Maxkamadda Rafcaanka Gobolka Hargeysa oo Amartay in la sii daayo
shaqaale reer Gabiley ah oo Hanti-dhawrku ku Eedeeyay Musuqmaasuq
Maxkamaddu waxay diiday Muddo kordhin ay Xeer ilaalintu markii
saddexaad dalbatay in Jeelka lo ogu sii hayo
Hargeysa (TNN) Maxkamadda Rafcaanka Gobolka Hargeysa ayaa soo
saartay Go’aan ay ku diiday so muddo kordhin ay Xeer ilaalinta
Gobolka Hargeysa markii saddexaad ku soo dalbatay in Xabsiga loogu
sii hayo Guddoomiyihii hore ee Degmadda Wajaale Qawrax Muuse Xuseen
iyo Cabdi Iimaan Taani ( Cabdi Xabashi) oo ka tirsan shaqaalaha
Wasaaradda Maaliyadda kuwaasoo uu Hanti-dhaw raha Guud ee Qaranku ku
eedeeyay inay Lunsadeen Hanti Qaran.
Waxay Maxkamaddu Diidmadeeda ku salaysay inay keeni weyday Xeer
Ilaalintu laba jeer oo hore baadhis dhamaystiran oo lagu eedeeyo
labadaasi Maxbuus kuwaasoo muddo sadex bilood ah Rum aan ahaan
ugu jira Xabsiga Gabilay, isla markaana waxa ay codsatay in loo
celiyo Xorriyadoodii.
Nuqul ka mid qaraarka ay Maxkamadda Rafcaanku ka qaadatay Codsiga
Xeer ilaalinta oo ay Waah een heshay oo ku taariikhaysan
3/3/2011 ayaa u dhignaa sidan:-
Jamhuuriyadda Somaliland
Maxkammada Rafcaanka Gobolka Hargeysa
MRH/124/2011/ ee ku taariikhaysan Date:03/03/2011
Ku: Xafiiska Xeer Illaalinta Guud ee Gobolka Hargeysa
Uj: Ka Diidis Muddo Kordhin
Markay Argtay:
Codsidga Muddo kordhinta ee 28/02/2011 ee ay u soo gudbeen xafiiska
xeer illaalinta Gobolka Hargeysa ay ku codsanayaan in loo kordhiyo
muddada garsugayaasha kala ah 1) Qawrax Muuse Xuseen, 2) Jaamac
Daa’uud Ibraahim,
3) Cabdi Siciid Iimaan, 4) Cabdi Iimaan Taani, kuna dalbadeen 45
cisho ah
Markay Aragtay: Ogaatayna in gar-sugayaashu xidhan yihiin muddo
badan oo ku dhow 3 bilood, isla markaasina X. Xeer Illaalinta hore
loo siiyay laba jeer muddo kordhin si ay ugu soo dhammaystiraan
baadhistooda la xidhiidha arrinta ay ku xidhan yihiin gar-sugayaashani.
Markay Aragtay: Ogaatayna in ay mudadii ugu dambaysay ee la siiyo X.
Xeer Illaalinta ay ku eeg tahay 03/03/2011 sidaasina ay kaga
dhammaatay muddo kordhin dambe oo la siiyo Xeer Illaalinta
garsugayaashana ay tahay in xorriyadooda loo celiyo maadaama ay
Xafiiska Xeer Illaalintu ku soo dhammaysan kari waayeen mudadii
labada jeer ahayd ee loo kordhiyay baadhistooda
Sidaaasi darteed Maxkammada Rafcaanka Gobolka Hargeysa waxay ka
diiday codsiga muddo kordhinta ah ee ay soo dalbadeen Xafiiska Xeer
Illaalinta Gobolka Hargeysa ee ku taariikhaysan 28/02/2011,
summadiisuna tahay XIG/G/242/2001.
Allaa Mahad Leh.
Sh. Xuseen Warfaa Sigad
Guddoomiyaha Maxkammada Rafcaanka Gobolka Hargeysa
=Hargeysa=
C/raxmaan Max’ud Maxamed/Burhaan
Kaaliyaha Maamulka Maxkammada Rafcaanka Gobolka Hargeysa
Hase yeeshee sida ay warar xogogaal ahi Waaheen u sheegeen waxa
go’aankaas la sheegay inay ka biyo diiday Xeer ilaalinta Gobolka oo
Dacwadan Wakiil uga ah Hantidhawrka Guud waxaanay Ab iil uga
qaadatay Maxkamadda Sare taasoo aan ilaa hada la ogayn Qaraarka ay
ka qaadatay Diidm ada ay Maxkamadda Rafcaanku Diiday Codsiga Xeer
Ilaalinta
Labada eedaysane ee Xafiiska Hanti-dharku u haysto inay galeen
Musuqmaasuq ayaa ah labada qof ee kaliya ee laga hayo koox shaqaale
Dawladeed ah oo uu Hanti dhawrku sheegay inay galeen Musuq maasuq,
isla markaana waxay noqonayaan labada qof ee kaliya ee u xidhan
arrin musuqma asuq tan iyo markii ay Xukuumadda cusubi talada
qabsatay iyadoo sida la og yahay Xukuumaddu amar ku bixisay in loo
joojiyo baadhitaano Hanti dhawruhu ku waday madax badan oo ka
tirsanaa Xukuumaddii hore ee talada lagala wareegay oo ay ka mid
ahaayeen xubnahan xishani
Source: Waaheen
|