Roobab Baraf iyo Dabaylo wata oo Saacado badan ka da'aayay Hargaysa

Waxa maanta galinkii danbe magaalada Hargaysa ka da'ay roobab aad u xooganaa o watay baraf iyo qabow aad u xad dhaaf ah iyo waliba dabaylo, roobbkaasi oo bilaabmay ila shantii galabnimo wax yar ka hor ayaa da'aayay ilaa caawa sagaalkii fiidnimo wakhti ku dhow

Magaalada Hargaysa oo buuralay ah iyo nawaaxigeed ilaa iyo gobolada ku dhow dhow ayaa iyagana ay roobabkani helayeen ayaamihii ina soo dhaafayba kuwaasi oo uu roobkan caawu uu aad uga duwanaa roobabkii da'aayay ayaamahii ina soo dhaafay kan oo aan baryahaasi la arag noociisa oo kale , sababta oo ah waxa uu si is haysta u daayay mudo shan sacadoood ku dhow dhow.

Roobabkan ayaa aad ugu badnaa dhanka koonfureed ee magaalda Hargaysa, siiba dhanka xaafdaha dumbuluq, Siinay, Aktoobar, ilaa Maxamed Mooge, kuwaasi oo uu ka da'ay roob aad u laxaad lahaa oo laga yaabay, roobabkani ayaa in mudo ah ka sii da'aayay xaafdahaasi iyada oo uu ka qaaday xaafdaha galbeedka iyo bariga magaalda oo aan sidaasba uga sii fogayn xaafdahaas, ilaa hada lama garan karo wax khasaare ah oo uu gaystay roobabkaasi.

Sida ay qarannews, u soo sheegayaan wariyayaasha gobolo kale oo ka mid ah gobolada Somaliland ayaa iyagana ay maanta ka da'een roobab aad u laxaad lahaa sida gobolka Togdheer oo isna ay maanta roobabku ka da'ayeen, todobaadkan ayaa roobabku ka da'ayeen dhamaan gobolada dalka oo dhan.

Sida ay doontaba ha ahaatee waxa caawa dul hogaaya magaalda Hargaysa daruuro aad u faro badan oo laga cabsi qabo in ay mar kale roobabku bilaabmaan,doraad ayuunbay ahayd markii uu daad soo rogmaday uu maraaya dooxa Hargaysa uu qaaday gaadhi Bus-ahaa kaasi uu qaaday kadibna uu ka dhashay khasaare dhimasho iyo dhaawacba lahaa.

 

Source :qarannews