TAAGERO GO'AAMADA XISBIYADA MUCAARIDKA AH IYO MADASHA WADA TASHIGA
Dhammaan laamaha Xisbiga Caddaaladda iyo Daryeelka ee qaaradda
Waqooyiga Ameerika waxay taageero iyo bogaadin u gudbinayaan labada
xisbi Mucaarid (UCID iyo WADANI) iyo MADASHA WADA TASHIGA IYO
TOOSINTA ee sida wadaniyada iyo xilkasnimadu ku dheehantahay
xukuumadda ugu soo jeediyeen gudashada waajibaadta iyo masuuliyadda
ka saaran qabsoomidda doorashooyinka Madaxtooyada ee ku beegan
26.06.2015 iyo Golaha Wakiila oo muddo xiloodkoodii muddo dhaafay
sharci darrona ku fadhiya.
Sunnaha dowladnimo iyo habsami u socdka dimuqraadiyada ee caalamku
ku dhaqmo ayaa waxa saldhig u ah qabsoomidda doorashooyin xor ah oo
xalaal ah oo ku qabsooma xiliga sharciga ummadda ka dhexeeyaa
jideeyey. Ujeedada aynu u sameysannay axsaabta badan ayaa ah in loo
tartamo haggaaminta dalka kolba marka mudo xileedka maamulka dalku
dhammaado. Golaha Guurtida oo sharci darro ku fadhiya loogu
dulqaadan maayo in ay hadba mudo kordhin shuruucda dalka lid ku ah
hadba madaxweynaha talada dalka haya ku maamuusaan iyaguna sidoo
kale ku negaanshaha kursiga isugu cumaamadaan.
Hoggaaminta talada dalka go'aankeeda waxa iska leh shacabka
Somaliland oo codkood u hibeeya hadba cidda ay u gartaan ee u
qalanta oo waa xaashida sanduuqa lagu iiangelinta Cod bixiyeyaasha
oo waxaynu ognahay Diiwaangelintii Madaniga ahayd oo iyana la barbar
fool eryayo taas oon marnaba saldhig u noqon karin mid doorasho xor
ah oo xalaal ah lagu maarayn karo. Waxaynu ognahay doorashadii
Deeganada iyo riiqdii ay dalka ku reebtay, sidaa darteedna ku
shubasho iyo sanaadiiq cabbayni maanta dalka iyo dadku midna daafad
uma hayo.
Waxa kale oo Tixgalin Mudan in ay dawladu ka fiirsatato dardaarenka
ka soo yeedhaya dawlahadaha inaga taageerda dorashooinka oo had iyo
jeer ku taliya in dorashooyinka wakhtigooda laqabto si
diimuqraadiyada loo hergalioyo xidhiidhkii anynu la lahayna u sii
xoogoobo
Gebogebadii ummadda waxa kala hagaa waa ku dhaqanka Distoorka
Qaranka iyo shuruucda ka farcanta; hadba xukuumadda talada dalka loo
igmadana xakamaha dabarka u ihi waa xayndaabka iyo dallaalima
distoorka.
Guul Iyo Gobanimo - Wa Billahi Tawfiiq
Hassan Younis Abdillahi- USA UCID Party Chairman
Ahmed Ali Ibrahim - CANADA UCID Party Chairman
|