Madaxwayne Siilaanyo Oo Dhanbaal Tacsi Ah U Diray, Eheladii,
Qaraabadii Iyo Umadii Ay Ka Baxeen Qoyskii Shalay Daadku Ku Qaaday
Dooxa Dacar Budhuq
Hargeysa (TNN)- Madaxweynaha Jamhuuriyada Somaliland, Mudane, Axmed
Maxamed Maxa muud (Siilaanyo), waxa uu tacsi u dirayaa Qoyskii,
Eheladii, Qaraabadii, Asxaabtii, iyo Shacbi ga Somaliland isaga oo ka
tacsiyadaynaya geerida naxdinta leh ee ku dhacday Dadkii Ehelka iyo
xigtada isu ahaa ee ku geeriyooday shilkii baabuur ee daadku ku
qaaday shalay (06/05/2013 dooxa dacar-budhuq shilkaas oo ay ku
geeriyoodeen
1.Marxuuma Deeqa Cabdilaahi Nuur (Ilma Xaaji Daahir Cigaal Hooyadood)
2.Marxuuma Nadiira Cali Maxamed
3.Marxuum Sacad Cali Maxamed
4.Marxuum Xasan Maxamed Jibriil
Oo dhamaantood ka wada geeriyooday qoys, markii uu dooxa
dacar-budhuq la tegay gaadhigii ay saarnaayeen, Marxuumiintaas oo ka
soo noqday geeri ay subaxnimadii kaga qayb-galeen, nin qoyskaasi ka
mid ahaa oo Danab ku dilay Deegaanka Dacar-budhuq.
Madaxweynuhu waxa uu dhamaan MARXUUMIINTAASI ALLE uga baryayaa inuu
naxariistii Janno ka waraabiyo, Qoyskii, Eheladii, Qaraabadii,
Asxaabtii iyo Dhammaan Shacbiga Reer Somaliland ee ay ka baxeena
Samir iyo Imaan uu ka siiyo.
IN-NAA LILLAAHI WA IN-NAA ILAYHI RAAJICUUN
Xafiiska Af-hayeenka Madaxtooyada JSL.
Axmed Salebaan Dhuxul
Timacade News Desk
Hargeysa ,Somaliland
|