Golaha Wakiilada Oo La Filayo Inay Talaabo Anshax
Marin Ah Ka Qaadaan Lix Mudane Oo Xuddun U
Ahaa Rabashadihii Hadheeyay Fadhigii U
Danbeeyey
Hargeysa (Longlivesomaliland News
) - Golaha Wakiilada Somaliland ayaa la sheegay inay Talaabo anshax
marin ah ka qaadi doonaan lix Mudane oo ka tirsan Aqalkaasi kuwaasi
oo lagu eedeeyay inay si toos ah ugu lug yeesh een buuq iyo
rabshado hadheeyay fadhigii Golaha ee 24-kii bishan.kuwaasi oo isku
dayey burburiyay qaar ka mid ah agabkii iyo dukumanti Golaha yaalay.
Tallaabadan anshax marinta ah ayaa la filayaa in lagu qaadayaa lix
Mudane oo ka tirsan Xildhibaanada xisbiga UDUB kaga jira Golaha
Wakiilada.
Xoghayaha Guddida Joogtada ee Golaha Wakiilada Somaliland Md. Axmed
Maxamed Diiriye (Nacnac) ayaa xaqiijiyay in lix Mudane muddo sadex
cisho ah laga joojiyay Golaha.
“Way jirtaa Arrintaasi waxa Guddoomiyuhu isagoo raacaya qodobka
32-aad ee xeer hoosaadka Golaha Wakiilada Wakiilada wuxuu lix Mudane
oo ka mid ahaa kuwii buuqa iyo rabshada ka sameeyay Golaha ee
hormuudka u ahaa ,anshax marintoodu waxay noqonaysaa in muddo
sadex cisho ah oo Sabtida ka bilaabmaysa laga saaro fadhiyada
Golaha,”Ayuu Yidhi Xildhibaan Nac-nac oo caawa u waramayay Idaacada
Madaxa Banaan ee Horyaal.
Xildhibaan Axmed Maxamed Diiriye, waxa kale oo uu tilmaamay inaanay
wax natiijo ahi ka soo bixin Guddidii Goluhu u saaray buuqii iyo
rabshadihii ka dh acay golaha. Oo ay u dhowdahay inay
burburaan.
“Waynu wada ogayn Xildhibaanadan waxa laga soo diray Madaxtooyada
waxaana lagu yidhi buuq Golaha ka sameeya si aanu wax go’aan ahi uga
soo bixin, waana la wada ogaa oo waxay doonayeen inay la dagaalamaan
shirgudoonka ee waa lala hadli waayay,”Ayuu yidhi Md. Nac-Nac.
Source: Haatuf
|