Raad
iyo reprt waafiya
Dhaleeco iyo cambaarayn ayaan
kaga jawaabayaa falka foosha xun ee kadhacay dariiqa u dhaxeeya
Gabiley iyo Boorame. Aad baan uga xuma hay xasuus naxdin lehna
way ku reebaysaa cidii damiirkeedu damqan ayo.
Waxa shaki leh sida deg-deg ee loo aasay dadkii wadada loogu gabaday
iyagoon la baadhin raad iyo report waafiyana laga reebin.Waxay ahayd
in laga qaado marxuumiinta intii aan la'aasin faro iyo DNA.
Waxan soo jeedinayaa in aan la xoorin lana qasaalin maryahay
xidhnaayeen marxuumiintu si looga bogto baadhitaan.
hadii aanu diyaar u ahayn
maamulka Riyaale inuu ka qaato waajibaadka la' gudboon waxan Kulmiye
ku boorinayaa inuu ku darsado hawlaha sugaya markuu ku guuleysto
hogaaminta wadanka ee u baahan xilkasnimo iyo cadaalad si
xasiloonida iyo wada noolaanshaha bulshada loo xoojiyo.
Buur-madow wuxu kasoo saaray bayaano iska hor imanaya oon madax iyo
mijo lahayn.
Buur-madow kuma matalo weerarka iyo aflagaadada uu sida ula kaca ah
ugula kufay Gudoomiyaha Guurtida MD Suleman Maxamuud Adam isagoo
shillal iyo sallaan uga dhigtay xubno kale, nuxurka iyo ujeedaduna
ay ku wajahnayd Gudoomiye Suleman sidaana uu ku raalli gelinayey cid
kale oo uu ugu adeegayo (title-ka) amaahda ah.
Waxa gef iyo meel-kadhac ugu filan warbaahinta S/land siiba
mareegaha internet-ka inay faafiyaan war-saxaafadeedka ay Cismaan
Buur-madow kasoo waarideen iyagoo ugu yeedhaya Boqor. Sorry, an idin
xasuusiyee shirkii Gar-adag ay ku yeelatay beesha H/jeclo kal-hore
waxay xilka madax-dhaqameed kaga xayuubisay ninkaa kadib markuu
xaslan waayey xasilina diidey.
Warbaahinta dhamaanteed waxa lagu
baahiyey in aanu wadaadkaasu beesha xil ugu maqnayn uguna matalin
madal maqaam. Waxa berigaa looga digey saxaafada in aanay beesha
magaceeda u xambaarin oo u cimaamadin cid aanay raalli ka ahayn.
Geba-gabo gabyaaga caanka ah ee Muuse Aaye ayaa gabay uu riyaale u
tiriyey ku daray waagaas tuducyo uu ku bayaaminayo in Buur-madow
xilka laga rogey markuu ka dabayshaday beeshiisa, wuxuna yidhi "waxa
Buur-madow laga raacay doollar booliyahe isagana hadaba meel u diro
duubki laga qaadye"
Sidaa darteed waxay Beeshu ka codsanaysaa saxaafada madaxa banaan
noocyadeeda oo idil inay ka waantowdo inay indhaha ka laliso
go'aamada ay beelihu ku ilaashanayaan magacooda iyo maamuuskooda
iyadoo lasiinayo mudnaantooda iyo milgahooda, waa mahadsantihiin.
Ammaano Alla,
Axmed Yussuf Ducaale
|