Munaasibad Xilka
Maayarnimo Ee Magaalada Gabiley Lagula Kala Wareegayey Oo Ka
Qabsoontay Gabiley
Gabiley ayaa noqonaya Maayarkii Lixaad ee Sifo Sharci ah ku
yimaada,Iyada oo uu Xilka kala w areegay Ku-Sime Maayar oo Muddo
Toban Biloodku dhaw ku-meel-gaadh ku sii haysay Gudoon ka Golaha
Gabiley
.
Gabiley (TNN)-Munaasibad ballaadhan oo Xilkii Maayarnimo ay kula
kala wareegayeen Gudoomi ye-ku-xigeenka Golaha Deegaanka Gabiley ee
ku simaha Maayar ka ahayd Gudoonka Golaha Marwo Khadra Xaaji
Ismaaciil Yoonis (Khadra Xaaji Gaydh) iyo Gudoomiyaha Cusub ee ay
Gol aha Deegaanku doorteen Axmed Muxumed Qaalib (Axmed Samir) ayaa
lagu qabtay Hoolka Shirarka ee Xarunta Dawlada/hoose ee Degmada
Gabiley.
Xafladan Xilka lagula kala wareegayey oo si heer sare ah loo soo
qaban qaabiyey ayaa waxa ka soo qayb galay Badhasaabka Gobolka
Gabiley Xuseen Cumar Magan (Subagle), Saraakiil sar-sare oo ka
socotay Wasaarada Arrimaha Gudaha, Xildhibaano ka mid ah Golaha
Deegaanka
Gabiley, qaar ka mid ah Hogaamiyeyaasha Dhaqanka, Madaxda Ururada
Bulshada, Dadwayne kale, iyo Marti-Sharaf kale oo badan.
Badhasaabka Gobolka Gabiley oo furitaankii Xaflada ka hadlay ayaa
ugu horreyn sheegay in ay Sunnaha Dawladnimo ka mid tahay
Isbadalladan Maamul ee Golaha Deegaanka Dhexdiisa, taasi oo uu xusay
in Xafladan Xilka lagula kala wareegayaana ay ka mid tahay oo kaliya
Xafladaha
Xilalka lagula kala wareegayo ee lagu waafajinayo Sunnaha Dawladnimo,
waxaanu si wayn ugu mahad-Celiyey Maayarkii hore ee Degmada ku
simaha ka ahayd oo uu sheegay in ay wax badan ka qabatay Degmada
Muddadii ay Xilka haysay, Isaga oo Sidoo kalena Gudoomiyaha Cusubna
kula
dardaarmay in uu Dadaalka halkaa ka sii wado, waxaanu ugu duceeyey
in Alle ku asturo Xilkan uu Umada u qaaday.
Xasan Raage oo Isaguna ka mid ahaa Saraakiishii ka socotay
WasaaradaArrimaha Gudaha, oo isaguna Carrabaabay in Xil-wareejintani
aanay jirin wax Khilaaf ah oo jiraa oo la xidhiidha Day mo iyo wax
noocaas ah oo la isku khilaafsan yahay, hase-yeeshee, la waafajiyey
Nidaam Maa mul hadiiba ay jiraana, kuwaas oo lala xidhiidhinayo
Mashaariicda Horumarineed ee ka socda Magaalada.
Haweenayda kaliya ee Madiga ku ah Golayaasha Deegaanada Dalka, isla
markaana ah Gudoo miye-ku-Xigeenka Golaha Deegaanka Gabiley, sidoo
kalena ku sime ka sii ahayd Xilka Maayarn imo Marwo Khadra Xaaji
Gaydh oo Iyaduna halkaa ka hadashay ayaa si mug leh uga war-bixisay
Muddadii ay haysay Xilkan Maayarnimo Mashaariicdii u qabsoomay ee ay
ka hir-galisay Degma da, iyo kuwa ay gacanta ku haysay ee aan
dhamaystirmin ee Wali qabyada ka ah, iyo waliba kuwa ugu jiray
qorshaha ee ay naawilaysay in Mustaqbalka dhaw ay ka fuliso Degmada.
Waxaanay Qodob-qodob u kala saartay Dayntii ay Iyadu la wareegtay
Markii ay Xilka kala war eegaysay Maayarkii ka horreeyey, iyo Daynta
ay ku wareejisay ee Sanduuqa Horumarinta ku saabsan, iyo waliba inta
ay Dakhli ahaan ku wareejisay ee Qasnada Dawlada/hoose ku jirta.
Waxaanay Gaba-gabadii si gaara u tilmaantay in Hadii Xubin ka mid ah
Xubnaha Golaha Dee gaanka Gabiley ka mid ahi, uu kala wareegi lahaa
uu Maanta kala wareegay Xubin ka mid ah Xubnaha ugu wacan ee Golaha
ka mid ah, kaasi oo ay xustay in aanay ku hambalyeynayn Xilkan uu la
wareegay eh, ay Alle uga baryeyso in uu ku Asturo.
Gaba-Gabadiina Gudoomiyaha cusub ee Golaha Deegaanka Gabiley Axmed
Muxumed Qaalib (Ax med Samir) oo Isaguna ka hadlay Munaasibadaa uu
Xilka kula wareegayey ayaa sheegay in uu Daymaysan yahay, Maadaama,
oo Maayarkii ka horreeyey Wax badan qabtay, oo Isagana laga filayo
in Waxqabadkaa mid la mid ah iyo mid ka sii badanba laga sugayo, oo
aan laga yeelaynin in uu Marnaba hoos uga dhaco. Gudoomiyuhu waxa
kale oo uu ballan qaaday in uu Dakhliga Daw llada/hoose ee Gabiley
uu uga faa’iidayn doono dhinaca Waxbarashada oo uu Taakulada ugu
badan siin doono Jaamacada Gabiley. Waxaanu ka codsaday Dadwaynaha
in ay Alle uga
baryaan in uu ku asturo Xilkan uu u qaaday Umada.
Maayarkan maanta la wareegay Xilka Gudoomiyenimada Golaha Deegaanka
Gabiley ayaa noqo naya Maayarkii Lixaad ee Sifo Sharci ah ku yimaada,
Iyada oo uu Xilka kala wareegay Ku-Sime Maayar oo Muddo Toban Bilood
ku dhaw ku-meel-gaadh ku sii haysay Gudoonka Golaha Gabiley, taasoo
Muddadii ay haysay ka fulisay Magaalada Mashaariic tiro badan oo ay
ku kasbatay Taag eero badan oo Dadwaynaha Reer Gabiley si mug leh
ugu taageersanaayeen. Kuwaas oo Si gaa ra Isha ugu haya halka ay ku
danbayn doonto Mashaariicdaa Tirada badan ee laga fuliyey iyo kuwa u
baahan dhamaystirku.
Caydaruus Axmed Ismaaciil (Qadiye)
Timacade News Desk
Gabiley,Somaliland
|