Halkuu
Boobe biyo dhigaa Dhaanka loo rari -Dharaaro.com
Ninkii baacin jireybaa gammaan loogu baaqaaye, bal dhugo
Dharaaro.com iyo dhabihii la soo maray.
Qalin ruug, tix iyo tiraaba guud caddaa ah, adin iyo uur ku ciroole
ah, ayaa daaha ka rogey xaad hin cusub oo lagu kaydinayo
labeenta suugaanta dadka af-somaliga ku hadla, kuwii la ilduufay iyo
kuwa caan baxayba. Taariikhda dhaxal reebtii ummadda xilliyo iyo
kaalmo kala duwaan qaatay.
Taariikhda werisooyinkii iyo
warsidayaasha kuwii shalay iyo kuwa maantaba. Waxaa kale oo ay
s oo bandhigi doontaa Taariikhdii halgankii hubaysnaa ee uruka SNM
oo uu qoraagu goobjoog ka ah aa bilawgiisii iyo
dhammaadkiisiiba (first hand information), ku tidhi ku teenay ma ah.
Habeenkii la daahfurayey sidii lagu tiraabay, markaan daalacday iyo
sida magaceeda laga dhadhi minayo dharaaro.com, xaadhintani
kuma koobna wixii shalay oo keliya ee waxa maanta joogana w ay
werineysaa oo raad bay ka reebeysaa aan roob tirtiri karin, fac ka
fac laga faalloodo oo radr aac laga dhigto.
Qoraagan degalkan sahamiyey oo aad moodo in uu leeyahay sidii
Maxamed Ibrahim Warsame: "Ma da' furin ogaalkay, xaska dabada maan
gelin, dib u dhigasho mooyee wax isdoorshey may dhicin.", waa
Cabdiraxman Yusuf Ducaale (Boobe) oo hore loo wada xiiseeyey
maqaaladiisa, sheekooyinkii sii gaagaabanaa iyo buugaagta uu qoray.
Degalkan waa mid aqoon iyo iftiin u ah dhallinyaro iyo waayeelba,
waa degal ay wax ka kororsan karaan, waxna ku kordhin karaan.
Haddaba akhristayaasha iyo qallinleydaba, ayaanan anigu idinku
daalin waaxaan ugu baaqayaa raggii qallinka baacin iyo akhriska
baacin jirayba in ay indhahooda ku dhugtaan Degalkan Dharaaro.com.,
waa in dhaanka u raraan halkuu Boobe biyo dhigay.
|