KULMIYOOW MAXAAD MAANTA UMMADDA KU BEERLAXAWSAN
Hadda oo la joogo gebogebadii ololaha doorshada deegaanada ayaa waxa
muuqata in Xisbul xaakimkii Kulmiye oon weli yaqiinsan in ummaddii
hal dabo la' laba sanno iyo badh ugu codeysey in ay mar keliya ka
hayaantay oo taageeradoodii ula wareegeen Asxaabta iyo Ururada kale
ee saaxadda ku tartamaya. Weli Kulmiye ma oga sababta keentay in
dadweynihii shalay laf dhabarta u ahaa maanta si sibiqa ah uga diga
rogtaan.
Waxay ummaddu u dulqaadan weydey markii xukuumadda maanta dalka ka
talisa si badheedh ah mugdi u gelisey masiirkii ummadda ka dib
markay Golayaashii Sharci dejinta sid duuduub ah u buriyeen xeerkii
dabarka u ahaa ka qeybgalka shirarka aan dhammaadka ee dib u
heshiinsiinta Soomaaliya, taas oo lafjab ku noqotay jiritaankii iyo
qarannimadii Somaliland.Horaa loo yidhi mayd maxaa u dambeeyey:"Iyo
kaa hadda la siisido." Shalay waxa Hargeysa yimid wefti UNDPa ka
socda oo la shir yimid waxanu idiin wadnaa mucaawimadii Jimciyadda
Quruumaha ka dhexeys a idinka oo qeyb ka ah dowladda cusub ee
Soomaaliya ka dhalatay! Illaa hadda xukuumadda So maliland wax hadal
ah oo arrintaa ku saabsan lagama hayo.Todobaad ka hor ayaa wasiiro
xukk uumadda Somaliland ka mid ihi u kicitimeen magaalada Nairobi,
xarunta laga maamula kaalmoo yinka Soomaaliyadii burburtay loogu
tala galay.
Waxay xukuumadda dalka ka talisaa caddaysatay in aay Ololaha
doorshada deegaanka ku gas ho cashuurtii laga soo ururiyey dalka,
taas oo xaaraan maqdac aha in ahnti ummadda loo adee gsado olole
doorasho noocuu doonaba ha ahaade. Waxa caddaatay in xukuumadda
maanta jir taa ay u tafaxaydatay xaraan iyo xalaalba in ay boob ku
hesho codka ummadda oo waa taa w arbaahintu ka markhaati kacaysa in
habeen madow khasnadihii Bangiga dhexe la faaruqiyey ee bari iyo
galbeed gudoodiga loogula jarmaaday si ummadda codkeeda looga
laaluusho markay caddaatay in tartankii doorashada xisbul xaakimkii
goob xun lagaga dhaqaaqay.
Markay xukuumaddii yaqiinsatay in saaxaddii siyaasadda lagaga awood
roonaaday, ayaa waxa miciin la mooday in shilimaad shacbiga sharafta
leh ee sida gobanimada leh shalay codkoodii ug u hibeeyey in maanta
loola shir yimaad xeelado gef ku ah diinta, dadnimada, iyo damiirka
aada maha. Miyaanay ceeb iyo karaamo darro ahayn in ummaddu dadkay
taladoodii ku aamineen dh aqan xumadan ula yimaadaan.
Nin qoyani biyo iskama dowro ayaa hore loo yidhi. Kol haddii
xisbigii Kulmiye ee loo hanka weynaa maantaba halkaa marayo. waa
gudcur iyo caddo isdaba wareegaya; waa mahadhooyinka siyaasadda oo
maalinba waa cayn. Xisbi talo dal haya ayaa beri dhulka la jiidaa oo
hoggaamiyihiisii kurisigiisiina waayaa. Mar haddii xaalkii Kulmiye
maanta marayo nin daad qaaday xumbo cuskay iyaba waa cibaarooyinka
adduunke wax ma lagu qaadandoona?
Dhaqan ugub ah oon Somaliland hore looga aqoon ayaa maanta kowsaday:
Xisbi hebel iyo Urur hebel cadowbay inagu yihiine saaxadda ha laga
saaro, mid shaqayndoonta ma aha; murashaxi inta xisbiga UCID in
dhaqaalihii inoo dhexda ahaa loogu gacan haadiyo iyo ballanqaado
shaqo iyana waxa la aqbalayo noqonmayso ee Kulmiye tartanka si
xalaal ah ha uga qey galo, hadday taaasi u cuntami weydana
xukuumaddu iyadaa cirka roob ku og. oo wax ku shubasho ah, budh cad
codeednimo, iyo sanaadiiq la cabbeeyo cid la marsiindoona jirimayso.
In kasto Xisbiga Kulmiye adeegsado awoodihii dawladnimo sida hadda
muuqata ee Madaxweyn ihii, wasiiradii, agaasimayaashii, iyo
hoggaankii xisbigu isugu milmeen wax cad in aan marnaba guul lagu
soo hoyndoonin, oo waa taa maantaba fagaarihii beerta Xoriyadda ee
Hargeysa iya doo madaxdii iyo wasiiradii xukuumaddu khudbadaynayaan
dadweynihii madasha yimid ka hule elay markay sidii caaada u ahayd
ballanqaado biyo kama dhibcaan ah maaweelooyin hore looga daalay la
shir yimaadeen.
Hal todobaad ayaa inaga xiga maalinta loo ballansanyahay; maalintaas
ayey caddaandoonta cidda ummaddu codkeeda ku aaminaysaa. Haddii
xukuumaddu hore u qorsheysey in halkii xisbi gu UDUB la mariyey,
UCID la mariyo, waxay kaaderiyiinta Kulmiye iyo xukuumaddaba ku
noqon doonta laf dhuun gashay oo hunguriga mariweyda. Ururada kale
ee loo dardaarwerinayana mid na xaqiisa lagama duudsiyi karo oo mid
kastaa isaga ayaa codkiisa ilaashanay.
Guul iyo Gobanimo, barwaaqo, iyo nabad iyo caano.
Axmed Cali Ibrahiim Sabeyse
Guddoomiyaha UCID Canada.
|