KA QAYB-QAADO
HORUMARKA MACHADKA IBNU-KASIIR EE CEERIGAABO
Machadka Inbu Kasiir, waa machad
ay wax ka bartaan arday gaadhaysa ugu yaraan 200 oo isugu jira
wiilal iyo gabdho. Xaruntiisu waa magaalada Ceerigaabo. Waxa
machadka la dhisay ama la aasaasay bishii February 2009 oo ku
beegnayd, Safar 1430.
Machadkan oo ay wax ka bartaan ugu yaraan 200 arday, oo isugu jira
wiilal iyo gabdho waxa aasaasay guddi reer Ceerigaabo ah.
Ujeedooyinka loo aasaasayna waxa ugu weyn, kadib markii ay
guddidaasi arkeen dayacnaanta barashada culuunta diinta Islaamka iyo
luqada carabiga oo si baahsan ay u dareemeen ardayda iyo dadweynaha
reer Ceerigaabo.
Machadkan oo ay ka hawlgalaan 6 macalin, muddadii uu furnaa waa uu
midho dhalay, waxaana uu soo hooyay guul ay dadweynaha reer
Ceerigaabo aad u dareemeen.
Bilawgii machadka waxa gacanweyn oo waxtar leh ka gaystay dadweynaha
Ceerigaabo. Markii uu machadku muddo socday waxa loo baahday
miisaaniyad ka awood roonaatay dadweynaha reer Ceerigaabo. Sidaas
daraadeed, mas’uuliyiinta machadku waxa ay qaylo-dhaan u qayshadeen
walaalahooda Ilaahay hanti siiyay. Nasiib wanaag kaalmadii u
horaysay waxa ay machadka ka soo gaadhay magaalada Boosaaso oo ugu
deeqay lacag dhan $22,000 (Laba iyo labaatan kun oo dollar),
lacagtaas oo markii aanu qiimaynay machadka ku filan muddo sannad
ah.
Guddidii Machadku waxa ay u soo xadhko xidheen caasimada Somaliland
ee Hargeisa si ay kaalmo kale oo muddo labo sanno ah uga helaan
dadka Ilaahay wax siiyay ee degan magaalada Hargeisa iyo guud ahaan
dadka Qurbo-jooga ahba.
Hay’adda Qarnul-ifriiqiya ee uu madaxda ka yahay Sh. Maxamed Cali
Geedi ayaa durba ku dhawaaqay in uu machadka oo hadda ku jira guryo
uu masaajid leeyahay u dhisi doono dhismayaal u gaar ah. Ilaahay ha
ka abaal mariyo dhammaan dadkii wax ka gaystay machadka iyo kuwa
kale ee hadda doonaya in ay kaalmo la soo gaadhaan machadkaas oo
waxtar iyo anfac u leh dadweynaha reer Ceerigaabo.
Gabogabadii Guddida machadka oo ka kooban 5 xubnood waxa ay
shirkaddaha, ganacsatada, dawladda, Qurbo-jooga iyo ciddii waxtari
karta ka codsanayaa in ay ka caawiyaan lacag dhan $44,000 oo ay ugu
tallo galeen muddo laba sanno ah in lagu maareeyo machadka, si uu u
noqdo mid midho dhalkiisu sii socdo oo aan la mid noqon machad hore
oo magaalada ka baa’bay markii loo waayay dhaqaale lagu wado.
Guddida Machadka:
1. Dr. Maxamuud Axmed (Shiine)
Guddoomiye
2. C/Kariim Cali Jaamac (Wadaad)
Guddoomiye ku xigeen
3. C/Rashiid Maxamed Warsame Xubin
4. Cali Yuusuf Cali Xubin
5. C/Salaan Kaahin Warsame Xubin
Account-ka lagu soo
hagaajinayo wixii deeq ah waa D14210 Dahabshiil.
Wixii faahfaahin ah kala soo xidhiidha:
4496119
|