Mudanayaashii Muddo Kordhinta Madaxweyne Rayaale U Codeeyey Oo
Beeniyey Inuu Jiro Haasaase Mar Kale Ay
Muddada Ku Kordhinayaan
"Anigu Ma
Ogi Nin Ay Calooshiisa Ku Jirto Xukuumada Maanta Muddo Ha Loo
Kordhiyo, Cida Arinkaas Sheegtayna Waa Jeebkeeda”Md;Muxumed
Aw Axmed
“Cida Leh Komishanka Ha La Beddelo Ayaa Muddo
Kordhinta Wadda” Md:Dheeg Maamed
Yaasiin
Md:Muxumed Aw Axmed Xaaji Aadan iyo Md:Dheeg Maxamed Yaasiin oo ka
mid ahaa mudanayaasha muxaafidka ee golaha Guurtida, isla markaana
ka mid ahaa mudaneyaashii taageeray go’aankii muddo kordhinta
madaxweyne Rayaale iyo madaxweyne ku xigeenka Axmed Yuusuf Yaasiin
ayaa ka gaabsaday inay cadeeyaan mawqifka ay iska taagi doonaan
haddii doorashada madaxtooyadu ay dib uga dhacdo 27 ka
September,2009, balse waxay si guud mar ah u beeniyeen in wax muddo
kordhin ku saabsan ay ka wada hadleen.
Waxaanay sidaasi ku shegeen mar uu shalay wargeyska Haatuf si gooni
gooniya wax uga weydiiyey arrimo ku saabsan muddada gabaabsiga ah ee
ay Guurtidu u kordhisay Madaxweyne Rayaale si uu doorasho dalka uga
qabto.
Ugu horeyn Md:Muxumed Aw Axmed Xaaji Aadan oo ah hogaamiyaha
mudanayaasha muxaafidka ee Guurtida oo arrimahaasi ka hadlaya ayaa
waxa uu yidhi “ cid muddo kordhin ka wada hadashey iyo meel aanu
kaga wada tashanay muddo kordhin la sameeyaa haba yaraatee ma jirto,
waxaanse leeyahay shakiga iyo walaa-hawga ha layska daayo oo haloo
hawlgalo doorashada”
Mar la weydiiyey in maalmahan mudanayaasha muxaafadku shirar aad
yeelateen aad kaga wada hadasheen muddada gabaabsiga ah ee ka hadhay
doorashadii madaxtooyada islamarkaana isla qaadateen in muddo
kordhini lama huraan tahay arimahaa maxaa ka jira?
J:ninka sidaa ku hadaaqayaa isaga jeebkiisa weeyi, anigu ma xusuusni
nin calooshiisa ay ku jirto maanta muddo ha loo kordhiyo xukuumada,
anigu ma ogi waxaanse leeyahay yaan laysku kalifin ajande aan maanta
oolin.
Md:Dheeg Maxamed Yaasiin ayaa isna waxa uu yidhi “ Asalkaba muddada
waxa kordhinaya cida marka wakhtigu soo dhawaado muranka bilaabaysa,
cida leh komishanka ha la beddelo kuma kalsoonine, sheekooyinka
noocaas ah ayaa u eeg muddo kordhin, hadday qabsoomi weydo illaahay
baa og, waxa la yeeli doono, waxaanse leeyahay waa in doorasho
qabsoonto.
Haatuf
|