Madaxweynaha
Somaliland oo Xadhiga ka jaray dhisme cusub oo Dawlada Ingiriisku ay
u dhistay wasarada Gaashan dhiga
Hargeysa (TNN) Madaxwaynaha Jamhuuriyada Somaliland Axmed Maxamed
Maxamuud (Siilanyo) aya a maanta xadhiga ka jaray dhisme cusub oo
lagu kordhiyay xarunta wasaarada Difaaca ee Jamhuuriy ada Somaliland
ee Xarunteeda Magaalada Hargaysa.
Dhismahan cusub ee loo dhisay wasaarada gaashaandhiga ee uu
madaxwaynuhu xadhiga ka jaray oo ka kooban laba dabaq ayaa waxaa
hirgelintiisa iskana kaashaday Wasaarada gaashaandhiga iyo Difaaca
qaranka Somaliland iyo Hay’ada Waxbarashada Afrika ee AET, iyada oo
maaalgelisay dawlada Ingiriiska,dhismahan ayaa loogu talo galay in
uu noqdo xafiisyada ay ku hawl gali doonto wasaarada Gaashaandhiga.
Munaasibadani uu madaxwaynaha Somaliland xadhiga kaga jaray
dhismahani cusub waxaa ka soo qayb galay Wasiiro ka tirsan xukuumada
oo uu ka mid ahaa wasiirka Gaashaandhiga iyo Difaaca Qaranka Axmed
X.Cali Caddami, Chief of cabinet-ka Madaxtooyada Xirsi X.Cali Xasan,
Wasiirka Wasaarada Duulista iyo Hawada Maxamuud Xaashi
Cabdi,Wasiirka Wasaarada Shaqada iyo Arimaha Bulshada Ilhaan Maxamed
Jamac ,Wasiirka Wasaarada Xanaanada Xoolaha Deegaanka iyo Hor u
marinta reer Miyiga Dr.Cabdi Aw Daahir,Wasiirka Boosaha iyo
isgaadhsiinta Dr.Axmed Xaashi Oday ,Wasiirka ganacsiga,Taliyaha
Ciidanka Qaranka Somaliland Col.Nuux Ismaaciil taani,taliyaha
Ciidanka Booliska Gen.Cilmi Kabaal iyo Taliayha Ciidanka baddaha iyo
saraakiil kale.
Madaxwaynaha Somaliland Axmed Maxamed Maxamuud (siilaanyo) oo ka dib
markii uu xadhiga ka jaray dhismahani cusub hadal kooban halkaasi ka
jeediyay ayaa sheegay in dhismahani cusub uu yahay mid kor u qaadaya
magaca iyo sharafta Wasaarada gaashaandhiga iyo ta qarankaba waxaanu
yidhi “dhismahan cusub ee aan maanta halkan idiinku imid ee quruxda
badan leh oo ah mid aad iyo aad u wanagsan,waa mid kor u qaadaya
magaca wasaarada difaaca iyo ka qarankaba,Wasiirka
Gaashaandhiga,shaqaalaha wasaaradiisa iyo ciidamada qarankaba waan
ugu hambalyaynayaa guushaasi ay gaadheen,waanan uga mahad celinayaa
xilka ay qaranka u hayaan sida qiimaha iyo sharafta lehna ay u
qabtaan”.ayuu yidhi madaxwayne siilaanyo.
Wasiirka Wasaarada gaashaandhiga iyo difaaca Qaranka Axmed X.Cali
Caddami oo isna halkaasi ka hadlay ayaa sheegay in ay wax lagu farxo
tahay dhismahan cusub ee loo dhisay wasaarada Difaaca marka loo eego
dhismihii ay markii hore ku jirtay, kaasi oo ahaa dhisme gaboobay
ama duugoobay,isla markaana uu bilic iyo tayo ahaanba ka wanagsan
yahay kan cusub ee loo dhisay, isaga oo sheegay in markii ay ku
jireen dhimihii hore oo aha mid gaboobay ay ka baqanayeen in uu ku
dumo.
Waxaa kale oo uu Wasiirku si wayn ugu mahad naqay dawladihii gacanta
ka gaystay dhismahan cusub.
Waxa kale oo isaguna hadla kooban ka jeediyey madaashaasi madaxa
hay’addaha waxbarashada Afrika ee AET Mr Xasan Axmed Ibraahim (Xasan
Embassy), waxaanu wasaaradda gaashaandhiga ku bogaadiyey dhismaha
cusub ee ay dhisatay, isaga oo tilmaamay iuu wasaaradda difaaca
Somaliland uu la shaqaynayay muddo 15 sanadood ah balse intaas oo
dhan aanu mar kaliya arag dhisme noocan oo kale oo wasaaradu
dhisatay “Waxa farxad ii ah in dhisme cusub loo dhisay wasaaradda
gaashaandhiga, waxaanan jeclahay in aan halkan uga mahadceliyo
wasiirka gaashaandhiga iyo waliba shaqaalihiisa oo inta badan
fududeeyay” ayuu yidhi Mr Embassy, waxaanu intaa ku daray “Muddo 15
sano ah oo aan la shaqayanayay waa markii ugu horeysay ee wasaaradda
gaashaandhigu dhisme sidan u qurux badan dhisato”
Source:Waaheen
|