Mudane wasiir (Dr Mohamed Abdulahi) hal ay tabayso dhalinyaradu, miyaad halmaantay? mise way ku hoos martay?
 

Ugu horeyn waxaan u mahad celinayaa ilaahay, allaha inagu simay inaan si caafimaad qabta ku soono bisha barak aysan ee ramadaan.

Waxa uu rasuulkeenii suubanaa (NNKH) yidhi, ilaahay uma mahad naqo ninkaan u mahad naqin dadkiisa.


Sidaas darted waxaa lagama maarmaan ah in qof kasta loogu mahad naqo laguna amaano marka uu wax wanaag san qabto. Waxase kasii wanaagsan in qofku marka uu hawl guud qabanayo in aad u raaciso adiga oo si waangsan ugu sheegaya waxa ka dhiman waxa uu qabtay, waana sobobta aan maqaalkan u jeclaystay inaan wasiirka saaxa fada u mariyo waxa naga dhiman ee aan dhalinyaro ahaa tabayno.


Kahor inta aanan gudo galin fariinta aan u dirayo Wasiir Dr. Maxamed Cabdilahi Cumar, waxaan aad u jeclaystay inaan fikirkayga ka dhiibto horumarka iyo xidhiidhada xawliga ku socda ee ay wasaarada arimaha dibadu samaysay.

Waxa aan shaki ku jirin in la qabtay dhamaan waxyaabihii uu wasiirku ka dhawaajiyay markii BBC-da ka hadlayey ama sida ku cadba warbixin sanadeedka laga soosaaray madaxtooyada.


Dhinaca arimaha gudaha waxa uu taabtay inay waxyaabo badan oo bulshadu aad u tabaysay ay dhaqaajiyeen si da ka badalka lacagtii giimbaarta ee Gobolada bariga, mushahar kordhinta shaqaalaha dawlada iyo iyada oo xuku madu ay aad u yaraysay musuqmaasuqii dalka ragaadiyay, waana run oo waa la qabtay.


Dhinaca xidhiidhka caalamiga ah waxa uu tilmaamay inay xidhiidh badan la sameeyeen wadamada aduunka gaar a haan kuwa horumaray taasina ay suurto galisay in dublamaasiyiin badan oo isugu jira Wasiiro, baarlamaan, safii ro, siyaasiyiin iyo baarlamaano ay si dhib yar dalka ku yimaadaan si ay u indha-indheeyaan xaqiiqda dhabta ah ee ka jirta Somaliland, waxaan filayaa inaan taasna indhaheena ku aragnay.


Inkasta oo dhamaan waxyaabaha uu wasiirku tilmaamay yihiin waxqabadyo la taaban karo oo bulshada wax bada n kusoo kordhiyay, waxaan in badan isku mashquuliyay inaan warbixinta wasiirka ka dhex helo halka aan tabayo.

Hadalana aadka uga ag dhaw kuwa aan tabayo markii uu wasiirku ka hadlayey waxa uu yidhi: “Wasaarada Arimah a Dibadu waa Wasaarad weyn waana ta ugu culus, Waxana weeye waajib kayagu inaanku xidho dalka beesha caa lamka , oo aan samaysto saaxiibo cusub oo aan ka kaashado xaga Dhaqaalaha, Ganacsiga, Amniga ,Siyaasada, Ari nta Aqoonsiga iyo Ictiraafka” laakiin midhka aan tabayaa kama dhex muuqan erayadan.


Ninba meesha bugtaa isagay balbashaaye, waxa ay in badan oo dhalinyada Somaliland kamid ahi aad u danaynay aan waxbarasho. Qaar waxa ay u halqaltaagayaan inay waxbarsho jaamicadeed ee dalka dibadiisa aah helaan ma rka ay dhamaystaan waxbarashada dugsiga sare.

Qaar kale waxa ay aad u jecel yihiin inay sii wadaan waxbarshada Degreega labaad iyo ka saddexaad marka ay ka dhamaystaan Degree-ga kowad ee jaamicadaha dalka.

Halka ay kuwa caafimaadka ka baxaana aad u jecel yihiin inay takhasus soo sameeyaan.

Guntii iyo gabagabadii, Mudane wasiir, waxaan muhiim u aragnaa arintan dhaqaajinteeda, waxaan aad u rajaynaynaa inaad arintaas ka hawl gasho kolay qorshahaaga iyo himiladaada way ku jirtaaye.


Ramadan Karim