Sooyaalkii Faysal Cumar Mushteeg
Bilowgii Bishan September ayaan
dhakharka Hargeysa ku booqdey Alle Ha U Naxariistee
Fa ysal Cumar Mushteyg oo halkaa xanuun u jiifey. Markaan
cabbaar sheekeysanney oo aan qosolney ayaan sawiro iska qaadney.
Fanaanka Busi oo sawirka naga qaadayey ayuu AHUN Faysal ku yidhi "waar
saawirka naga qaad cid is arki Ilaahey ayaa oge". Marlabaad ayaan
isla maalintaa ku noqdey dhakhtarkii aniga iyo inan an abti u ahey
oo isna ka yimid magaalad a Bristol oo isna jeceleystay inu booqdo
fanaanka. Intii yareyd ee an la fadhiney sariirta uu ku jiifay wuxu
igula hadlayey hadalo ay ka muuqato inu ku qanacsanyahay xaaladda uu
mark aa ku jirey. Waxaana hadaladiisii ka mid ahaa " Maxamed Caliyow
aduunyo in badan waan s oo noolaa balse meshey iminka ila mareyo
Alla ha sahlo" waxa kale oo uu raaciyey "Ibna aad amku uu daalaya
balse naftan Ilaaheybaa iska leh".
Waxan Somaliland imid 1991kii iyadoo dalkaba lagu jirey muddo bilo
ah. Waxa ay aheyd xilli a y ay taariikh cusubi qormeyso oo magaalada
Hargeisa sida ay u dhantahayba ay dunsan tah ay. Dadkii u horeeyay
ee an Hargeisa kala saaxiibey waxa ka mid ahaa AHUN Faysal Cumar
Mushteeg iyo fanaaniin uu ku jiro. Gaar ahaan Feysal xiise badan
ayaan u hayey oo heesihii saa ayaa aniga iyo jiilkeyguba yaraantii
iyo dhalinyaranimadiiba an ku soo caano maalney.
Faysal waxa uu ka joogey jiil fanaaniin dhawr ah oo dadka
Soomaaliyeed oo dhami ay aad u jeclaayeen. Fanaaniintaa waxa ka mid
ahaa Feysal Cumer Mushteeg,
Maxamed Mooge,
Axm ed Mooge, Axmed Cali Dararamle,
Cabdalle Sagsaag, dhamaantood Ilaahey
ha u naxariiste. Fanaaniintaas waxa xiisaha gaarka ah ay u lahaayeen
kuligood waxa ay ahaayeen mutacali miin wax soo bartey oo qaarkoodna
jaamacado iyo kuliyado ka soo baxey. Badankooda oo uu ku jiro Feysal
waxa ay ahaayeen macalimiin ay aad u jeclaayeen dhalinyartii iyo
ardeydii todobaatanadii iyo sideetamaadkii ay wax u dhigi jireen iyo
kuwii la kacaamey fankooda.
Fanaaniinta Faysal ka mid yahay heesahooda inta badan idaacadaha
lagama soo saari jirin waxaaney u badnaayeen qaar hab qaaci ah loo
tumey. Balse waxa aad dadku u dhageysan jireen marka la isu yimaaddo
ama lagu qayilayo ama baabuurta la fuushanyahay. Heesaha Faysal ee
aan marna laga xiiso beelin waxa ka mid ah meydal qoordheer, midab
aan caddaan iyo cawlaan aheynoo daymada cajibiyooo lagu caajiseyn
iyo waxad tahay mas ciideen. Waxa kaloo ka mid ahaa lacageey iyo ha
derderin carrada ha duulin. Faysal heesaha af-carabiga ah gaar ahaan
kuwa Maxamed Wardi ee Soodaaniga ah ayuu si fiican uugu luuqeyn
jirey.
Waxa kale oo fanaaniintaas Feysal ka ka mid mid ahaa xiisaha gaarka
ah u yeelay iyaga oo aan fanka ka ganacsan jirin uuguna jirey
hiwaayad ahaan. Faysal muu dhigi jirin riwaayada ha sida badanna
kamuu heesi jirin xaflada lacagta lagu galo iyo aroosyada, balse
wuxu ahaa fanaan u heesa hiwaayad iyo inu cabbiro fikir iyo dareen
jira. Heesaha Feysal waxa ay u bad an yihiin qaar ka turjumaya waayo
isaga haysta ama ka taagan meesha uu markaa joogo. Inkastoo ay
heesaha uu qaadaa ay koobnaayeen, haddana waxa ay ahaayeen qaar
dadku aad u jecelyihiin oo midhahodu ay mug lahaayeen. Waxa kaloo
Feysal u gaar ahaa xabiib he esihiisa oo dhan lagu soo soocayo.
Waayaha uu Faysal ka heeso waxa ay ahaayeel qaar kolba jiilka markaa
jooga wada haysta y oo markaa qofkastaa is odhanayo malaha heestan
adiga iyo waayahaaga ayay ka tarjume ysaa. Bilowgii sideetamaadkii
waxa uu Faysal qaadey heesta ah "Damaam iyo Khobor ma do onaayo,
Dariiqa Togbaa i daashadey, dadyahow dalkan waan la garan waayee, an
duulee diyaarad ii donaa". Heestan Faysal waxa uu qaadey xili uu
joogey Sucuudiga oo ay Soomaali badanina joogtay aadna logu shaqo
laŽaa. Waxa ay heestaasi aheyd mid cabireysa Sooma alidii markaa
Sucuudiga joogtey ee badankoodu shaqo laŽaa.
Sideedaba dadka maalka haystaa aad ayay u yaryihiin marka loo eego
inta aan haysan. Fa ysal markii uu qaadey hiistiisii ahyed "Lacageey,
dadka kala labeeyaay, haween lahashado odaay, liitaa gargaaraay,
ladanna hoos u celiyaay" waxa ay noqotay hees qof walba oo Somaali
ah taabata oo qof walbaa is moodo inu isagu heesta qadayo. Waxa
kaloo uu Faysal ka so daba tuurey heestiisii "Ha derderin carrada ha
duulin, ha degdegine joog, nala.joog, iska joog, dalka lama necbaado,
debedaha lama jeclaado" waxa ay heestu soo baxdey xilli ay dadku
gaar ahaan.dhalinyaradu ay aad isugu biimeynayeen dhoofka.
Bishii September 2001 ayaan ka soo dhoofay Hargeisa oo an shaqo uugu
baxay dalka Cira aq. Laba maalmood ka hor intii aanan dhoofin waxa
xaflad ii sameeyey AHUN Faysal iyo fana aniin kale o iigu sameeyey
hotel Xaraf. Markaan qadeyney ee ay dhowr fanaan heeseen ayaa Feysal
ku dhuftey heestiisii "Heedhe macaaney, meydal qoordheerey, aa midab
sugu leey, iba mee sow maalmahan, nafteydii muumiran jaceyl" dadkii
ayaa aad ula dhacey heestii oo yar iyo weynba la.qaadey. Fannaan i
ag fadhiyey ayaan ku idhi fasal waakan oo codkiisii xabeeb ayaa
xidhey oo wax badan lagama maqlayo, hadana marku heestiisa bilaabey
waat an meeshi oo dhami isla kacdee. Wuxu iigu jawaabey ninkani
heesihiisu "madad" ayey leeyi hiin. Kalmaddii anigo sina u fahmay
haddan aan wada fahmin ayaan idh oo sidey madad u le eyihiin
markaasuu iigu jawaabey hesihiisu waxa ay wataan qiiro iyo xamaasad
ka tarjumaya dareen ku jira iyo duruuf run ah.
Faysal wuxuu ahaa macalin bilaabey shaqada bilawgii lixdamaadkii
waxaanu caan ku ahaa ti rinta balwada oo uu ka tiriyo meel kasta oo
uu ka shaqeeyo. Balwaada waa murti gaaban oo wax lagu cabirayo oo
gaar ahaan aad loo isticmaali jiray xiliyaddii hore. Waxa dadka
qaarkee d ku tiriyaan in Faysal iyo AHUN Cabdi Malaw ay ahaayeen
labada abwaan ee ugu balwo tiris badnaa. Balwooyinka Faysal ee
caanka ahaa waxa ka mida mar loo bedelay magaalada Bura an ee
gobolka Sanaag oo uu ku bayhoofey, wuxu yidhi "Bas ma galo baabuurna
kama baxo, bariiskeedu waa bilaa milix, Buraantu ma beetalmey baa".
Markii danbe ee uu si fiican u deg ey magaladii Buraan ayuu hadana
yidhi "Buuraha jaan baa isku baahinayee, illeen Buraan Herer bey is
bidhaanshaan.
Ilaahey ha naxariisto Faysal, inagana ha inooga daba naxaristo.
Mohamed Ali Bile
Chief - Education
UNICEF Yemen
|