Shirkadda
GARMAN PHARMACY ee Fadhigeedu yahay Dalka Jarmalka Oo Xarun Lagu
Iibiyo Daawooyinka Tayada Leh Ee Jarmalka Ka Furatay Hargeysa
Hargeisa (TNN) Shirkadda Weyn ee GARMAN PHARMACY AND CLINIC oo
xarunteedu tahay wadan ka Jarmalka isla-markaana xarumo caafimaad ku
leh dalalka Ingiriiska, Gabon, Jabuuti Iyo Kenya ayaa xarun weyn oo
daawooyinka Jarmalka lagu iibiyo ka furtay Caasimada Somaliland ee
Hargeys a.
GARMAN PHARMACY AND CLINIC oo ku caan ah daawooyinka tayada leh ee
lagu farsameeyo dalka Jarmalka isla-markaana xarumo caafimaad oo ay
ka hawl-galaan dhakhaatiir Jarmal ah oo takhas us ah ayaa xarun lagu
iibiyo daawooyinkaasi tayada leh ee Jarmalka maanta ka furatay
Magaala dda Hargeysa.
Munaasibad balaadhan oo lagu daah-furayey xaruntan lagu iibin doono
daawooyinka dalka Jarma lka oo ah daawada adduunka oo dhami isku
raacay inay yihiin kuwo tayada fiican daawooyinka ay farsameeyaan
wadamada Yurub Iyo Aasiya ayaa waxa lagu qabtay Magaaladda Hargeysa,
waxaana ka qayb-galay dad badan oo ay ku jiraan siyaasiyiin,
dhakhaatiir, masuuliyiin iyo dad kale oo xiisaynayey daawooyinkan
tayada leh ee dalka la keenay, iyadda oo halkaasi lagu soo bandhigay
daawooyin tusaale u ahaa daawooyinka xaruntan lagu iibin doono.
Munaasibadan oo ay ka hadleen masuuliyiin iyo dhakhaatiir ayaa waxa
ugu horeyn ka hadlay Afhayeenka shirkadda GARMAN PHARMACY AND CLINIC
Mr Xasan Maxamed Cali (Xasan Looyar), waxaanu faahfaahin ka bixiyay
wakhtiga la aas-aasay shirkadan adeegyada caafimaad ka fulisa
wadamada Afrika Iyo Yurub, waxaanu yidhi “Shirkadan aanu wadno waxa
uu soo jiray shan sano, waxaanu ka shaqeynayey wadamada Yurub iyo
Geeska Afrikaba, dadkii aas-aasay waxa ka mid ah Intisaar Yuusuf oo
muddo 25 sanadood ah Jarmalka kaga shaqeynaysay Caafimaad, shirkadan
waxa markii hore lagu aas-aasay dalka Jarmalka oo laga sameeyay
xarun caafimaad oo dhakhaatiir Jarmal ahi dadka Soomailda ah kula
kulmaan, muddo markii halkaa la waday ayaa xarun labaad laga furay
Magaalada Hunford, markaa labadaa xarumood ayay ku leeyihiin dalka
Jarmalka.
Mr Looyar waxa kale oo uu soo qaaday “Dalka Ingiriiska oo markii
dambe Intisaar Yuusuf u wareegtay waxa uga furan laba xarumood oo ku
kala yaala London iyo Magaaladda Burmingham, dhinaca Afrika waxay
xarumo caafimaad oo waaweyn ku leeyihiin Magaaladda Nairobi iyo
wadanka Gabon, xarumahaasi waxay u shaqeeyaan nidaam ah in sanadkii
toban bilood ay joogaan dhakhaatiir (Local ah) laba bilood ah
dhakhaatiir takhasuso ah oo Jarmal ah, xarunta weyn ee Nairobi iyo
xarunta kale ee Galbeedka Afrika wakhtiga kulaylaha iyo wakhtiga
Chrismas-ka waxa la keenayaa dhakhaatiir Jarmal ah.”ayuu yidhi
waxaanu intaa ku daray “Nidaamkaa aanu ku wadnay mudadaa shanta
sanadood ah ayuun-baa nagu dhaliyey nidaamka dawadana, meelaha aanu
xarumaha caafimaad ku leenahayna waxa ku yaala goobo Farmasiiyo ah
oo dawooyinka ah, mararka kulaylaha ama qaboobaha waxaanu dalka la
nidaamnaa Carruurta iyo haweenka, waayo aragnimo aanu ka helnay
Carruurtaasi aanu wadano marka shuban ku dhaco loo waayo dawo
shubanka markaaba joojisa, wadanka dhakhaatiir fiican way joogaan
laakiin in daawo fiican la helo ayaa adag, inta badana waxay nagu
kaliftaa inaanu daawooyin faro badan oo carruurto aanay u baahnayn
soo qaadano, markaa muddo sanad iyo badh ka hor ah ayaanu ku
fikirnay inaanu shirkada qaybteeda daawooyinka Somaliland ka furno
oo aanu daawooyinka aanu keeno dhakhaatiirta wadanka u qaybino, mar
hore aanu keenay daawo yar oo aanu u keenay xarun yar oo aanu Burco
ka furanay ayay dadku wada sitaan”.
Afhayeenka GARMAN PHARMACY AND CLINIC waxa kale oo uu sheegay
“Markaa maanta waxa aanu furnay xaruntii ugu horeysay ee aanu
Somaliland ka furano oo daawooyinka keenta, waxaanuna xidhiidh la
samaynay shirwad weyn oo dalka Jarmalka ka ah ta labaad ama
saddexaad oo la yidhaahdo TROG ayaanu wakiil ka nahay.”ayuu yidhi
waxaanu intaa sii raaciyey “Daawooyinka aanu keeno Ingiriiska ama
meelaha kale waa Jarmal daawooyinka wadamada kalena ma isticmaalo,
kuwo aanu Somaliland keenaynaana waa Jarmal, qiimaha daawooyinka
lagu iibinayaana waa mid macquul ah oo dadku iibsan karo laakiin ka
qaalisan qiimaha daawooyinka kale.
Xasan Looyar waxa uu sheegay in daawooyinka ay samayso shirkad
caalami ah oo dalka Jarmalka laga leeyahay, taasi oo ay xidhiidh la
sameeyeen “Daawooyinkana waxa sameeya shirkada weyn ee TROG,
daawooyinka kale ee aanu u baahanana iyaddaa naga wakiil ah, dawlada
Somaliland sida wasaarada caafimaadka iyo hay’adda tayada wixii
nagaga xidhnaana waanu dhamaysanay.”ayuu yidhi isaga oo intaasi sii
raaciyey “Waxa kale oo qorshaha noogu jira inaanu Somaliland ka
furno xarun caafimaad oo dadka lagu daaweeyo, waxaanu awood u
leenahay in qofkii halkan lagu daaweyn kari waayo inaanu toos
Jarmalka ugu qaadno”
Guddoomiyaha GARMAN PHARMACY AND CLINIC Marwo Intisaar Yuusuf oo
iyaduna halkaasi ka hadashay ayaa u mahad-naqday dadkii ka
qayb-galay Munaasibada lagu daah-furay xaruntan oo ay aas-aaskeeda
hore lahayd, isla-markaana ah haweenay muddo 25 sanadood ah hawlo
caafimaad ka waday Jarmalka.
Dr Maxamed Yuusuf Cilmi oo ka mid ah masuuliyiinta GARMAN PHARMACY
AND CLINIC oo isagu hore u qaybiyey daawooyin shirkadani dalka
keentay ayaa sheegay in tayada daawooyinkaasi dadku ku qanceen
isla-markaana dalbadeen in mar labaad loo keeno “Dawadan ay dalka
keenayaan shirkada Jarman Pharmacy and Clinic, markii ugu horeysay
ee ay keeneen anigaa qaybiyey dadkuna aad ayay uga heleen oo
dhakhaatiirtii isticmaalay iyo dadkuba way nala soo xidhiidheen oo
waxay dalbadeen in mar labaad loo keeno”ayuu yidhi.
Dr Saleebaan Jaamac Cabdi (Rambo) oo ka mid ah dhakhaatiirta
Somaliland oo ku hadlay afka dhakhaatiirta Somaliland ayaa soo
dhaweeyay xaruntan cusub ee GARMAN PHARMACY AND CLINIC ka hirgalisay
Hargeysa, isaga oo sheegay in Alle (SW) uu daawada galiyo waxtarka
ay dadka wax ugu tarto “Daawada ILAAHAY ayaa waxtarka galiya ee Alle
waxtar ha inoo geliyo daawadan ay inoo keenaan walaalaheen”ayuu
yidhi Dr Rambo.
Munaasibadan waxa kalmado soo dhawayn ah ka soo jeediyay
Guddoomiyaha golaha wakiilada Somaliland Md Cabdiraxmaan Maxamed
Cabdilaahi (Cirro), Cali Maxamed Waran-cadde iyo wasiirkii hore ee
wasaarada qoyska xukuumaddii Daahir Rayaale Marwo Faadumo Suudi
Xasan, dhammaantoodna waxay weji furan ku qaabileen xarunta GARMAN
PHARMACY AND CLINIC Hargeysa ka hirgalisay, iyadda oo sidoo kale
shirkadu xarun ku leh Magaaladda Burco, Magaaladda Wajaalena ku
hawlan sidii ay xarun uga hirgalin lahayd.
Timacade News Desk
Hargeisa ,Somaliland
|