Madaxweyne Rayaale iyo Wefdi uu Hogaaminayo oo u ambabaxay Dalka France

Madaxweynaha Jamhuuriyada Somaliland Mudane Daahir Rayaale Kaahin iyo wefdi uu hogaaminayo ayaa galabta dalka ka amba baxay, iyaga oo u sii jeeda dhinaca Dalka France.

Madaxweynaha waxa Madaarka Hargeysa ee Cigaal International ku sii sagootiyay Madaxweyne ku xigeenka JSL Mudane Axmed Yuusuf Yaasiin , Wasiiro, Shirgudoonka Guurtida, Mudanayaal iyo dadweyne kale oo aad u tiro badan.


Madaxweynaha oo intii aanu ka dhoofin garoonka kula hadlay saxaafada ayaa sheegay in uu casuumad ama ballan ka helay Dawlada Faransiiska, waxana uu sheegay Madaxweynuhu in uu la kulmi doono madaxda sare ee France.
Wefdiga Madaxweynaha waxa ka mid ahaa Marwada Koowaad Marwo Huda Barkhad Aadan , Wasiirka Maaliyada Mudane Xuseen Cali Ducaale iyo Xoghayaha gaarka ah ee Madaxweynaha Mudane Axmed Maxamed Ciise.

Source:SN