JAAMACADAHA HARGAYSA & GOLIS OO DEEQ KALA DUWAN KA HELAY DAWLADA
TURKIGA.
Hargeysa (TNN)-Waxa shalay xarunta Jaamacada Hargaysa lagu qabtay
munaasabad ay qal ab ku gudoomay een jaaamacada Hargaysa iyo Golis.
Munaasabadaasi oo ay labada Jaamacadood dawlada Turkiga kagala
wareegeen 80 compute r iyo 14 printerada wax lagu daabaco ah.
Waxaa sidoo kale dawlada Turkigu ay deeqo waxbarasho oo dhan 14 afar
iyo toban arday siisay Jaamacadda Hargaysa iyo Golis.
Gudoomiyaha Jaamacadda Hargaysa Dr. Abdi H. Gass oo ugu horeyn
halkaasi ka hadlay ayaa wuxuu hadalkiisa ku bilaabay
“Anigoo ku hadlaya magaca jaamacadda Hargaysa, kan ardayda,
macalimiinta iyo shaqalaha Jaamacadda waxaan mahad naq balaaran
halkan uga soo jeedinayaa dawlada walaalaha aanu nahay ee Turkiga
deeqda ay na soo gaadhsiisay ee isugu jirta Computerada, printerada
iyo deeqaha waxbarashaba”.
Gudoomiyaha Jaamacadda Hargaysa wuxuu intaasi ku daray “Deeqahani
waxay kor u qaadin doonaan adeegyada waxbarasho ee aanu u hayno
ardaydayada iyo bulshada Somaliland ba, mar labaad waxaan mahad u
naqayaa dawlada Turkiga iyo dalada Jaamacadaha kulmisa ee SOMALIREN”.
Waxaa sidoo kale isna madashaasi ka hadlay Gudoomiyaha Jaamacada
Gollis Dr. Said Abdi Hassan “Anigoo ku hadlaya magaca bahda
Jaamacadda Gollis waxan si weyn ugu faraxsanahay deeqdan balaaran ee
aanu ka helnay dalka Turkiga ee ah qalabkan ICT-ga ah ee deeqaha
waxbarasho, dawlada Turkiga mahadnaq iyo amaan baan u gudbinaynaa,
waxaanan rajaynayna in ay deeqahani sii socon doonaan”
Dr Said Gudoomiyaha Jaamacada Gollis wuxuu intaasi ku daray “Waa
hubaal deeqdan aanu ka helnay dawlada Turkigu in ay kor u qaadi
doonto adeegyada waxbarasho ee aanu bulshada u hayno”.
Munaasabadaasi lagula kala wareegayay deeqahaasi waxaa isna ka soo
qayb galay Gudoomiyaha Gudida Tacliinta sare ee qaranka Professor
Hussein Hassan Guleid.
Professor Hussein oo madashasi isna hadal ka jeediyay ayaa wuxuu ku
bilaabay “Anigoo ku hadlaya magaca wasiirka Wasaarada waxbarashada
iyo tacliinta sare Marwo Zamzam Abdi Adam iyo kan gudida qaranka ee
tacliinta sare waxan u mahad naqayaa dawlada Turkiga deeqahan ay soo
gaadhsiiyeen Jaamacadaha Somaliland”. Prof. Hussein wuxuu intaasi ku
daray “Deeqdani waa mid muhiimad gaar ah noo leh oo muujinaysa
walaaltinimada dawlada Turkiga waxay xoojinaysa xidhiidhadii qotada
dheeraa ee aanu dawlada Turkiga la lahayn, waxaanan rajaynaynaa in
ay deeqahani sii socon doonaan” ayuu hadalkiisa ku soo afmeeray
Prof. Hussein.
|