Guddidii Qaban-qaabada Aaskii Marxuum Gaariye Oo U Mahad-naqay
Madaxweynaha ,Jaaliyada Norwey Iyo Shacabka Somaliland
Wasiirka Warfaafinta, dhaqanka iyo wacyigelinta Somaliland ahna
Guddoomiyihii Gudidii.........
Hargeysa (TNN) - Wasiirka Warfaafinta, dhaqanka iyo wacyigelinta
Somaliland. Abiib Diiriye (Nuur) , isla-markaana ahaa Gudoomiyihii
Gudida qaban qaabadda aaskii qaran ee loo samee yay Marxuum- Abwaan
Maxamed Xaashi Dhamac (Gaariye) ayaa u mahad celiyay Madaxwey naha
Somaliland, xukuumadda,Goleyaasha qaranka, axsaabta, ururada
siyaasada, ardayda jaamacadaha iyo dhammaan kumanaankii qof ee
maanta ka qeyb galay aaskii Marxuumka oo maanta si heer qaran ah
loogu aasay Magaalada Hargeysa.
Wasiirka Warfaafinta, dhaqanka iyo wacyigelinta Somaliland ahna
Guddoomiyihii Gudidii qaba n-qaabada aaska Marmuum- Maxamed Xaashi
Dhamac Gaariye, waxa uu sidaasi ku sheegay war-saxaafadeed uu soo
saaray oo u dhignaa sidan:-
“Anigoo ku hadlaya magaca Gudidii qaban-qaabada aaskii qaran ee
maanta xabaalaha Xeed ho ee magaalada Hargeysa loogu sameeyay
Abwaankii weynaa ee Marxuum- Maxamed Xaa shi Dhamac (Gaarriye), waxa
aanu u mahad celinayaa Madaxweynaha Somaliland Md. Axmed Maxamed
Maxamuud (Siilaanyo) oo aan illaa maalintii uu Marxuumku ku
geeriyooday isniintii todobaadkii hore magaalada Oslo ee dalka
Norway qeyb libaax ka qaatay sidii halyaygaas qa ran ee Somaliland
ka baxay si heer qaran ah loogu aasi lahaa dalkiisa hooyo.
Waxa kale oo aan si weyn ugu mahad naqaynaa Madaxweynaha Somaliland,
xukuumadda,Goleyaasha qaranka, axsaabta, ururada siyaasada, ardayda
jaamacadaha iyo dhammaan kumanaankii qof ee maanta ka qeyb galay
aaskii marxuumka.
Sidoo kale, waxaanu u mahad celinaynaa jaaliyada Somaliland ee
Magaalada Oslo ee Marxuu m- Maxamed Xaashi Dhamac (Gaarriye) mudadii
uu xanuunsanayay ku hayay cisbitaalka isla markaana soo
taban-taabiyay sidii marxuumka maydkiisa loogu soo duulin lahaa
dalka. Waxa anan Guddi ahaan leenahay ILAAHAY khayr ha idinkaga
abaal-mariyo.
Marxuum- Maxamed Xaashi Dhamac (Gaarriye) waxa uu ahaa halyay iyo
geesi qaran ee ka alin shariif ah ka soo qaatay halgamadii kala
duwanaa ee dalku soo maray, nabadeyntii beel aha iyo dib u dhiskii
qaranka oo uu mar walba kaalin mugleh ka soo qaatay.
Waxaan Marxuumka ILAAHAY uga baryaynaa inuu naxariistii jano ka
waraabiyo qoyskii, qaraabadii, shacbiga iyo qaranka Somaliland-na
samir iyo Iimaan ka siiyo. AAMIIN AAMIIN.”
Madaxweynaha Somaliya Xasan Sh. Maxamuud ayaa maanta dalka Uganda
ugu baxay socda alkiisii u horeeyey ee uu dibada ku tago tan iyo
intii loo doortay xilka madaxweynaha Somaliya.
Khalid Ibraahim
Timacade News Desk
Hargeysa,Somaliland
|