Qoysaska Qurbaha ka imaanaya ee imaanaya dalalka Carabta oo ay mushkilad culusi soo food saartay

Qaar ka tirsan qoysaska Soomaaliyeed ee ka soo guura dalalka Yurub, Austrelia, & W/Ameerika, soona dega dalalka Carabta si ay ubadkooda ugu helaan waxbarasho Islaami ah ayey dhibaato culus soo wajahday, kadib markii ay soo baxeen kooxo Soomaal ah oo sameystay shirkado ay ku wargelinayaan dadka doonaya in guryo looga sii dhiso dalalka Carabta in ay u qabanayaan adeegaasi guri dhisida ah, waxaana durba arrintaasi ku dhaqaaqay qoysas badan oo hanti xadigeedu aad u badan yahay geliyey guryo, hasse ahaateen muddo kadib ayey arrintaasi is bedeshay, kana dhex dhalisay khilaaf baahsan qoysaska Soomaaliyeed dhexdeeda, waxaana uu khilaafkaasi salka ku hayaa in aysan arrin sax ah hayn in hanti ka badan Labo boqol kun dollar in la geliyo guriyo laga dhisayo wadan shisheeye, oo berri wax uu gurigaasi uu ku danbeyn doono aan la ogeyn & kooxaha qandaraaska guryo dhisida qaadanaya oo muuqaal ahaan u eg dad wadaado ah balse marka loo dhabo-galo habka ay ku shaqeynayaan ay tahay hab musuq maasuq iyo wax is daba marin ah, iyaga oo doonaya in ay dadka macaash xoogan ka helaan, kuna shaqeystaan hantidooda, dhismaha gurigana ay waqti dheer oo ka badan 2 sano ka dhigaan

C/xamiid oo ka mid aabayaasha soo dejiyey ubadkooda dalka Masar ayaa ka warbixiyey sida xawliga ah ee ay arrintaasi ku socoto, uguna baaqay dadka Soomaaliyeed, gaar ahaan haweenka ubadkooda jecel ee doonaya in ay dalalka muslimka ah guryo ka iibsadaan in ay arrintaasi aaney ku kadsoomin si weynna uga taxadaraan, wuxuuna isagoo arrintaasi ka hadlaya uu yiri “Waa arrin aad u wanaagsan in ubadka Soomaaliyeed haddiiba loo awoodo in la keeno dalalkaas Islaamka ah oo ay ka helaan waxbarasho Islaami ah, haddana waxaa beryahan soo badanaya dhibaatada & tafaraaruqa ay ka mudanayaan aabaha iyo hooyada in ay guri ka iibsadaan dalal sida dalkaan Masar oo kale, Soomaalideenuna waxey u badan yihiin dad qalbi furan, oo horay dadka ay bartaan ka aamina iyaga oo aanan ku xisaabtamin in qofku hadduu uusan ILLAAHEY ka cabsaneyn ay fududahay inuu garweyn deysto, isuna ekeysiiyo qof culimo ah si uu u qaldo dadka, waxaana aan jecelahay in aan qoysaska Soomaaliyeed uga digo arrintaasi, waxaa soo baxay dad wato astaan diimeed kuwaa oo soo diyaariya mashruucyo lacaga yar ee Cayrta ee ay qaataan qoysaska looga furanaayo haweenka Soomaaliyeed ee ku nool wadamada reer Galbeedka, waxaana arrintaasi isku khilaafay kuna burburay qoysas badan oo Soomaaliyeed waana arrin u baahan in taxadar laga lahaado, waxaad arkeysaa hooyadii qoyska in ay leedahay waa in lacagta gabi ahaanba la siiyaa ragaasi guryaha cusub dhisaayo taasina waxey keeneysaa ismaandhaaf iyo burbur”

Shirkadaha waaweyn oo haweenka lagu furta ayaa xaruma ku leh wadamada Emaraadka Carabta ,Sacuudiga iyo dalka Masar kuwaa oo dadka ka qaado lacag kadibna ugu dhisa lacagtooda guryaha kadibna ka qaado macaash aad u badan

Adam Ege