Deelleyda maansada
dulucaha dahsooniyo
daafaheeda daalacan
dibnahaan ka jarayoo
debedaan ka tagnaa
maan daliilin waayahan
********
damaqbaa se igu riday
inaan dawga loo maro
dib usoo bidhaansado
kol hadaan dayaanshana
dawan baa kabaxayee
dayaxaw bal daabacoo
********
dadweynaha guddoonsii.
Sida duhur kaliileed
Oo duruuftu badantoo
dadku wada rafaadeen
daruur loo sugaayaa
Daryeel loogu baahnaa
********
Diyaar garawga badiyoo
Dardarsada biyaha da,ay.
Maansada duxdeediyo
Afartaasi waa deeq
Dabci gabaygu leeyahay
dar kalaa se ii hadhoo
********
damiirkaygu doonaye
bal aan hoos u daadego.
Diintu waa digniin culus
Iyo dabar addoomeed
Waana deeq ilaahayoo
Dadka ay usimanyiin
********
waa dardaaran waynoo
nebi maxamed daayimee
dacal yaad ka dhaafine
daymadaada la ogow
dariiqii rasuulkii
iyo dawgii uumaray
********
dastuurkeenu weeyaan
danni yaanu kaagelin
daacadnimo ku maamus
haka keenin dood furan
duul horaa ku dabar go,ee.
Maansada duxdeediyo
********
Afartaas waa deeq
Dabci gabaygu leeyahay
Darkalaa se ii hadhoo
Damiirkaygu doonaye
Bal aan hoos udaadego.
Hadaan dawlaldnimo jirin
********
Dayacanyiin danaha guud
Sharwaduhu dillaal haloon
Danbiilaha lasoo qaban
Dookh malaha noloshuyoo
ninna diirsi kama helo.
Hadaan dabagal lagu hayn
********
Xilka kii ladoorbiday
Uu danaysto keligii
dulli weeye taasiyoo
dulmibay ka kaw tahay.
Hadii aan duruustiyo
Dabarjarida jahalkiyo
********
Dugsiyada la xoogayn
Oo dadaal gaara lagu bixin
Oo damanaantu badantahay
Dib ugurasho waw halis.
Hadday diriri shidantahay
Ama dogobyo waa wayn
********
Iyo doog lakala qaboon
Da,wayntiyo nin daacad ah
doodooda loo dirin
dib uun bay ka oloshaa.
Maansada duxdeediyo
afartaasi waa deeq
********
dabci gabaygu leeyahay
darkalaa se iidhoo
damiirkaygu doonaye
bal aan hoos udaadego.
Duni waa ayaan badan
Dumar maqalku waw door
********
dani seeto weeyaan
docdocaynta dariskiyo
deelqaafku waa ceeb
duullaanna kaba daran.
Diini camal fal weeyaan
daandaansi waa kibir
********
maamul daacadbaw sal ah
diihaalka gaajiyo
dabaylaha abaaruhu
danbibay ka oogmaan.
Ruux walaalkii duudsiyey
dacarbuu kadheefaa
********
namay dihatay hooyana
marar waa dayoobaa
hadaad daganto dhawr jeer
darsi baad ka barataa
hadaad dabin kabood tahay
mar uunbaad darxumo mudan.
********
Afku dalab malaasimo
haduu uurku daahiro
dulka xaadsi weedhiyo
dulmar hadalka kiiwacan
digashiyo dardaar werin
midna hawgu duur xulin
qofku doojay weligaa
adiguna ha daayicin.
|