MUDDAYNTA
DOORRASHADA MADAXTOOYADA
Shirkii Bishan Abril 13dii, 2010
Guddida Doorashooyinka Qaranka ay u qabteen Axsaabta Qaranka ee
qalinka lagu duugay Xeerka Anshax Doorashooyinka ayaa waxad moodaa
in saxaafadda dalku siyaabo kala duwan u fasiratay hadal uu
Guddoomiyaha Guddida Door ashooyinka madasha ka jeediyey. Qaar
ka mida mareegaha warbaahinta Somaliland ay aa faafiyey in
Doorashadii madaxtooyadu qabsoomayso badhtamaha Bisha Juun, 2010.
Sideedaba doorashadan madaxtooyadu xiligay u asteysnayd waxay dib
uga dhacday laba sannadood. Markaa hadday xaqiiqo tahay in ay
doorashadu u mudeysantahay ma alintan warbaahintu sheegayso,
wixii aynu dhowrnaaba waa ololihii doorashada oo si rasmi ah u
bilaabma Bisha May 1, 2010 noqonaysa maalinta u horeysa ee 45
maalmood ololaha sida xeerka doorashooyinku qeexao. Waa hawl in
badan inagu rafatay oo laga gudbi doono.
Shirkii jaraa’id ee Guddida Doorashooyinka ee Bisha Abril 13dii,
2010 si kastaba ha loo turjumte, waxa cad in warbaahintu si badheedh
ah u baalmarsantahay shuruucda iyo xeerarka doorashooyinka qaranka,
gaar ahaan xeerka diiwaangelinta codbixiyeyaasha oo sheegaya in 90
maalmood ka hor doorashada, goob kasta oo laga codeynayo la dhigo
liiska kama dambeysta ah ee cod bixiyeyaasha. Markaa su’aasha meesha
ku jirta ayaa ah: Shirkaddii qandaraaska ku qaadatay kala
shaandhantay qashinkii buuxdhaafiyey diiwaangelintii codbixiyeyaasha
miyey hawsheedii dhamaystirtay?
Waxa heshiiskii lixda qodob ka koobnaa ee lagu soo afjaray
khilaafkii siyaasadeed ee da lkuba ku sigtay in uu burburo,
ayaa isna sheegayey in Guddida Doorashooyinka Qaranka iyo Guddi
Farsamo oo ka wakiil ah deeqbixiyeyaashu ay si wadajir u
go’aamindoona ma alinta doorashadu qabsoomayso,ka dib marka la
ogaado natiijada kala shaandhaynta diiwaangelintii oo isdabamarin
iyo musuqmaasuq hadheeyey. Goobtii lagu axeexayey Xeerka Anshax
Doorashadu umay muuqan madal loogu talagalay ku dhawaaqista
maali nta ay doorashadu qabsoomayso. Warbaahinta qarankana loogama
baahna in ay faaf iyaan war aan sugnayn oo beri ka maalin
muran ka dhalan doono.
Guddida Doorashooyinka Qaranku waxay hore u shaaciyeen in dhammaan
aqoonsiyadii hore ee codbixinta lagu bedelidoono qaar cusub. Waxa
muuqata in aan weli la dammay stirin daabacaaddii kaadhadhka
cusub. Bedelaadda iyo sixitaanka khaladaadka kuwii hore ku jiraa
iyana waxay u baahandoonta muddo ku filan iayada oo laga duulayo
rirada kamadambaysta ah ee ka soo baxday kala shaandhanta
dadweynihii hore isu diiwaange liyey.
Waxa kale oo xeerka codbixiyeyaashu qeexayaa in codbixiyuhu ka
codeyn karo oo keli ah goobtii uu iska diiwaangeliyey. Muddaynta
doorashada ayaan ka madhnaan Karin sa adaasha xagga cimilada
sababtoo ah dadweynaha iska diiwaangeliyey inta u dhexeysa Ceelaayo
iyo Saylac mudada u dhexeysa Bisha Abril iyo Bisha Oktoobar
deegaanadooda way ka guuraan oo waa xili kulayla ah, waana arrin
mudan in goorwalba Guddida Door ashooyinku ku xisaabtamaan.
Waxay waayo aragnimo laxaad leh laga kasbaday caqabadihii ka
horyimid Guddidii Door ashooyinka ee kan imika jira ka
horeeyey. Dhibaatadii hore loogala kulmay diiwaangelin ta ayaa
waxa kow ka ahayd Haya’ada Interpeace oo kaashanaysa axsaabta
qaranka qaarkood, iyo haya’ado wadani ah oo Interpeace xidhiidh la
leh. Farogelintaa xad dhaa fka ah ayaa habsocodkii
diiwaangelinta iyo shaqo maalmeedkii Guddidaba ragaadiyey;
aakhirataankiina waxay noqota in habeen madow dalkuba faraheen ka
baxo, jiritaankii Somaliland si hawl loo waayo ka dibna aynu noqono
qayb ka mid ah habar dugaaga koonfur isku qalanaya.
Haya’adda Interpeace ujeedada ay ka leedahay Somalia wixii la isku
odhan jirey way in oo caddahay oo cidna kama qarsoona.
Interpeace seddex geed oon isgeyin, midna mid la jinsi ahayn ayey
qorsheynaysaa in ay isku tallaasho dabadeedna midha tallaalkaa ka
soo baxa dib loogu ambaqaado unugii SOOMAALIWEYN. Seddexda geed mid
waa GOB, midna waa KIDI, kakalena waa MARAA! Waa himilo sideeda
madhalays u ah.
Waxa kaloo jirtay in maalin dhoweyd Wasiirka Warfaafinta iyo
Akaademiyada Nabadda iyo Horumarintu isku maandhaafeen lahaansha
tababarada loo qabanayo dadka ka hawl gelidoona doorashada
madaxtooyada. Markiiba waxa mudh soo yidhi Interpeace oo cid aan
shaqo ku lahayn doorashooyinka qandaraas ku siisay hawlahaas. Mar I
dage Allah ha dago, mar labaad haddu I dagose anaa dagan.
Si kastaba ha ahaate, haddii Guddida Doorashooyinka hawlihii kala
shaandaynta diiwaa ngelintii codbixiyeyaasha iyo hawlihii kale
ee doorashada la filyaa u soo gebogebowday oo sida warbaahinta lagu
shaaciyey doorashadii madaxtooyadu qabsoomayso bisha Ju ne
badhtameheeda, waxa haboon in Komishanku war rasmi ah arrinta ka soo
saaro si aan maalin dhow murankii hore inoo aafeeyey mar labaad
halkiisii ka bilaabmin.
Axmed Cali Ibrahim
Sabeyse |
|