Riyaale Oo Si Qarsoodi Ah Shalay Dalka Uga Dhoofay Kadib Markii Udub
Uu Gacantiisa Ku Burburay Afartii Ugu Dam beeyey Ee Ku Hadhayna
Midba Meel Ka Fud Kudiyey
Hargeysa, September 10, 2012 (TNN)
- Madaxweynihii hore ee Somaliland Daahir Rayaale Kaahin ayaa shalay
si qarsoodi ah dalka uga dhoofay markii uu ku fashilmay maaraynta
khilaaf soo kala dhex galay isaga iyo afartii xubnood ee ugu
dambeeyey ee kaga hadhay xisbigii Udub, kuwaas oo kala ahaa Cali
Maxamed Waran-cade, Siciid Sulub, Axmed Xaaji Daahir Cilmi iyo Cawil
Cali Ducaale oo dhamaantood Wasiiro ka ahaan jiray xukuumadii
Rayaale xiligii uu dalka Madaxweynaha ka ah aa. Xisbiga Udub ayaa
tan iyo intii uu ku guuldaraystay doorashadii madaxtinimada ee dalka
ka dhacday 2010 waxa la soo gudboonaaday kala qaybsanaan iyo burbur
is daba joog ah, kuwaas oo ka abuurmay loolan ay kooxaha xisbiga
dhexdiisa ka dilaacay u galeen sidii ay mid walba iskee d gacanta
ugu dhigi lahayd talada iyo hogaaminta xisbiga.
Hirdankaasi dhexmaray kooxaha ku taamayey inay hantiyaan awooda
hogaamineed ee xisbiga ayaa bilaabmay kadib markii Mr Daahir Rayaale
uu talada dalka ku wareejiyey madaxweynihii la doortay Axmed
Siilaanyo ee uu isla markaana dibada u dhoofay bishii August 2010,
waxaanu hirdankaasi wuxuu sii socdaba aakhirkii gaadhay heer uu
gudoomiyihii xisbiga ee Daahir Rayaale uu shalay dhuumasho Berbera
diyaarad uga raaco isaga oo u sii jeeda magaalada Paris ee uu haatan
degan yahay. Khilaafkan u dambeeyey ayaa ahaa mid ku kooban Daahir
Rayaale, Axmed Xaaji Daahir iyo Cali Warancade oo dhinac ah iyo
Siciid Sulub iyo Cawil Cali Ducaale oo iyaguna dhinac ah, waxaana la
isku diiday cida noqonaysa murashaxa xisbiga ee Mdaxweynaha iyo
madaxweyne ku xigeenka iyo gudoomiye ku xigeenka cusub ee xisbiga.
Daahir Rayaale oo sida la sheegay Cawil iyo ina Sulub midba mar hore
dhabarka uga taabtay isaga oo mid walba gaarkiisa u balan qaaday
inuu xisbiga ku wareejin doono ayaa hadana Cawil iyo Ina Sulub waxa
ay ku ambabareen is xulafaysi cusub oo dhex maray daahir Rayaale,
Cali Warancade iyo Axmed Xaaji Daahir, waxaanay dareemeen in cidlo
lagaga tagay arintaasi waxay xisbigii Udub gayeysiisay in
doorashadii golayaasha deegaanku ay soo gasho iyadoo xisbigii kala
daadsan yahay, isla markaana ay xisbiga ka dareereen xubnihii ugu
firfircoonaa iyo xildhibaanadii uu ku lahaa golayaasha wakiilada oo
uu xitaa awoodi kari waayey inuu soo xulo murashaxiin uga qaybgasha
doorashada golayaasha deegaanka, iyadoo wakhtigii loo qabtay soo
gudbinta liisaska murashaxiinta uu ku eegyahay 14-ka bishan.
Hadaba markii ay arimahaasi ku soo oodmeen ee ay jiq ku noqdeen ayaa
4-tii ugu dambeeyey ee Mr Riyaale Udub kaga hadhay uu midba meel ka
fud kudiyey iyadoo Cali Warancade uu shalay sheegtay in xisbiga Udub
aanu ka qaybgali doonin doorashada golayaasha deegaanka.
Hase yeeshee warar lagu kalsoon yahay oo aanu helay ayaa waxa ay
sheegayaan in arinta qaadacaada doorashadu ay ku kooban tahay Cali
Warancade oo kaliya oo aanu la qabin Mr Riyaale oo isagu ah
guddoomiyaha sharciga ah ee xisbiga.
Dhinaca kale xisbiga Udub ayaan lahayn guddoomiye ku xigeen iyo
xoghaye guud iyada oo Axmed Yusuuf Yaasiin iyo Jaamac Yaasiin Faarax
ay dhawaan sheegeen inay ka baxeen xisbiga, sidoo kale ma jiraan
gole dhexe iyo gudi fulineed oo xisbiga u dhisani.
Mr Rayaale intii aanu dalka ka dhoofin ayaa la sheegay Inuu qoraal u
gudiyey Komishanka doora shooyinka uu kaga codsanayo in dib loogu
dhigo laba todobaad murashaxiinta golayaasha deeg aanka xiligii ay
ku ekayd araajida murashaxiinta. Hase yeeshee Komishanka
doorashooyinka qara nka ayaa la sheegay in Mr Rayaale ay u sheegeen
inaanay suurtoobayn in dib loo dhigo xiliga ka ma dambaysta ah ee
qabashada liisaska murashaxiinta, dhinaca kale warar aan wali la
xaqiijin ay aa sheegaya in Mr Rayaale damacsan yahay inuu kha lkhal
siyaasadeed uu dalka ka dhex abuuro oo uu ku talo jiro in marka uu
Paris gaadho uu warbaahinta la xidhiidho oo uu sheego in xisbiga
Udub uu qaadacayo doorashadii golayaasha deegaanka ee loogu talo
galay inay dalka ka dhacdo dabayaaqada sanadkan.
Haatuf
|