|
Jaaliyadda
Norway ee ka soo jeeda gobolka Gabiley oo taageersan Baaqii nabadda
ee Suldaan Ismaciil Suldaan Cabdiraxamaan
Suldaanku isga oo gurigiisa ugu
waramaya saxaafadda dhowaan waxa uu sheegay inay habboontahay in si
dhakhso ah loo soo afjaro colaadda dhimashada iyo dhaawaca keentay
ee ka dhacday Ceelbardale. Suldaanku waxa uu gudida
dhexdhexaadinaysa ka codsaday inaanay dhayalsan arrinta oo ay si
daacada arrinta u galaan una sheegaan ciddii qaldan qaladkeeda. Waxa
kale oo Suldaan Ismaaciil sheegay in deegaankani uu kasoo doogay
colaad hore oo aan markaa loobahnayn in la sameeyo wax colaad cusub
kala dhex dhiga dadka walaalaha ah ee deegaanka wada dega.
Haddaba anaga oo ah jaaliyada Norway ee kasoo jeeda Gobolka Gabiley
waxanu aad u taageeraynaa baaqa Suldaan Ismaaciil Suldaan
Cabdiraxmaan. Sida lawada ogsoonyahay colaadani muddo ayay soo
jiitamaysay oo aanay guurtida iyo dawladuba waxba ka qaban. Waxaanu
odhan karnaa dhayalsiga noocan oo kale ahi waxa uu khatar ku yahay
nabad-ku-wada-noolaasha dadka walaalaha ah. Haddaan wax laga qaban
markay colaadi unkamayso ma waxay fududdahay wax ka qabashadeedu
markay dhimasho iyo dhaawacba keento?
Walaalayaal, jawaabtu waa maya. Muranka ka taagan waqooyiga gobolka
Gabiley waa in la aqoonsadaa inuu u baahanyahay xalkamadambays ah oo
loohelo.
Haddaba waxaanu Guurtida iyo Dawladaba kula talinaynaa inay
kahortagaan dhibaatooyinka nabadda wax udhimaya ee aanay kadabategin
markay dhacdo dhibaato. Kahortaga cudurka ayaa kawanaagsan
daawayntiisa. Ogsoonaada dawadu hayday bukto cudurka madawayso.
Sidaasoo kale haddii aann daacadnimo lagudhaqmin xal waaraa iman
maayo.
Awdal iyo Gabiley waa laba gobol oo mataano ah dadka labada gobol
wada degaana waa walaalo. Waxanu leenahay waar Ilaahay baa
iskiinbaday oo tol iyo gacalba waad tihiin. Waxa markaa idinku
haboon inaad nabad kuwada noolaataan. Odhaahda hadalada naxligu
kujirana aad ka fogaataan wixii xalku kujirana aad aqbashaaan.
Waxa la
gaadhay wakhtigii la soo afjari lahaa muranka dhexdiina yaal ee aad
is aamin iyo nabad kuwada noolaan lahaydeen.
Allaa mahad leh
Jaaliyadda Reer Norway
Ahmed Abdullahi Obsiye
|