Mushaharooyinka
ay Golaha Wakiiladu u Qoondeeyeen Madaxweynaha iyo Madaxda
golayaasha Qaranka
Waxay
Madaxweynaha u qoondeeyeen 65 Milyan oo Sl. Sh. ah
Hargeysa (TNN) Fadhiga Golaha Wakiiladda ee maanta ayaa la filayaa
in lagu guda galo dood Xeerka Xadaynta Mushaharooyinka Masuuliyiinta
Qaranku.
Xeerkan oo ah mid ay maalmahanbaa hadal hayntiisu taagnayd ayaa
iftiimin doona markii ugu horey say taariikhda Somaliland ee
ay Golayaashu si cad Ummadda ugu soo bandhigaan qadarka lacagta ah
ee ay Mushaharka u qaadan doonaan Masuuliyiinta ugu saraysa Dalku oo
in badan lagu eedeeyo inay isticmaalaan lacaago fabadan oo aan
tiradeeda la garanayn
Hadaba Nuqulk kaa mid Xeerkaasi iyo Ujeedada ay Mudanayaashu u
keeneen wakhtigan ayaanu hal kan idiin ku soo gudbinaaynaa
waxaana ugu horeyn aanu idiin soo qadimaynaa Lacagta Masuul kaasta
loo qoondeeyay oo uu ugu horeeyo Madaxweynuhu:-
Madaxweyne: 65,000,000 sh/sl
Madaxweyne ku Xigeen: 45,500,000 sh/sl
Gudoomiye Guurti 11,050,000 sh/sl
Gudoomiye ku Xigeenka 1aad Guurtida 8,450,000 sh/sl
Gudoomiye ku Xigeenka 2aad Guurtida 7,150,000 sh/sl
Gudoomiyaha Golaha Wakiilad 9,750,000 sh/sl
Gudoomiye ku xigeenka 1aad Wakiilada 8,450,000. sh/sl
Gudoomiye ku xigeenka 2aad Wakiilada 7,150,000 sh/sl
Mudanayaasha Golayaasha Xeer Dejinta 6,500,000. sh/sl
Hadaba mudanayaasha Mooshinkan keenay waxa ay u cuskadeen Xeerkan
Qoddobo Dastuuri ah oo ay ku sheegeen inuu iyaga siinayo Awooda
Annaga oo tixraacayna Distoorka JSL Qodobadiisa:
38aad.faq.1aad oo tilmaamaysa awoodda Xeerdejinta Baarlamaanka iyo
in Awoodaasi aanay cid kale u wareegi karin;
Qod.1aad faq.2aad oo muujinaysa
in Awooda iyo Karaamada Qaranimadu uu leeyahay Shacabku,
Qod. 39aad iyo Qod.55aad oo tilmaamaya in awooddaa iyo hantida
Shacabkaba uu Wakiil ka yahay Golaha Wakiiladu,
In " habaynta Nidaamayada
Dhaqaale iyo lacageedba " ( qod.54aad.faq.4aad) ay ka mid tahay
awoodaha u gaarka ah Golaha Wakiilada;
Faq.3aad xarafka (t) oo
tilmaamaya inay ka mid tahay hawlaha ugu muhiimsan Xilgudashada
Baarlamaanka in Jamhuuriyada Somaliland yeelato dhamman Xerarka ay u
baahan tahay;
Anaga oo ka soo tallabo-qaadanay xaqiiqada ah in aanay jirin xeerar
jidaynaya ama xadaynaya Mushaharooyinka iyo Gunooyinka:
Golayaasha Xeer Dejinta Qaranka
Madaxwaynaha iyo Madaxweyne ku Xigeenka
Madaxda kale ee Qaranka sida ay waajibinayaan Qod. 47aad, 65 iyo
87aad 98aad farqadiisa 3aad iyo Qodobo kale;
Annaga oo yaqiinsan kana duulayna
baahida loo qabo in la xadeeyo lana cayimo Mushahaaryooyinka,
Gunooyinka iyo Xuquuqda kale ee ay yeelanayaan Madxada Qaranku, si
loo adkeeyo ku-dhaqanka mabaadiida asaasiga ah Dimuqraadiyada ee
wada Xisaabtanka iyo daah-furnaanta ( accountibility and
trancparency) Jamhuuriyada Somaliland.
Annaga oo aaminsan inay tahay waajibaadka aasasiga ah ee Golaha
Wakiilada;
Sidii loo xakamayn lahaa musuqmaasuqa, xoojinta iyo toosinta
maamul-wanaagga iyo ku –dhaqanka sharciga ( Good Governace and rule
of law )
Annaga oo cuskanayna raacaynana xeer-hoosaadka Golaha:
Qod.3aad oo muujinaysa in Goluhu" u xilsaaran yahay dejinta, hubinta
iyo dhowrista sharciyada Dalka..";
Qod.37aad faq.1aad iyo 2aad oo
banaynaya in mudanayaashu ay xaq u leeyihiin inay Golaha soo
hordhigaan soo-jeedinno (motions), hadii ay tiradoodu dhantahay kow
iyo toban (11) xubnood, soo-jeedintuna qoraal tahay:
Waxaanu Golaha soo hordhigaynaa una soo jeedinayna inuu ka doodo,
ansixiyona xeerka xadaynta mushaharooyinka iyo gunooyinka ( kaasoo
aanu u qaybinay laba qaybood oo isku lifaaqan) iyo xuquuqda kale ee
ay yeelanayaan:
a) Madaxwaynaha Jamhuuriyada Somaliland
b) Madaxweyne – ku –Xigeenka Jamhuuriyada Somaliland
c) Gudoomiyaha Golaha Guurtida ee Jamhuriyada Somaliland
d) Gudoomiyaha Golaha Wakiilada ee Jamhuuriyada Somaliland
e) Guddomiye –ku-xigeenka 1aad iyo 2aad ee Golaha Guurtida
Somaliland
f) Gudoomiye –ku – xigeenka 1aad iyo 2aad ee Golaha Wakiilada
Jamhuuriyada Somaliland
g) Xubnaha Golaha Guurtida Jamhuuriyada Somaliland
h) Xubnaha Golaha Wakiilada Jamhuuriyada Somaliland
i) Xubnaha Golaha Wasiirada Jamhuuriyada Somaliland
j) Iyo Madaxda Sar sare ee Qaranka
Khadar Cabdi Muuse
Timacade News Desk
Hargeysa /Somaliland
|