Mudanyaal
ka tirsan Golaha Wakiiladda oo ku hawlan Mooshin ka Dhan ah
Xukuumadda Siilaanyo
Qoddobada Mooshinkan gun-dhiga ah iyo saammaynta uu yeelan karo
Hargeysa (TNN) – Mudanayaal ka tirsan Golaha Wakiiladda Somaliland
ayaa maalmihii la soo dhaa fay ku foolanaa sidii ay Golahooda
u soo hor-dhigi lahaayeen Mooshin ka dhan ah Xukuumadda Somaliland,
kaasi oo ay ku deedafaynayaan ka qayb-galka shirarka Somaliya, gaar
ahaan shirkii ugu dambeeyay ee ka dhacay Boqortooyadda Ingiriiska,
kaasoo uu ka qayb galay Wasiirka Arrim aha Dibadda Somaliland.
Mooshinkan Mudanayaasha Wakiiladda qaarkood wadaan ayaa sido ilo xog
ogaal ahi xaqiijiyeen waxay ku beegsanayaan isla markaana ay
damacsan yihiin sidii Golahoodu Maamuus ka xayuubin loogu sammayn
lahaa Wasiirka Arrimaha Dibadda Dr. Maxamed Cabdillaahi Cumar oo
sida ay Mud anayaal ka tirsan kooxda Mooshinka wadataa
iftiimiyeen sida uu Wasiirku ugu gafay Go’aanadii Goleyaasha sharci
dejinta, sidoo kalana ay Madaxweynaha kaga codsanayaan inuu xil ka
qaadis ku sammeeyo Wasiirkiisa.
Kooxda Mudanayaasha ah ee Mooshin ka wataa ayaa waxa gun dhig u ah
Mooshinkooda Go’aan ka soo baxay Labada Gole Qaran ee Guurtidda iyo
Wakiiladda, kaasoo nuqulo ka mid ah go’aank aasi ay u
qaybiyeen xubno ka tirsan Golohooda iyo Warbaahinta qaarkeed, “Adeer
Wasiirka waa in maamuus ka xayuubin lagu sammeeyaa, Maxkammadna la
soo taagaa, wuxuu ku gafay isla ma rkaana baal-maray Go’aano
sharci ah oo xaaraantimaynaya ka qayb-galka shirarka Somaliya, Ma
daxweynahana waxaanu leenahay Dastuurkii iyo shuruucdii lagugu
dhaariyay kuuna xalaaleeyay xilka aad ummada u hayso Golayaashii
Sharci Dejinta ee sammeeyay ayaa si wada-jir ah go’aan Gole ugu
xaaraantimeeyay, maanta lama qorin go’aankan ee talaabo ka qaad
Wasiirkaaga haddii kale waxa cad in aad raali kaga tahay shirkaasi
Somaliweyn ee ee Ingiriiska ka dhacay, haddii ka le masiirkii
ummadan adigaa laguu raacayaa” sidaasi waxa yidhi Mudane ka tirsan
kooxda Moos hinka ka dhan ka ah xukuumadda wada, kaasoo ka
gaabsaday in magiciisa la xuso sheegayna in ay badka soo dhigi
doonaan maal-maha soo socda, mudanahaasi ayaa nuqul ka mid ahna
Go’aan kaasi labada Gole soo saareen gacanta ku sita.
Go’aankaasi ay Mudanayaasha Mooshinka wataa ay u cuskanaayaan in
Maamuus ka xayuubin la gu sammeeyo Wasiirka Arrimaha dibadda oo
nuqul ka mid ah Waaheen ay heshay ayaa tix raac iisu JSL/GB/01/2003
kuna taariikhaysan 12/10/2003 kaasoo u dhigan sidan Golaha
Baarlamaan ka Somaliland:-
1.Wuxuu go’aamiyey 1 in cid alaale iyo
cidii ku abtirsata Somaliland, dawladd, shicib, Afraad, Uru ro,
Axsaab, NGO-yada, Aqoon ayahanada, Madaxdhaqameedyada, Suugaan
yahanada iyo dham aanba noocyada ururada Bulshada aanay sinaba
uga qayb gali Karin shir kasta iyo arin kasta oo lagaga hadlayo
Hindisayaasha Somaliya ama lagu heshiisiinayo dhinac ka mid ah
kooxaha Somalia ama iyagoo isku dhanba
2. In cid alaale iyo cidii ku abtirsada
Somaliland ee ka qayb gasha shirarkaas ama abaabusha ama ku
taageerta sifo kasta Qaw, Ficil iyo Qoraalba kaga qaybgasha wada
hadalada Somalia ee qod obkaa 1aad tilmaamayo loo aqoonsado
dambiile khiyaamo qaran, taas oo waajib ay ku tahay dh amaanba
hay’adaha ku shaqada leh inay hor keenaan Maxkamadaha awooda u leh
iyadoo la raa cayo xeerarka uu tilmaamay dastuurku ee qodobka
130aad farqdiisa 5aad.
3. Gaadiidka cir, dhul iyo badba ee loo
adeegsado ama qaada hawlgalkaas waxa laga qaadayaa ruqsadaha
sharciga ee ganacsiga ama tan gaarahaaneedba.
4. Waxa lagula dhaqmayaa xeerkan cid
alaale iyo cidii isku dayda inay abuurto urur bulsho ama nooc kasta
oo ururada rayidka ah oo u shaqaynaya sidii ay Somaliland u minjo
xaabin lahaayeen.
5. waxa ka reeban dhamaan warbaahinta
Somaliland tan xukuumada iyo ta madaxa banaanba ka reeban inay
baahiyaan wararka iyo macluumaadka lidiga ku ah waxna loogu dhibayo
ama lagu wiiqayo jiritaanka Somaliland.
6. Dalka waxa sharci ahaan ka jira
saddex Gole Qaran oo kaliya sida ku tilmaaman distoorka, wa xa
reeban in cidina sheegato gole kale oo aan ahayn kuwa distoorku
tilmaamay, waxa lagu fulin doonaa talaabooyinka sharci ee u yaala
sheegasho wax aanay ahayn.
7. qofkii loo qabto inuu ku kacay
qodobadan kor ku xusan waxa la cafin karaa xukun maxkamade ed ka
dib.
Go’aankan waxa lagu mee lmariyey cod u qaadis Baarlamaan oo ay
ogolaadeen 84 mudane halka ay ka diideen 2, laba mudanena ka
aamuseen, kooramkana ay fadhiyeen 88 mudane.
Dhaqan galka qodobadan waxa loo adeegsanayaa sida ku cad distoorka
qodobka 130aad farqadiisa 5aad.
Go’aankaasi oo ay ku saxeexnaayeen shirguddoonada labada Gole ee
Guurtidda iyo Wakiilada (Baarlamaanka Somaliland).
Ugu dambayntii, waxa la filayaa haddii Mooshinkani u meel-maro
Mudanyaashan inuu Gole waynaha Wakiiladda ay ka abbuurmi doonto
xiisad siyaasadeed oo horseedi karta in Goluha mar kale ay la soo
darsi doonto khilaaf hor leh.
Source:Waaheen
|