RAMADAAN IYO SIDA LOOGA NOOLEEYO HARGEYSA
Axmed Carwo
Anigoo muddo dheer aan ku soomin
hoygayga Hargeysa ayaan sanadkan fursad Alle ii siiyey in aan
ku cibaadaysto dalka hooyo, gaar ahaan Hargeysa. Waa sanad barwaaqo
oo maalintii aan la arag habaaskii xagaaga, iyo kulkii duhurka,
naacow qabow iyo dal nabad iyo deganaansho ku he lay isbedel
xukuumad loo han-weyn yahay, oo waxa hoos u dhacay hirdankii
siyaasadda iyo xam aasadii isbedl doonka oo ku biyo shubatay
guushii himmilada dadweynaha. Niyad samida shacbiga iyo quluubta
midowday, ayaa Allana ugu roonaaday nimcada samada iyo baadka dhulka.
Waxa kul laga dareemaa Hargeysadii hore iyo faras magaalaha oo dad
buux dhaafshay, bacadlahana aad moodo suuqii Jidda ee Suuqul Nada oo
weliba ka camiran. Waxa kulka iyana ugu wacan iyad oo buurihii
oo dhan la degay oo naacowdii laga qabsaday.
Hargeysa waxa camiray masaajid tiro badan oo meel kasta aad ka
maqlayso ugu yaraan eedaa nka shan masjid. Waxa ka socda
xuskii ramadaan oo cibaado salaadeed iyo quraan akhris ay we
heliso duruus joogta ah. Waxa la aloosay hab lagu quudiyo
masaakiinta oo afurka waxaad arka ysaa masaajidda oo afur lagu
daabulaayo. Waxaa suuqa buux-dhaafsay soorta u gaarka ah Ra
madaanka, sida timirta, saanbuusaha iyo quraaca. Waxa yaraatay
shurbadii karaaciinka lagu sa mayn jiray oo ahayd raashin aad
u macaan. Waxa lagu bedelay casho bariis iyo baasto iyo hilib joogta
ah. Ma dhaqaalaha oo hagaagaybaa, mise waa dhaqan ka yimid dhulkii
loo qaxay?
Waxa la yaab ah in dadka camiraaya masaajiddu tahay intooda badan
oon ku qiyaasi karo 80-90% dhalin ka yar labaatan jir. Waxa raacda
in iimaamadu laftoodu u badan yihiin dhalinyaro. Waa mahad Eebbe, oo
waxa cad in mustaqbalka diiinteenu tahay mid sugan. Waxaan se is-weyd
iiyaa mee dadkii waaweynaa?
Waxa taasi i xusuusisay in dalkani soo maray dagaal dawladi kula
kacday dadkeeda oo kumaank un ay ku nafwaayeen. Waxa ka baxay
dalka jiilal dhan. Waxa se ku farxaysaa sida tacliinta, iyo diinta
loogu heelan yahay. Salaad kasta waxa raacda qudbado gaagaaban oo
leh hadaf cad oon leexleexad lahayn, si dadku u qabtaan waxa loo
sheegaayo ee Alle cabsi iyo marinka toosan ah.
Waxa xigta quraan akhris u badan casarka iyo maqribka dhexdiisa.
Waxaad arkaysaa dadka oo kolka ay afuraan u qulqulaaya salaadda
maqrib inay jamac ku tukadaan. Waxa taas suurtagal ka dhigtay tirada
masaajidda oo ruux waliba gaadhi karo. Taasi waa mid aan jiri jirin
oo Alle lagu ma hadiyo. Waxaad arkaysaa dad laasimay inay
waqtigooda ku dhammaystaan masjidka dhexdiisa oo kolkaaba bilaaba
quraan akhris. Waxa cishaha xigaa waa salaadii taraawiixda oo ay
hogaam inayaan dhalinyaro xafidsan quraanka oo gaadhay darajo ay
soddonka jis ku dhammeeyaan sal aada taraawiixda ee bishan
ramadaan. Waxa qiime gaar ah leh, in inta taraawiixda oogaysaa u
badantay dhalinyaro.
Lagama tegin dumarka ee waxa jira in masaajid badani u xidhay meel
gaar ah oo dumarku camir aan. Waa kheyr soo kordhay iyo
karaamo la siiyey diinteena macaan. Waxa barbar socda baras
hada quraanka iyo taxfiidiisa oo dumar iyo ragba loo guntaday.
Waxa la galay ictikaaf iyo tobankii habeen ee dambe. Waxa salad loo
baxaa 2.00 subaxnimo iyad oo la tukado ilaa wax yar oo suhuur
loo joojiyey, kana horeysa daakiraadda salaadda subax. Waa isla
sidii oo ictikaafka waxa u badan iyana dhalinyarro.
Waxa yaraaday dawarsigii oo sadaqadda oo badatay iyo quudinta
masaajidda iyo guryahaba ka socota ayaa yareysay. Waxa camirmay
suuqii oo habeenkii meel la kala maro la waayey, gaar ahaan
ayaamahan dambe. Waxa mahad leh xukuumadda oo bixisay musharooyinkii
shaqaalaha oo muddo bila ah laga sugaayay xukuumaddii hore. Waxa
hoos u dhacay qiimaha doolarka, ayaan darro se ascaartii mey jabin
ee weyba sii korodhay sabab la'aan. Inkasta oo ganacsatadu ka
faa'iideyso lacagta badan ee suuqa soo gashay, waxay ahayd in
doolarka dhacay uu hoos u rido ascaarta. Suuqu se ma naxo oo waxa
xukuma dalabka kolba jooga.
Dalka waxa ka muuqda raxmad iyo qabow ka dhashay quluubta qushuucsan
ee wada jirta, iyo barakada eedaanka aan meelna ka maqnayn,
masaajidda dhalintu camirtay, dumarka xijaaban iyo taxfiida quraanka
ee da' walba leh. Waxa la oogay tartanka quraanka oo masaajidda laga
dhigay. Waxa la baxshay baadifad iyo shahaadado lagu dhiirigeliyo
xafidka quraanka kariimka ah.
Haddaba waxbaan is-edelin waa Idaacadda Hargeysa oo weli xiliga
afurka u badan heesihii diini ga ahaa ee lixdanaadkii. Waxa si
gaar ah qalbiga u galaaya Sheekh sancaani Alle ha u naxariistee iyo
codkiisa dahabiga ah ee uu ku luuqeeyo YAA TAWAAB TUB CALAYNAA...
taas oo afurka ka horeysa. Waxa se qushuuca iimaanka dhooqeeya
miisigii lagu sugi jiray eedaanka. Waxa habboo need in taas
laga saaro oon Sheekh Sancaani iyo eedaanka waxba u dhexayn. Waxa
iyana habboon in eedaanka ka din la saaro 5-10 mirir oo quraan ah,
oo laga nasto miisiga kolkiiba lala soo boodaayo. TViiguna waa la
mid oo xiliga loo baahan yahay qushuuc ayaa qasaa'id iyo heeso laga
saaraa.
Aan idinku dhaafo sawir aan ka qaaday magaalada anigoo jooga guriga
aan deganay, si aad u aragtaan bilicda iyo sharafta masaaiddu u
yeeshay Hargeysa.
Kolka addoonku Alle u noqdo, Alle waxuu siiyaa nabad, deganaansho
iyo naruuro. Intaasiba wey ka muuqataa Hargeysa oo barwaaqo iyo
cibaado igu soo dhoweysay.
Alle haynaga aqbalo soonka, dambigeena ha dhaafo, hayna gaadhsiiyo
sanado badan oo cibaado ah.
Ku sagooti ramadaan soon, ictikaaf, salaad, iyo quraan akhris.
Tan iyo kulan kale, Insha Allah.
Axmed Carwo
Hargeysa 409 64 21
samotalis@gmail.com |
|