Salaadiinta G.Awdal oo
Tilmaamay inaanay Ash-khaas gaar ahi Masuul ka noqon karin
shacabka reer Awdal
Xubno ka mid ah Salaadiinta
Gobolka Awdal ayaa markii u horeysay faahfaahin ka bixiyay qaabkii
ay Diiwaangelinta gobolka Awdal u dhacday iyo tabashooyinkii ay
shacbiga reer Awdal ka muujiyeen hanaankii loo diiwaangeliyay. sidoo
kale salaadiinta ayaa tibaaxo ka bixiyay hadalo qaadacaad ah oo
dhawaan ka soo yeedhay shakhsiyaad ka tirsan gobolka Awdal. iyagoo
sheegay in Salaadiinta Gobolka oo kali ahi meteli karaan shacabka ay
wakiilka kayihiin balse aan ash-khaas dano gaara lihi ku marmarsoon
karin Gobolka.
Xubnahan Salaadiinta ah ayaa sidaa ku sheegay shir jaraa'id oo ay
maanta ku qabteen Hotelka Crown ee magaalada HArgeysa, Salaadiintan
ooo kala ahaa Suld. Xasan Xaddi Axmed, Suld. Cabdiraxmaan JAamac
Dhawal iyo Suld Ibraahim Suld. Jaamac Samatar, ugu horeyn Suld Xasan
Xaddi Axmed oo halkaasi ka hadlay ayaa sheegay inay Diiwaangelinta
dalka ka dhacday ahayd arrin horumar ah oo ay Somaliland ku
tallaabsatay, Balse loo baahan yahay in wixii Tabashooyina ee Jira
la isaga Garaabo.
Waxaanu Xusay in ay jiraan god-daloolooyin farobadan oo ka dhacay
Markii ay diiwaangelintu ka socotay iyo iyo did u dhacyo keenay inay
61 goobood ay diiwaangelintu maalintii seddexaad ka bilaabanto isla
markaana ay isku khaldameen Computeradii goobahaasi taasi oo ay
keentay in dadka ay ka luntao fursaddii ay isku diiwaangellin
lahaayeen.
Waxaami intaas ku daray inay komishanka u soo gudbiyeen
Cabashooyinkaasi kalana hadleen isla markaana ay ka codsadeen
komishanka in 15-ka cisho ee danbe loo kordhiyo Teamamka
diiwaangelinta ee ka hawl geli doona gobolka Awdal taasi oo
Suldaanku sheegay in Komishankuna ka aqbalay ugana garaabay
Codsigoodaasi.
Suld. Ibraahim Suld. Jaamac Samatar oo isaguna halkaasi ka hadlay
ayaa si weyn uga hadlay Qiimaha ay diiwaangelintu ugu fadhido guud
ahaanba shacbiga Somaliland isla markaana loo baahan yahay in laga
hortago wax kasta oo ceeb ku keeni karta ahmiyadda ay diiwaangelintu
u leedahay dalka Somaliland.
Suld. Ibraahim Jaamac Samatar oo ka hadlaya qaar ka mid ah
waxgaradka gobolka Awdal oo dhawaan warbaahinta ku sheegay in
shacbiga gobolka Awdal ay qaadaceen diiwaangelinta isla markaana
aany ka qayb geli doonin doorashooyinka soo socda, inay yihiin dad
iska hadlay oo aanay masuul ka ahay Shacbiga reer Awdal.
waxana Suld. Ibraahim intaa ku daray inaanay salaaladiinta mooyaane
cid kale ku hadli karin kana wakiil noqon karin afka shacabka
gobolka Awdal, isaga oo xusay in magaca Somaliland yahay lama
taabtaan waxna aana loogu marmarsoon karin.
Qarannews
|