Somaliland Iyo Soomaaliya Oo Turkiga ku kala Saxeexday Heshiis
Ka Kooban 7 Qodob
Heshiiskan oo uu goob joog ka ahaa Raysal
Wasaaraha Turkiga Recep
Tayyip Erdogan .......
Ankara (TNN)- Dawladaha Somaliland ee Soomaaliya ayaa
caawa ku kala saxeexday heshiis ka kooban 7 qodob, xarunta
madaxtooyadda ee dawladda Turkiga, kaasi oo ay labada dhinac u kala
saxeexeen Gudiyadii farsamo ee shirka ku yeeshay Khamiistii
magaalada Istanbul.
Heshiiskan oo uu goob joog ka ahaa Raysal wasaaraha Turkiga Recep
Tayyip Erdogan, waxaana madasha fadhiyay Madaxweynaha Somaliland Mudane Axmed Maxamed Maxamuud (Siilaanyo) iyo Madaxweynaha
Soomaaliya Mudane Xasan Sh. Maxamuud iyo wufuudii ay kala
hoggaaminayeen.
Heshiiskan waxa u saxeexay dhinaca Somaliland Wasiirka Arrimaha
dibada iyo iskaashiga caalami ga ah Dr. Maxamed Cabdilaahi Cumar,
halka uu Soomaaliyana u saxeexay Wasiirka Arrimaha Gud aha C/Kariim
Guuleed oo labadooduba kala hoggaaminayay Gudidii farsamo ee labada
dhinac.
Waxa heshiiskani ka dhashay kulankii maanta ay xarunta wasaaradda
khaarajiga Turkiga ku yees heen labada madaxweyne ee Somaliland iyo
Soomaaliya.Heshiiskan waxa laga ilaaliyay arrimihii ay sida weyn ugu
kala mowqifka duwanaayeen labada dawladood.
Nuxurka Qodobadii labada dal kala saxeexdeen waxay u dhignaayeen
sidan:-
1- Qodobka koowaad waxa uu dhigayay sii wadida wada hadaladii labada
dal u socday.
2- Qodobka labaadna wuxuu taageerayay qodobadii ay hore labada
dhinac ku heshiiyeen shirarkii hore ee labada dal ay ku yeesheen
London iyo Dubia.
3- Qodobka sadexaad waxa uu dhigayay in Somaliland iyo Soomaaliya ay
wada hadalka sii wadaan, iyadoo ay beesha caalamkuna xaga farsamada
ka caawin doonto.
4- Qodobka afraad waxa uu dhigayay in nabad-gelyadda labada dhinac
ee Somaliland iyo Soomaaliya ka wada shaqeeyaan.
5- Qodobka 5-aad waxa uu dhigayay in deeqaha Soomaaliya la siiyo ay
wadaagaan labada dhinacba ayna ka wada faa’iidaystaan.
6- Qodobka lixaad wuxuu dhigayay in muddo 90 maalmood gudahood ah
lagu qabto kulan kale oo ay labada dal yeelan doonaan oo arrimaha
kulankan lagu lafo-guri kari waayay lagaga hadlo, isla markaana lagu
qabto magaalada Istanbuul.
7- Qodobka toddobaad wuxuu sheegayay in labada dhinacba ay joojiyaan
hadalada kala fogeyn kara labada dal, ama wax u dhimi kara wada
hadalada.
Cumar Maxamed Faarax
|