faarax,
Xildhibaan Xasan Cawaale Caynaan, xildhibaano ka socday Golaha
Deegaankad degmada Gabiley, Madax ka socotay Dallada Dhallinyarada
Somaliland ee SONYO iyo Xidhiidhka Ciyaaraha Fudud, Ciyaartoygii ka
qayb galay tartanka, Culimaa’udiin iyo Marti-sharaf kale.
Waxa ugu horayn halkaa ka hadlay Guddoomiyaha Orodka Gabiley Mustafe
C/kariim Cali ( Mustafe Future) oo u mahad naqay dhamaan dadkii ka
qayb qaatay tartanka sida shirkada telesom iyo maamulka gobolka Waxa
uu sheegay in ay hawsha ka bilaabeen sannadkii 2008 Gobolka
Gabiley,kaasi oo uu bilaabay muwaadin reer Somaliland ah oo ku
dhaqan wadanka Kanada laguna magacaabo Kayd Askar Diiriye.
Mustafe Future, Waxa uu xusay in uu kayd Askar qabashada orordadan
uu ka bilaabay Gobolka Awdal oo sanadkii sedexaad lagu qabanan doono.
Gabiley oo kii labaad Shalay lagu qabtay iyo Burco oo lagu qaban
doono Ramadaanta ka dib.
Waxa uu gudoomiyuhu si wayn ugu mahadnaqay muwaadinka isagu gacanta
wayn ka qaatay ee Kayd Askar Diiriye oo abaal wayn ku leh Gobolka
Gabiley iyo Dhammaan Dhalinyarada somalilandba.
Maayarka degmada Gabiley Aaden Muxumed Bade, oo ka mid ahaa
Masuuliyiinta halkaasi ka hadlay ayaa bogaadin u jeediyay Kayd Askar
Diiriye iyo dadkii kala qayb qaatay. Waxa uu xusay in dhallinyarada
gobolka ay maamul ahaan diyaar ula yihiin wax kasta oo ay u baahdaan.
Xafladan waxaa isna ka hadlay badhasaabka ku xigeenka Gobolka
Gabiley C/Risaaq Sheekh Aadan oo sheegay in dhalinyarada maanta
tartanka ka qayb qaadatay looga baahan yahay in la sii horumariyo
hor u socodkooda iyo wax kastoo u suura galinaya guul, sidoo kale
C//risaaq Sheekh Aadan waxaa uu sheegay in magac tartanka halku
dhiga looga dhigay ee ahaa Nabad Doon uu yahay magac kaalin weyn ka
geli doona geedi socodka nabada Gobolka iyo guud ahaan dalka oo dhan.
Mr. waxa uu si gaara ugu mahad naqay Kayd Askar Diriye oo ah
shaqsiga sida weyn u soo abaabulay qabsoomida tartanka Nabad Doon.
Md. C/risaqa waxa kale oo uu sheegay in ay Kayd Askar Diiriye u
hayaan Abaal gaar ah, isla markaana ay mar uun u abaal gudi doonaa,
wuxuuna sheegay maayirku in tartanka orodka ay si weyn ugu xusi
doonaan Kayd Askar Diiriye.
Waxaa isna hadal kooban ka yidhi xaflada Xildhibaan Muxumed Geele
Seed oo sheegay inanka maanta orodkaa tobanka kilo mitir ah kasoo
qayb gala ee ku guulaystaa uu ku guulaysan doono kuwa wadamada kale.
“Waxaad samaysataan meel aad ku dhistaan nafihiina, meel aad ku
dhistaan mustaqbalkiina. Idinka ayey idinku xidhan tahay sidaad
mustaqbalkiina u dhisi lahaydeen”, sidaasi waxaa yidhi Xildhibaan
Mux’ed Geele Seed
Geesta kale mar uu dhalinyarada si gaara ugala dar daarmayey in ay
ka dheeraadaan qabyaalada iyo kala qaybsanaanta ayaa mar kale yidhi
“Waxaanan idinkula talinayaa in laga boxo qabyaalada qaadka ee aan
wax idiin tarayn idinka iyo naftiinaba”
Maamulaha shirkada isgaadhsiinta ee Telesom Xaashi Aw Jaamac oo
xafladaasi ka hadlay ayaa xusay in ay fiicnayd in orodka sidan si ka
duwan loo qabto isagoo u sheegay dhalinyarada soo qabatay inay
barnaamijka noocan oo kale ah u soo bandhigaan ganacsatada si
loogala soo qaybgalo.
Waxa uu tilmaamay in Shirkada telesom loo sheegay labadii cisho ee
ugu danbeeyay intii karaankooda ahaydna ay ka qayb qaateen, shirkada
telesom-na markasta in ay diyaar ula tahay inay kala qaybqaadanayso
wixii dhalinyarada gaar ahaana dhinaca ciyaaraha lagu hormarinayo.
Taliyaha qaybta gobolka gabiley Maxamed Faarax oo isaguna halkaasi
hadal kooban ka jeediyay ayaa sheegay in dhalinyartu u baahan yihiin
in ay nastaan, waxbartaan oo ay ciyaaraan.
Taliyuhu mar uu ka hadlaayey nabad galyada gobolka mar uu ka
hadlayay waxa uu sheegay markasta in ay diyaar u yihiin in ay
dhallinyarada ay u soo celiyaan waxaanu diyaar u nahay in
dhalinyartu soo celiyaan ciyaarihii oo dhan sida kubada cagta oo
kale.
Taliye Maxamed Faarax wuxuu ku dhiirigalay dhalinyarada in lasoo
celiyo ciyaarihii kala duwanaa
Waxa isaguna madasha ka hadlay Mustafe Xuseen.Farsami, oo ku hadlay
magaca gudidii soo qaban qaabisay, waxa uu si wayn ugu mahad naqay
dadkii hawsha ka qayb qaatay, waxa uu si wayn ugu mahad naqay Kayd
Askar Diiriye, oo bixiyay kharashka ku baxay hawsha iyo Mustafe
Cabdi Kariim oo si wayn iskugu hawlay hirgalinta mashruucan.
Waxuu iyadna u mahadnaqay shirkada telesom gacanta ay ka gaysatay,
wuxuuna ugu danbayntii u soo jeediyay dhallinyarada in ay sii wadaan
hawashan isla markaana ay ilaaliyaan magaca Gabileynet, oo ah dabcan
kuwii iyagu hawasha hirgaliyay, waxaanu ilaahay ka baryay in
sanadkaa sanadkiisa la gaadho iyada oo sida laga hormaray.
Gababadii xaflada waxaa abaal marino kala duwan la gudoon siiyey
10-kii orodyahan ee ugu sareeyey tartankaas, waxaanay magacyadooda
iyo gobolada ay ka socdaan kala ahaayeen sida hoos ku xusan:-
1. Ramadaan
Foosi Muxumed Gobolka |
Gobolka
Awdal |
2-C/laahi
Muuse Shaqale |
Gobolka
Maroodi Jeex |
3-Max’ed
Xassan Nageeye |
GobolkaMaroodi jeex |
4. Ridwaan
Max’ed Aare |
Gobolka
Gobolka Gabiley |
5. C/risaq
Max’ed Suufi |
Gobolka
Gabiley |
6. Cumar
Cali Max’ed |
Gobolka
Gabiley |
7. Max’ed
Cabdi Ibraahim |
Gobolka
Gabiley |
8. C/qadir
Abiib Xuseen |
Gobolka
Hargiesa |
9. Khadar
Max’ed Abiib |
Gobolka
Gabiley |
10. Xuseen
Siciid Warsame |
Goboka
Hargiesa |
Tartanka ayaa noqon kara mid qayb ka noqon kara isku soo dhawaansho
ka dhex dhacda labada gobol ee Awdal iyo Gabiley oo ay dhawaan soo
kala dhex gashay woxoogaa khilaaf ah inkasta oo ay imika marayso
arintaasi meel wanaagsan.
Longlivesomaliland News Desk
Gabiley Somaliland
|