Madaxweynaha Somaliland Axmed Maxamed Maxamud "Siila anyo" ayaa
maanta Golihiisii Wasiiradda u gudbiyay Golaha Wakiiladda si ay u
Ansixiyaan
Hargeysa (TNN)-Madaxweynaha
Somaliland Axmed Maxamed Maxamud "Siilaanyo" , ayaa maanta Golaha
Wakiiladda Somaliland u gudbiyay qoraal codsi ah oo uu kaga
dalbanayo inay Ansixiyaan xubnaha Wasiiradda ah ee uu dhawaan
magacaabay oo kala ah 20 wasiir iyo lix wasiir ku xigeen
Codsiga uu Madaxweynuhu u soo gudbiyay golaha wakiiladda ayuu
guddoomiyaha Golaha wakiila ddu ka hor akhriyay fadhigii
maanta waxaanu yidhi " Mudanayaal sidaad ka warqabtaan waxaan
dhawaan soo magacaabay golihii xukuumadda cusub oo ka kooban
labaatan wasiir iyo lix wasiir ku xigeen, hadaba sida Dastuurka
Qaranka qoddobkiisa 94 aad faqradiisa 2 aad dhigayso in mar ka
la magacaabo wasiir ama wasiir ku xigeen laga ansixiyo golaha
wakiiladda Jamhuuriyada Soma liland, sidaa darteen Mudanayaal
idinkoo gudanaya xilkiina Dastuuriga ah waxaan si qadarin leh
idiinku soo jeedinayaa inaad si dhakhso ah u soo ansixisaan
wasiiradan iyo wasiir xigeenadan aan u soo magacaabay wasaaradaha
Dalka si ay si sharci ah ugu gutaan hawlaha Qaranka oo ay lag
ama maarmaan tahay iay si dhakhso ah u guda galaan, waxaan idinka
rajaynayaa inaad si dhakh so ah u soo ansixin doontaan
masuuliyiintaas"
Intaa kadib waxa uu Guddoomiyaha Golaha Wakiiladdu isagoo ka shidaal
qaadanaya Xeer hoosa adka Golaha Wakiiladda u qaybiyay liiska
Golaha Wasiirada Guddiyada Golaha oo gudi kastaa ay ku magacaaban
tahay wasaarado gaar ah waxaanay gudiyada Golaha Wakiiladdu u soo
eegi doo naan wasiiradaasi inay buuxin karaan shuruudaha uu
Dastuurku u dhigay qofka xilkaa qaadi kara
Guddoomiyaha Golaha Wakiiladuwaxa uu ugu qaybiyay Gudiyada Golaha
Wakiilada sidan:-
* Guddida Arrimaha Gudaha Nabadgelyada iyo difaacu waxay eegi
doonaan wasiiradda Wasaaradaha kala ah Arrimaha Gudaha iyo Gaashaan
dhiga
* Guddida Dhaqaalaha, Maaliyada
iyo Ganacsigu waxay eegi doonaan wasiiradda Wasaardaha Maaliyada,
Ganacsiga, Boosaha iyo Isgaadhsiinta iyo wasaarada Duulista iyo
Hawada
* Guddida Arrimaha Bulshadu waxay
eegi doontaa wasiirada Wasaaradaha Waxbarashada, Caafimaadka, Diinta
iyo Awqaafta, Hawlaha Guud, Arrimaha Bulshada, Warfaafinta iyo
wasaaradda Ciyaaraha iyo dhalinyarada
* Guddida Arrimaha Dibada waxay
eegi doonaan Arrimaha dibeda iyo Qorshaynta
* Guddida Deegaanka iyo
Kheyraadka Badda waxay eegi doonaan Xanaanada Xoolaha, Beeraha,
Macdanta iyo Biyaha iyo Kaluumaysiga
* Guddida Shuruucda waxay eegi
doonaa Cadaaladda
Guddiyada golaha ayaa waxay dib ugu soo celin doonaan Isniinta
toddobaadkan warbixnaha iyo xogaha ay ka soo diyaariyeen
wasiiraddaasi inay u qalmaan xilka loo igmaday, si mudanayaashu ay
ugu codeeyaan
Dhinaca kalena waxa uu maanta Golaha Wakiiladdu mar kale ansixiyay
Xeerka Hubka Fudud oo Golaha Guurtidu wax ka bedel ku soo sameeyeen.
Source: Waaheen
|