Guddi Nabadgelyada ee Golaha Guurtida ee Somaliland ayaa Shacabka
ugu Baaqay in Nabad gelyada la Illaaliyo Dhalinyaradana Waalidkood
ka War Hayaan.
waxa soo baxay dhalinyaro habeenkii dadkii reer hargeysa dhib weyn
ku haya oo haddii ay noqoto haween iyo dadwayneba khaati ka taagan
yihiin, .......
Hargeysa (TNN):- Guddi Nabadgelyada ee Golaha Guurtida ee Somaliland
ayaa Shacabka ku dhaq an Caasimada Hargeysa iyo Gobolada kale ugu
baaqay in ay Xoojiyaan Nabadgelyada oo ay isha ku hayaan Dadka
nabadgelyo darada ka wada Magaalooyinka Somaliland.
Sidaasi waxay ku sheegen Shirjaraa’id oo ay ku qabteen Maanta
Magaalad Hargeysa.
Guddomiyaha Guddi Hoosadka Nabadgelayda ee Golaha guurtida Axmed
Muuse Obsiiye oo ugu horeyn halkaasi ka hadlay waxa uu ka hadlay
dhalinyarada habeenkii falalka nabadgelyo darad ah ka wada Xaafada
kala duwan ee Hargeysa waxanu idhi. . “Ujeedada Shirkan Jaraa’id
aanu u qabanay waxay tahay in aanu wacyigalino bulshada Somaliland,
runtii caasimada Hargeysa Maalmahan ugu danbeyey wax ka dhacayey
falal lidi ku ah Aamanka Somaliland, waxa soo baxay dhalinyaro
habeenkii dadkii reer hargeysa dhib weyn ku haya oo haddii ay noqoto
haween iyo dadwayneba khaati ka taagan yihiin, habeen dhaweyd meel
Hotel Star ka danbeysa waxa ka dhacay, in nin Aroos ahaa oo loo
keenay Xeedhyo ayaa waxa u yimid dhalinyaro Kubada ciyaara oo
xafadaasi ah waxay ku yidhadeen xoog ku keen xeedhiyihii oo xoog ku
fur halkiinbay ku cuneen oo dadkii Arooska ahaana way iskaga baqeen,
waxaasi dhaqankeen may ahaan jirin, runtii dhaqankeen waxa ilaalin
jiray wax ka mid ahaa Aroos, Culimada Haweenka imika dhalinyaradani
wax allaale iyo wax kala soo cayaan ma jirto, dhalinyaradii dalku
waxay noqotay in tahriibtay iyo in dhaqankoodu badalay oo dhaqan
kale qaatay, dhalinyarad waxa aanu leenahay xal idiima ah xadhigu ee
ka tanaasul , waxad aad sameynaysaan ee dalka ku kharibaysan ma ah
wax fiican, dhalinyaradii waxay isku urursadaan koox koox oo dadkii
ayey dhib gaadhsiinayaan, habeenkii waxa jira dhalinyaro inta ay
albaabad iska furaan oo qaadanaya Hablihiin anigu arrintaasi waxaan
u arkaa in ay dalka cid kale dhib ka waddo ama haya’do ka danbeyaan
ama cid kale oo dalka Khalkhal galinaysaa ay ka danbeyaan ayaad
mooda.”.”Ayuu yidhi
Xildhibaan Caydiid Cabdi Maxamed oo isaguna halkaasi ka hadlay ayaa
waxa uu yidhi. “Shirkan jaraa’id waxaanu u qabanaynaa, in aanu kaga
hadalno wakhtiyadan danbe waxa soo kordhay dhibaatooyin dilal ah oo
nabadgelayda wax u dhimaya oo ay geeystan dad dhalinaayro ah oo koox
kooxo isku ururada, runtii dalkeenu muu lahan jirin mobil la dhacayo,
Kufis haweenka la kufsanyo, Dilil iska nacsinmo oo dadka lagu dilayo,
waxaanu halkan u fadhinaa in bulshada somaliland ugu baaqano in
nabadgelaydu qof walba ay dan u tahay, cid gaar ah dan uma ah ,
nabadgelayda dadku barigii hore way jeclaayeen lakiin baryahan danbe
dadku nabad gelayda kama shaqeeyaan malaha dadku wixii ay soo mareen
way iloobeen, waar nabadgaleyad siddii loo ilaalin jiran ha loo
ilaaliyo, waalidanka dhalinyarada dhalayna waxaanu leenahay
caruurtiina la socda oo ogaada halka ay joogan iyo waxa ay
sameynayaan iyaga oo dadka moobilada ka dhacay in aad tidhahdaan
misaajid ayey ku maqnayene ma ah.”Ayuu yidhi.
Isag aoo hadalkiisa sii watan wax auu yidhi. “Sidaa la sheegay
dhaqan ayeynu lahaan jirin dhaqankuna waa in wixii dhib keena aynu
iska jirno, runtii magaalo wax lagu kufsado waa inoo kow, marka
miyigaan meelahasi nin marmara ayaa la odhan jiray waaxbu kufsadaa,
Booliskan halal shaqeeyo ayaanu leenahay.”
Timacade News Desk
Hargeysa,Somaliland
|