Salaadiin Iyo Ganacsatadii Ka Hawlgashay Soo Daynta Markabkii Shidaalka, Oo Xukumada Somaliland Iyo Ganacsataba Ugu Baaqay In La Sameeyo Ciidan Xoogan Oo La Dagaalama Budhcad Badeed.

Suldaan Ismaciil Suldaan Cabdiraxman

Hargeysa (TNN)-Salaadiin iyo Ganacsatadii ka hawlgashay sidii loo soo dayn laha markabkii lagu Afduubay Xeebaha Dalka Cuman ayaa u mahadceliyey Xukumada Somaliland iyo Maamulka Puntland oo ay sheegen in ay kala qayb-qaateen soo d aynta markabkaasi oo somaliland u siday Shiiddaal, waxanu markabku u afduubna qaar ka mid ah Budhcadbadeeda Soma li ah, waxayna sheegay in aanay wax Madaxfurasho ah aanay sinin Budhcadbadeed.

Waxayna ka digeen Cawaaqib xumad ka dhalan karta hawlgalada budhcadbadeedu ku afdubnayso maraakibta ku soo je eda Somaliland ee u raran ganacsatada Somaliland, waxayna Xukumada Somaliland iyo Ganacsatadba ugu baaqeen in la sameeyo Ciidan Baddeed oo ka Difaaca Budhcadbadeeda Maraakiibta iyo Doonyaha gacansiga u wada somaliland.waxayn a sidaasi ku sheegen Shirjaraa’id oo ay ku qabteen Hotel Emperial ee Magalada hargeysa.

Waxana shirkaasi jaraa’id ka hadlay Suldaan Maxmuud Guleed Mire, Suldaan Maxamed Maxamud Xandule, Suldaan Aadan Faarax, Suldaan Ismaciil Suldaan C/raxman, Suldaan Maxamud Xassan Ibraahin,, Xassan Cabdi Sallan, Chief Caaqil C/wali Maxamud Faarax, C/raxman Koosar, Axmed Siciid Amare , Xussen Aadan Cabdi.



Suldaan Maxamed Maxmuud Xandule oo ugu horeyn hadlay ayaa yidhi “Meeshan layno galay waa meel halbowle ah, wax aynu u baahanahay in si foojigan wax looga qabto haddii ay tahay xukumada Somaliland, shacabkeeda iyo Maamulka Pu ntlandba waa in laska garabsadaa cadawgaa Budhcadbadeeda ah, ayaanu ku talinaynaa waayo waa meeshi ay inoo soo marayeen ganacsigeena ka imanaya dalalka carabta iyo caalamkaba”Ayuu yidhi Suldaanku.

Guddomiyaha Shirkada Shidaalka ee Read See Xassan Cabdi Salaan ayaa u mahad celiyey Cid kasta oo ka qayb qadatay soo daynta markabkasi sida salaadiinta, gacastada iyo masuuliyiinta Puntland waxanu yidhi “Waxaanu mahad naq balaa dhan u soo jeedinaynaa cid kasta oo nala hawlgashay meel kasta oo ay joogan haddii ay somaliland joogan iyo haddii ay Puntland ay joogan, waxa laga yaaba in aanu mahadnaqayga u badinay dhinca Puntland lakiin reer Somaliland dee waa meeshii aanu ka soo jeednay oo iyaga laftigoodu way ka damqanayeen dhibta nagu dhacay, waxase illahay mahadi ah in Markabkii Shiidaalka inoo siday ee ay budhcadbadeedu afdubteen 14July soo dayeen 27July, Budhcadbadeedu waa cad dhab ah, oo mijaro habaabay”ayuu yidhi Xassan Cabdi

Suldaan Maxmud Guleed Mire ooisaguna shirkaasi jara’iid ka hadlay waxa uu yidhi “Waxaanu doonaynaa in aanu faahfah in ka bixino Hawashii aanu ka hawlgalanay ee anu Puntland u tagnay ee ahayd falkii budhcadbadeedu ku afduubeen mar kabkii Shidaalka u siday somaliland ee lagu afduubay xeebaha dalka Cumaan, ee ay lahayd shirkada Bad Cas, runtii markii aanu garoowe ka dagnay aad ayaa lanoogu soo dhaweyay oo madaxtooyada Puntland ayaa si fiican noo soo dhaway say.”Ayuu yidhi

Waxanu intaasi raciyey “Waxaan Dawlada Somaliland iyo Maamulka Puntland u soo jeedinaynaa in layska kaashado Difa acid Xeebaheena si looga difaaco Budhcad badeeda oo ugaadhsanyasa maraakiibta iyo Doonyaha inoo sida Adeegyadee na kala duwan, waxanu u arganaa in arinkaaasi yahay mid muhiim oo gacmaha lasqabsado si looga ilaaliyo xeebaheen budhacadbadeeda, haddii aynu dadaalkaasi gali wayno wax inagu dhici doono wixii maalintii dhawayd inagu dhacay.”Ayu u yidhi Suldaan Maxamud Guleed Mire.

Chief Caaqil C/Wali Maxamud Faarax ayaa ka dayriyey Hawlgalka ay samaynayaan Budhcad badeeda iyo Awodooda sii x oogaysanaysa, Waxanu Xukumada Somaliland iyo Ganacsatadaba ugu baaqay in la sameeyo Awood lagaga hortago Bud hcadbadeeda “Dawladeena Somaliland waxaanu u soo jeedinaynaa in ay samayso qorshe cad oo lagaga hortagayo Budh cad badeed, waayo Qoladan budhcadbadeeda waxaad la yaabaysaa sida ay u dhisan tahay sida ay u hubaysan yihiin, si da ay u helayaan isgaadhsiinta, runtii waxaanan ogayn ayaanu soo aragnay, marka shacabka reer Somaliland ganacsata da iyo dawladaba in ay iska kashadaan sidii loo samayn lahaa wixii lagula dagaalami lahaa budhcadbadeeda, Waayo nim an hadal ku tagay ma ah, niman baryo wax kugu siinayana ma ah, waxaan mar labaad soo jeedinayaa in Xukumada soma liland iyo ganacsataduba ay diyaariyaan gadiid badeed iyo ciidan hubaysan oo lagula dagaalo budhcadbadeeda, Haddii laga hortagi waayo Dhibta ay wadaan budhcadbadeedu, cawaaaqib xumo ayey inagu yelandoonta, oo wax kasta oo inoo soo daga badda ayuu noo soo maraa marka waa in aynu ilaashanaa” Ayuu yidhi Chief Caaqil C/Wali Maxamud Faarax

Source:Waaheen