Suldaan Cabdiraxman oo lagu aasay Xabaalaha
Boqol Jire ee magaalada Hargeysa
Waxa shalay lagu aasay Xabaalaha
Boqol Jire ee magaalada Hargeysa Alle ha u naxariistee Suldaan C/raxmaan
Sheekh Muxumed oo ka mid ahaa Salaadiinta waaweyn ee reer Somaliland
oo ka soo jeeday deegaanka Gabiley iyo Caaqil Gaaxnuug. Waxa shalay
lagu caleemo saaray salaada dusheeda Suldaan Ismaaciil Suldaan C/raxmaan
Sheekh Muxumed oo ah wiil uu dhalay Suldaankaa geeriyooday.
Aaska marxuumka waxa ka soo qayb galay boqolaal qof oo ay ka mid
yihiin masuuliyiin Goleyaasha Qaranka madaxda xisbiyada, Salaadiin,
Cuqaal, Odayaal, Waxgarad, Tijaar iyo dadwayne aad u tiro badan.
Madaxwayne Kuxigeenka Mudane Axmed Yuusuf Yaasiin oo salaadii
Jinaasada tujinayay dadkii ka soo qayb galay Aaska ayaa illaahay uga
baryay Suldaanka in uu janadii ka waraabiyo denbi dhaafna uu u
fidiyo.
Madaxwayne Kuxigeenka JSL, masuuliyiinta xisbiyada qaranka,
masuuliyiinta goleyaasha qaranka, salaadiin iyo tijaar ka hadlay
xabaasha dusheeda ayaa dhamaantood ka waramay sooyaalkii taariikheed
ee ay lahaayeen Suldaanka iyo Caaqilka Somaliland,
waxaanay sheegeen masuuliyiintaas kala duwani in Suldaanku ahaa
suldaan nabad jecel oo dedaal iyo juhdi badan u soo galay shacbiga
Somaliland.
Alle ha u naxariistee Suldaan C/raxmaan Sheekh Muxumed waxa uu ku
dhashay Gobolka Awdal dagaalkii koowaad ee dunida
dabayaaqadiisii.Waxaanu yaraantii ku barbaaray kililka shanaad ee
Ethiopia, dhalinyaranimadiisiina wuxuu ku soo qaatay Hargeysa isagoo
la shaqayn jiray dawladihii reer Galbeedka ahaa.
Suldaan C/raxamaan waxa uu hawlaha bulshada iyo nabadaynta ka soo
bilaabay wadanka Ethiopia isaga oo la soo shaqeeyay Boqorkii Haila
Salasa, alle ha u naxariisteeSuldaanku waxa uu soo qabtay xilo
dhaqameedyo kala duwan, sannadihii lixdamaadkii ayaa loo doortay
inuu noqdo Suldaan.
Alle ha u naxariistee Suldaanku wuxuu qayb taariikhi ah oo aan la
ilaabi karin ka soo qaatay halgankii hubaysnaa ee SNM intii ka
danbaysay halgankaas wuxuu Suldaan C/raxmaan ka mid ahaa Odayaashii
iyo waxgaradkii dhibada u taagay JSL waxaanu ka mid
ahaa raggii sexeexay in Somaliland ay noqoto Jamhuuriyad Madax
banaan.
Intii ka danbaysana wuxuu qayb wayn ka qaatay hawlihii iyo shirarkii
nabadaynta iyo dib u heshiisiinta Somaliland. Waxaana xabaasha
dusheeda lagu caleemo saaray Suldaan Ismaaciil C/raxmaan Sheekh
Muxumed oo ka mid ahaa inamadii uu Suldaanku dhalay.
Caleemo saarka Suldaanka cusub
waxa ka soo qayb galay oo goob joog ka ahaa Salaadiin, Cuqaal,
Xildhibaano, Siyaasiyiin, Maalqabeeno iyo dadwayne aad u tiro badan,
waxaanay dhamaantood halkaa ka soo jeediyeen hadalo duco iyo
dardaaran isugu jiray iyagoo ku dheeraaday taariikhdii lama
ilaawaanka ahayd Alle ha u naxariistee Suldaan C/raxmaan Sheekh
Maxamed waxaanay iska daba mareen inuu ahaa Oday dhaqameed wayn oo
sharaf iyo magac ku leh dadka iyo dalka. Waxaanay masuuliyiintaasi
ka warameen kaalintii uu Suldaanku ka soo qaatay nabadgelyada iyo
dhismaha dalka
waxaanay sheegeen intii uu ka
midka ahaa Suldaanku Golaha Guurtida iyo intii ka horaysayba inuu
ahaa Oday oo muuqaal, Maamuus iyo magacba ku leh ummad dhexdeeda
waxaanay Illaahay uga baryeen inuu marxuumka naxariistii jano ka
waraabiyo qoyskii, qaraabadii iyo shacabka reer Somaliland uu samir
iyo iimaan ka
siiyo.
Xigasho: Saxansaxo
|