Intaasi kaddib, waxaynnu halkii ka sii wadi doonnaa; sheekooyinkeennii, Ila Qosol.
Beri hore oo beegnayd 1960 naadkii, ayaa waxbarasho dibadeed oo waddama reer Galbeedka ah loo soo diray wiil Soomaaliyeed.

Markii in muddo ah waxbaranayeyna, wuxu is yidhi, hooyadaa waraaq iyo sawir u dir. Sidii uu go'aansaday a yaanu yeelay oo wuxu soo diray, warqaddii iyo sawir la socda oo gal ku jira.
Markii boosta laga soo saarayna, waxa loo gudbiyey sawirkii iyo waraaqdiiba; inanka hooyadii oo reer miyi ahayd.

Haddaba, markii islaantii waraaqdii iyo sawirkii oo la socda loo geeyey, ayaa waraaqdii loo akhriyey, sawirkii na la siiyey. Islaantii oo ku faraxsan aragti inankeeda, ayaa aragtay inankeedii oo ka madow; sidii uu kaga t egey! Waayo, xilligaasi sawirrada oo dhammi waxay ahaayeen, (black and white). Markiiba hooyadii waxay is tustay, in waxa inankeeda sidaasi madoobeeyey tahay; cad iyo caano la'aan. Laakiin haba iska madoobaad ee, aad ayay ugu faraxday aragtidiisa.

Haddaba, markii ay cabbaar sawirkii dhun dhunkatay; ayay dhawr jeer iyadoo ku faraxsan tidhi, "Hooyo saw ir, hooyo sawir, hooyo sawir!"
Inankii soo noqay markii uu waxbarashadii soo dhamaystay. Laakiin, intii dambe oo dhan; waxa looga yaqaan ney degaankoodii, hebel Sawir oo magaciisii kale wuu shiiqay ama baaba'ay!

Allahayoow inankaasi sawirkaasi iyo hooyadii ma eeday!! Waar maxaa ku watey?