Maandooriyaha Qaadku Waa Isha Ugu Weyn Ee Musuqu Ka Yimaad W/Q:
Cumar Axmed Cali
Ummad kasta oo ay la soo darsaan dhibaatooyin iyo dib-u -dhacyo
saameeya nolosha bu lshadooda waxa tiir-dhexaad u sida u maamulaan
geeddi-socodka waayahooda nololeed. Ummadna kuma hungowdo hamigeeda
iyo himiladeeda haddii aanay asiibin aafo ka burbu risa aayaha iyo
unugyaya ay bulshooyinku irkadaan.
Haddaba, waxa bulshadeena aafeeyay maandooriyaha qaadka, kaas oo ka
weeciyay dha bbihii horumarka iyo hannaqaadka Ilbaxnimo lagu hodmo.
Qaadku waxa uu sabab u yahay mushkilado taxanne ah oo midba mid ka
sii daran tahay, kuwaa soo aanan halkan ku soo koobi karayn, laakiin
waxaan marka hore si kooban u tilmaami doonaa masiibooyinka is
ba rkan ee maandooriyaha qaadku ina dhaxalsiiyay, anigoo marka
danbena haddii RABI idmo si guudmar ah isku dultaagidoonaa, sida qaadka iyo musuqu iskugu xidhan yihiin iyo dhib ta laga
dhaxlo markuu dal bariinsado.
Maandooriyaha qaadka waa masiibo ku habsatay bulshada reer
Somaliland, taas oo uur kutaalo iyo xannuunba kugu reebaysa, marka’
aad si dhugmo leh u eegto haadaanta iyo jarka aynu ka laadlaadno,
haddii’se aan si guud u inshaaro sunta iyo waabayda ka soo
bu rqanaysa maandooriyaha qaadka waxa ka mid ah;- Musuqmaasuqa iyo
wax isdaba marin ta, sixir-bararka iyo dhaqaale xumaanta, tabcasho
la’aanta iyo tamaro xumaanta, caddaa laddarada iyo eexda, cibaado
la’aanta iyo caasinimada, dhaqan xumada iyo dhilaysiga, sin naan
la’aanta iyo qaraabo kiilka, dawarsiga iyo damiir xumaanta, Fadhi ku
dirirka iyo afmii shaaraynta, laaluushka iyo waji-ku-macaashka,
warwarka iyo waalida, duminta qoyska iy o dayaca ubadka, dabargoynta
Geedaha iyo duunyo la’aanta.
Haddaba, dhibaatooyinka uu qaadku ina baday laguma soo koobi karo
maqaal iyo labotoo na waxay’se u baahan tahay in si xeel-dheer
cilmi-baadhis loogu sameeyo dhibta uu ina gaadhsiiyay inta ay le’eg
tahay.
Laakiin immika waxaan u socdaa in aan farta ku fiiqo, in
maandooriyaha qaadku sabab u yahay dib-u-dhacyo fara badan oo maanta
bulshadeenu u dhutinayso, kuwaa soo dhaba r-jab iyo dhiig-baxba ku ah
koritaanka dhaqaale ee waddankeena.
Ugu horayn, bulshadeenu waa sabool aan haysan wax kafeeya
baahiyaadka dhaqaale ee ku xeeran. Dadka xooga leh ee shaqada u
diyaarka ahina inta badani waa bilaa camal aan haysan wax shaqo ah
oo ay noloshooda ku dabaraan, inta shaqada haysaana ma helaan wax
daboola baahida ku gedaaman guryahooda. Iyadoo haddaba, xaalku
sidaasi yahay, ayay inoogu darsantay ku walfida balwada qaadka taa
soo u baahan dakhli dheeraada oo maalinle ah.
Dadka caadaystay cunitaanka qaadku waxay u baahan yihiin lacag
xad-dhaaf oo ay maal in kasta ku qayilaan, qofku markuu ku mamo
balwada qaadka waxa la soo darsa baahi ka badan tii aasaasiga ahayd
ee qofka aadamaha ah u baahnaa, waxaannu yeeshaa hamuun iyo walaf
badan oo aan xadlahayn, taas oo ku riixda in uu ka waaban, waayo
meelkasta oo aan munaasib ku ahayn qofka damiirka leh.
Markay qofkii balwada lahaa iskugu darsamaan baahdiisa oo badan iyo
dakhligiisa oo yar, waxay taasi sababtaa in qofkii shaqaalaha ahaa
ku mashquulo sidii uu u heli lahaa lacagtii uu maanta ku
qayili-lahaa, markuu wixii yaraa ee uu haystay masaariiftii iyo
qayil ugu qay bsami waayaan waxa uu faraha la galaa musuqmaasuq iyo
wax isdaba marin, isla markaa na waxa uu ku tagrifaa masuuliyaddii
lagu aaminay, waxaannu ku xad-gudbaa hanti umma deed amma mid gaar
loo leeyahayba.
Si kastaba ha ahatee, maandooriyaha qaadku waa masiibo sida
xannuunada faafa ugu ka la gudba bulshada dhexdeeda, waxayna taasi
keentay in ay dhibtiisu shacabka wada saa mayso. Maanta bulshadeena
intii xooga lahayd waxay ku hafteen balwda qaadka, taa soo sabab u
ah dib-u-dhacyo fara badan oo qarakeena ka muuqda, waxa kaloo ka sii
daran qofka qabatima balwada qaadka waxa uu maalinba maalinta ka
danbaysa ku sii durkaa in uu gacanta la galo wax aanuu lahayn,
waxaannu ku danbeeyaa in ay iskugu mid noqdaan wixiisa waxa kale.
Haddaba, marka shaqaalaha waddanku leeyahay ku ibtiloobaan
musuqmaasuqa iyo wax isdabamarin, waxa laga dhaxlaa mushkilado
murugo leh oo midba mid ka xannuun badan tahay, waa ta koobaade;
waxa AYAX ku habsadaa Ilaha dhaqaale ee waddanku leeyah ay, isla
markaa waxa yaraada koboca dhaqaaluhu samaynayo, waxay bulshadu
madaxa la gashaa baahi joogta ah iyo wax la’aan, waa ta labaade;
waxa yaraada sharafta iyo kara ada aad caalamka ku dhexleedahay, waa
ta sadexaade; waxaad u nuglaataa faragalinta dawlaha shisheeye ku
hayaan dalkaaga, waa ta afraade; waxa badata eexda iyo kala saraynta
bulshada dhexdeeda. Waa ta shanaade; waxa kordha carruurta
waxbarashada ka tagaysa iyo dibjirka Suuqa meehanaabaya, waa ta
lixaade; waxa laga tallaabsadaa sh uruucda iyo mabaadi’da lagu
heshiiyay nin walibana waxa uu gacanta ku qaataa sharciga, waa ta
todobaade; waxa Bulshada dhexdeeda ku bata dulmiga iyo
caddaaladdarada, waa ta sideedaade; waxa bulshada dhexdeeda ka
abuurma khilaafyo joogto ah, waxaana siya ada iska hor’imaadka iyo
isa’seega bulshada, waxa dhaawacma wadajirka iyo is aaminka, waa ta
sagaalaade; waxa bulshada ku faafa dhaqan xumaanta iyo fasahaadka,
waxa dha awacma qiyamka iyo sharafta Islaamnimada, ta tobnaade; ugu
danbaynta nolosha ayaa cidhiidhi ku noqota bulshadaa, waxaanay
madaxa la gashaa cuqubooyin isdabayaal, sida abaaraha, cudurada,
daadadka, duufaanada, colaadaha, sixir-bararka, iwm. Haddaba toll aw
caqli ma leenahay aynu kaga tashano maandooriyaha qaadka?.
Cumar Axmed Cali,
cumaraxmed331@gmail.com
Tel: 0634244802.
|