Musharax Axmed Cali Buux oo Cududiisa Taageero soo bandhigay iyo
taageerayaashiisa oo Dhoolatuskii ugu Balaadhnaa ka Sameeyay
Khayriyada Gabiley.
Mushar Axmed Cali waxa uu sheegay in haddii illaahay ku Guuleeyo
Doorashada Golaha Deegaanka ... Daawo Sawiradda
Gabiley (TNN)-Musharax Axmed Cali Buux oo ka mid ah Musharixiinta
Urur Siyaasadeedka Wadani uga Sharaxan Doorashada Golaha deegaanka
Gabiley a yaa Shalay Cududiisa taageero ku Soo Bandhigay Fagaaraha
Khayriyada Magaalada Gabiley.
Taageeraal Aad utiro badan oo Lulaya Sawirada Musharax Axmed Cali
Buux ayaa Socod ku soo maray Jidadka Waawayn ee Magaalada Gabiley
waxaanay sida daadka iskugu soo biyo shubteen Xarunta Khayriyada
magaalada Gabiley oo ahayd halka loogu dabaal dagayay musharixiinta
ururka.
Musharaxa oo Dareenkiisa ka hadlay ayaa ku dheeraaday Muhiimada ay
leedahay Fahanto in Waxa lagu tartamayaa tahay codkooda isla
markaana ay ka fiirsadaan Xil kasnimada iyo Masiirkooda cidda ay ku
aaminayaan in ay u Qalanto iyo in kale.
Mushar Axmed Cali waxa uu sheegay in haddii illaahay ku Guuleeyo
Doorashada Golaha Deegaanka uu intii karaankiisa ah wax ka Qaban
doono Dayactirka Danta Guud, Gaar ahaan Cusbitaalka, Bilacda
magaalada, Dugsiyada Waxbarada iyo jaamacadda Timacadde.
Axmed Cali Buux waxa uu Taageerayaashiisa ugu Baaqay in ay ku
Doortaan Waxa uu Bulshada u qabtay iyo Masuuliyada ay ka filayaan
waxaanu ku Booriyay in ay Numberka Codaynta sifiican u Xafidaan oo
laga caawiyo dadka aan waxna qorin waxna akhriyin sidii Xuquuqdooda
distooriga ah ay ugudan lahaayeen.
Musharax Axmed Cali Buux oo ah Masuul Waayo Aragnimo iyo Khibrad u
leh Dawladaha hoose isla markaana ka Qayb qaata horumarinta Danta
Guud gaar ahaa Dhismaha Dugsiyada Waxbarasho ee Deegaanka oo uu
Qaarkood ka dhisay Gabiley ayaa ka mid ah Musharixiinta ugu
Miisaanka Culus ee ku jira Ururka, Siyaasigan oo muddo ku soo dhex
jiray masraxa siyaasada isla markaana ka mid ahaa Xubnihii Golaha
Dhexe Xisbiyada kulmiye iyo udub wakhtiyo kala duwan.
IMG_0772IMG_0777musharax axmed cali buux
Musharaxa waxaad kala Xidhiidhi kartaa:
002522-4421441
http://www.facebook.com/musharaxaxmed.calibuux
C/raxmaan Xaaji
Timacade News Desk
Gabiley ,Somaliland
|