Mudanayaasha
Guurtida oo Maanta guddo galay Dooda Ajandaha Kal-fadhiga 39aad ee
Golahooda
Hargeisa (TNN)-Fadhigii Maanta ee
Golaha Guurtida Somaliland ayaa Mudana yaasha Guurtidu ay
guddo galeen Dooda ay ka yeesheen Wax ka bedel iyo Kaabis lagu
sammeeyo Ajandaha Kalfadhigooda Caadiga ah oo ah kan 39aad oo u
furmay Maalintii Shallay.
Fadhigii Maanta oo uu Guddoominayay Guddoomiye ku xigeenka koowaad
ee Golaha ahna ku simaha Guddoomiyaha Sheekh Axmed Sheekh Nuux Fure
ayaa Mudanayaashii Saaka ka soo qayb galay ay doodooda ka dhiibteen.
Mudanayaasha Saaka Madasha ka
hadlay ayaa ku kala aragti duwanaa Dooda iyada oo Mudane
kastaa uu cabirayay Ra’yigiisa ku aadan sida loogu baahan yahay
Ajandahani in uu wax ugu qabto Shacabka Reer Somaliland.
Ugu danbayntiina waxa halkaasi hadal ka jeediyay Guddoomiye ku
xigeenka koowaad ee Guurtida ahna ku simaha Golaha Sheekh Axmed
Sheekh Nuux Fure oo Mudanayaasha ku wargaliyay in ay Doodooda
halkaasi ka sii ambo qaadi doonaan Maalinta Sabtida ee Todobaadka
soo socda. Waxa uu xusay Guddoomiye ku xigeenku in ay isku soo
ururin doonaan dhammaanba fikiradii kala duwanaa ee ay Mudanayaashii
saaka doodooda dhiibtay ay taabteen.
Mudanayaashii saaka Doodooda dhiibtay ayaa
kala ahaa:
Xildhibaan, Maxamed Sheekh
Xildhibaan, Xareed
Xildhibaan, Siciid Shire Xuseen
Xildhibaan, Axmed Muuse Obsiiye
Xildhibaan, Yuusuf Cabdillahi Cawaale
Xildhibaan, Faadumo Jaamac Illeeye
Xildhibaan, Axmed Xasan Saalax
Dhinaca kale, waxa saaka la bururiyay Hoolka Shirarka iyo Fadhiyada
ee Golaha Wakiilada Somaliland iyada oo halkaasi loo qorsheeyay in
laga dhiso Dhisme balaadhan oo Casri ah. Waxana tartan balaadhan oo
Qandaraaska ah la dhex dhigay Shirkado dhisme oo tiro badan ayna
kala lahaayeen uwaadin iin iyo Ajaanib ugu danbayntii ku
guulaystay Shirkada Dhismaha ee Daryeel. Shirkadaasi oo ay leeyihiin
Muwaadiniin Reer Somaliland ah.
Fadhiyada Golaha wakiilada ayaa mudada uu dhismaha Hoolkoodu socdo
ka qab soomi doona Hoolka Shirarka ee Golaha Guurtida.
Seddexda cisho ee u horeeya Todobaadka(Sabti, Axad iyo Isniin) ayaa
la qor sheeyay in ay ku shiraan Mudanayaasha Guurtida seddexda
ku xigana (Sal aasa, Arbaca iyo Khamiis) ay ku shiri doonaan
Xildhibaanada Aqalka Wakii lada Somaliland.
Lacagta ku baxaysa Dhismaha Cusub ee Hoolka Shirarka Wakiilada ayay
bixinayaan Midawga reer Yururb.
Mustafe Future
Timacade News Network
Hargeisa/Somaliland
timacadenews@hotmail.com
|