Taliyaha Ciidanka Booliska Oo Ka Warbixiyay Mudaharaadkii Isniintii
Ka dhacay Burco
Hargeysa (TNN):-Taliyaha Ciidaanka
Booliska Somaliland Sareeya Guuto Cabdilaahi Fadal Ii maan ayaa
markii ugu horeysay ka hadlay mudaharaadkii maalintii Isniintii ka
dhacay Maga alada Burco oo sababay dhimasho hal qofa iyo dhaawac
dhowr qofa, isaga oo xusay bede lka uu ku sameeyey Taliyaha qeybta
booliska Burco Axmed Cabdiraxmaan (Ilkasace) inuu yahay sunaha
dawladnimo, isla markaana waxa uu ugu baaqay shacabka weynaha reer
Burco inay nabadgelyadda ilaaliyaan.
Taliye Fadal waxa kale oo uu beeniyey inuu xilkii ka qaaday Taliyaha
qeybta Booliska Burco Axmed Cabdiraxmaan (Ilkacase), balse uu u
bedelay qeybta Selel.
Taliye Cabdilaahi Fadal waxa uu sidaa ku sheegay mar uu caawa u
waramayey Weriye Mu stafe-Jannaale oo khadka telefoonka kula
xidhiidhay.
Taliyaha Ciidanka Booliska Somaliland Sareeya Guuro Cabdilaahi Fadal
Iimaan oo ka hadlayey khamri tirro baddan iyo dadkii watay oo ay
ciidaanka boolisku qabteen, waxa uu yidhi “Waxaanu qabanay Khamri
dhan 930-Litir (Sagaal boqol iyo sodon litir), waana saddex iyo
sodon jirikaan oo min sodon litira oo uu mid daatay,waxaanan ku
qabanay laba eedeysane iyo gaadhi Sukusukiya, khamri-gaas oo ah
waxyaabaha had iyo jeer nabadgelyada khal-khalgeliya oo bileysku
beryahaaba ku hawlanaayeen waxa lagu guuleystay in maanta la qabto,
waxaana la horgeyn doona sharciga”.
Mar la weydiiyey Taliyaha Ciidaanka Booliska Somaliland Cabdilaahi
Fadal Iimaan sida uu u arko mudaharaadkii ka dhacay Burco ee sababay
dhimashada iyo dhaawaca? Waxa uu ku jawaabay oo uu yidhi “Waxaan
tacsi u dirayaa dadkii ku dhintay mudaharaadkii shalay(Isniinta)ka
dhacay Magaalada Burco, kuwii ku dhaawacmayna haday ciidaan yihiin
iyo haday shacab yihiin-ba waxaan leeyahay ILAAHAY ha caafiyo, dadka
reer Burco waxaan u soo jeedinayaa inay nabadgelyadda ilaaliyaan,
Taliyaha qeybta Booliska Burco Axmed Cabdiraxmaan (Ilkacase) in la
bedelo waa sunaha dawladnimo oo wax ayaa la isku bedelaa,Taliyaha
qeybta Burco waan ka bedelay oo qeyb kale ayaan geeyey, nidaamka
ciidamaduna wuu ka duwan yahay nidaamka kale”.
Sidoo kale, Mar wax laga weydiiyey Taliye Fadal xadhigii lagu soo
xidhay waxa maalintii shalay (Isniinta) Guddomiyaha Ururka qareenada
Somaliland ee SOLLA “Waxa lagu soo xidhay Guddoomiyaha Ururka
qareenada Somaliland ee SOLLA Foosi Sheekh Yoonis waaran ay u soo
jartay maxkamadda sare ee Ciidamadu, maantana waanu sii deynay”.
Ugu danbeyntii mar uu la hadlayey shacabka weynaha reer Somaliland
waxa uu yidhi “Shacabka reer Somaliland waxaan u sheegayaa inay guud
ahaan nabadgelyada ilaaliyaan, oo ay ciidaanka booliska gacmo furan
ku soo dhaweeyaan oo ay la shaqeeyaan”.
Mudaharaadkii maalintii shalay (Isniin) ka dhacay Magaalada Burco ee
sababay dhimashada hal qof iyo dhaawaca tiradda baddan ayaa ka
danbeeyey, kadib markii Taliyaha qeybta booliska Burco Axmed
Ilkacase loo bedelay qeybta Salal, taasina ay keentay inay shacabka
reer Burco u mudaharaadaan oo ay rabshado dhacaan.
Waxa isla maarkii shalay Mgaaalada Burco tagay Wefti ka socda
Xukuumadda Somaliland si ay xal ugu helaan rabashadaha ka dhacay
Burco, kuwaas oo ka koobna afar Wasiir oo kala ah Wasiirada
Xanaanadda Xoolaha Dr. Cabdi Aw Daahir Cali,Deegaanka Marwo Shugri
Xaaji Ismaaciil Bandarre, Beeraha Faarax Cilmi Geedoolle iyo
Qorshaynta Qaranka Sacad Cali Shirre.
Cumar Maxamed Faarax
Hargeysa,Somaliland
|