SAWAXANKA SAAMI QEYBSIGA GOLAHA WAKIILADA
Waxan maalmahan dadweynaha Somaliland ku dhaqani ku dhego-barjoobeen
sawaxan iyo qeylo-dhaan ku wajahan saami qeybsiga kuraasta Golaha
Wakiilada.
Waa baylah qaran oo muddo dheer huursanayd; waa xilgudasho la'aan
musuuliyaddeedu k u kooban tahay mudanayaasha Golaha Wakiilada ee loo
igmaday in ay dejiyaan xeerarkii i yo shuruucdii ay arrintani ku
hirgelilahayd.
Mudanayaasha maanta sarajooga ku atixiyaadsanayaa toban sannadoo
ayey hurdeen oo xilkii ay ummadda u hayeen gabeen. Saaxibayaal ma
maanta ayaad baraarugteen! Xildhiba an Ayaanle, Buubaa, iyo Abdi maa
haddaa ka soo toosteen hurdadii asxaab-ul Kahaf! Doorasho dambe oon
diiwaan-gelin lahayni dalka ka qabsoomimayso 'e inna xikmad kale ma
idinku hadhay!
Doorashadii Golaha Wakiilada ee Sebtember, 2005 waxa lagu heshiiyey
in diiwaangelin la'a an lagu galo. Duruufihii yaalay xiligaa awgeed
ayaa sidaa dan loo mooday oo waa tii Maxka mada Sare go'aamisey in
saamigii wakhtigaasi yahay hal mar la adeegsay wixi ka dambeey an HAL
QOF IYO HAL COD IYO RPORPORTIONAL REPRESENTATION. Waxanu ballanku
ahaa in diiwaangelin la sameeyo si loo ogaado Gobol walba
codbixiyeyaasha ku dhaqan. Taasi wax ay fududayn lahayd murankan
maanta taagan.
Doorashadii madxtooyada ee June 26, 2010 waxa lagu galay
diiwaangelin mala awaal iyo mad madow badani ku jireen. Xukuumaddan
muddo xileedkeedii dhammaday markay talad dalka gacanta ku dhigtay
waxa laashay gebi ahaanba diiwaangelintii
Waa xaq in ummaddu wax ku qeybsato hab ku dhisan sinnaan iyo
caddaalad sida bulshada caalamku ku dhaqan. Marka ay arrintu tahay
mudanayaal doorasho ku yimaada ta ugu muh iimsani waa tira goob sugan
oo Gobolada dalka ka hirgasha. Horeso iyo dambeyso haddii aynu
tusaalo u soo qaadano ilaa Doraashadii February17, 1960, doorashadii
madaxtooya ee 2010 ayaa waxa diiwaan-gelin lagu magacaabo dalka ka
dhacday.
Bal innagoo ka shidaal qaadanayna maxsuulkii ka soo baxay
doorashadii madaxtooyada ee 2010, aynu Gobol Gobol u qiimayno hal
kursi codka uu ku kacay:-
A)
Tirada Guud ee is-diiwaangelisey dalka oo dhan: 1,069,914
Tirada Guud ee Codeysey: 538, 246
Tirada Md. G. Wakiilada : 82 Mudane
Codka Hal Kursi Guud ahaan dalka: 538,246/82 = 6,564 Cod
B)
Codkii Gobolada yio saamiga kuraasta:
1.Gobolka Awdal: 13 Mudane
Tirada Codaysey: 81,338
Codka Hal kursi: 81,338/13= 6,257
2. Gobolka Maroodi-jeex: 20 mudane
Tirada codeysey: 236,651
Codka hal kursi: 236,651/20= 11,833
3. Gobolka Saaxil: 10 Mudane
Tirada coseysey: 29,211
Codka hal Kursi: 29,211/10= 2,921
4. Gobolka Sanaag: 12 Mudane
Tirada Codeysey: 58,515**
Codka hal Kursi: 58,515/12= 4,876
5. Gobolka Sool: 12 Mudane
Tirada Codeysey: 20,878**
Codak hal kursi: 20,878/12= 1,044
**Goobo ka mid ah Gobolada Sool iy Sanaag diiwaangelin iyo codbixin
midna kamay dhicin. Sidaa awgeed tirooyinka labadaa Gobol ma sugna.
6. Gobokla Togdheer: 15 mudane
Tirada codeysey: 111,653
Codka hal kursi: 111,653/15=7,443
Sida shaxda ka muuqata suurto gal ma noqonayso in marlabaad sidan
wax lagu qeybsado sababtuna waxay ka hor imanaysaa go'aankii
Maxkamadda Sare ee ahaa in la helo diiwaangelin rasmi ah oo looga
shidaal qaadan karo saami qeybsi xaq ah. Xukuumadduna muddo
diiwaangelin lago sameeyo wey heysataa oo waataa laba sannadood oo
sharci darro ah Guurtidu qalinka ugu duugtaye hadda ha ka hawlgasho
dhammaystirka shuruucda qabyada ah.
Shirguddoonka Golaha Wakiilada ee ku doodaya Distoorka ha la furo oo
kuraasta ha la kordhiyo, waxan leeyahay furihii idinka ayaa haya;
soo curiya sharcigii distoor furista loo mari lahaa! Mudanayaal
haddaydaan meesha u fadhiyin musharka hadba korodhsanaysaan ummadda
ka hor dhaqaaqa.
Dhegihii Allah waaniyaa wax maqla.
Axmed Cali Ibrahim Sabeyse
August 22, 2015
|