Kulmiye Oo Beeniyay In UDUB Iyo UCID ay Dhexdhexaadinayaan Garabyada Kulmiye

Waxan halkan idinkula socodsiinaynaa, in bar yahan ay Website-yada qaarkood iyo joornaaladuba ay qorayeen in Xisbiga UCID iyo UDUB ay wadeen inay dhex-dhexaadiyaan xurgufta yar ee Xisbiga KULMIYE dhexdiisa ah. waxa jirtay keliya

mar ay wada-jir noogu yimaadeen oo ay yidhaahdeen ma idin dhex-galnaa, waxanu nidhi anaga oo qosleyna; “waad mahadsantihiin annaga ayaa isku filan”, Faysal wuxuu yidhi; “waan arkaayey dimuqraadiyada badani Siilaanyow inay dhib la imanayso”.

Waxaan halkan ku cadaynaynaa in ay arrintaasi tahay been aan sal iyo raad toona lahayn, caqligana aanay geli karin UDUB-baa maslaxad KULMIYE raadinaysa. waxa kale oo aanu halkan idiinku cadaynayna in KULMIYE uu hawlihiisa dhammaysanayo wax uu uga baahan yahay UDUB iyo Qayrkeed toona aysan jirin, wararkaasina ay yihiin waxba kama jiraan.

Waxan mar seddexaad halkan ku cadaynaynaa in aqoonta Siyaasadeed ee Xisbiga KULMIYE gudde iyo dibedba ay tahay mid ka balaadhan, oo ka dimuqraadisan UDUB iyo wixii la caanno maala, oo aysan suurta-gal ahayn in UDUB wax la moodo. waxaanu leenahay kartida ay UDUB iyo wixii la hal-maalaa ku dhex-dhexaadinayaan KULMIYE, haku qabsadaan Shirweyneyaashoodii, oo sida KULMIYE oo kale ha sameeyaan tartan furan oo dimuqraadiya.
 

Ahmed Mohamed Silaanyo
Guddoomiyaha Xisbiga Kulmiye