Gobolka
Gabiley oo si balaadhan looga Xusay Maalinta
Gacmo Dhaqashada Aduunka
Munaasabaddo gaar gaar ah oo lagu
xusayay Maalinta Gacmo Dhaqashada Aduunka ayaa Lagu qabtay dugsiyada
hoose/dhexe Gabiley
Xafladahaasi oo ay soo qaban qaabiyeen Maamulka Dawlada Hoose ee
Gabiley waxaa ka soo qayb galay Maayarka Degmada Gabiley Mudane
Aadan Muxumed Badde, Gudoomiyaha Waxbarashada Gobolka Gabiley Sacad
Muuse Nadiif, Xoghayaha Fulinta Dawlada hoose ee Gabiley Rashiid
Sh.Xuseen Qaabil,Saraakiil Sarsare oo ka tirsan Hayadda Caritas
(Swiss-group), Maamulayaasha Dugsiyada Gabiley, Waalidiinta Ardayda,
Hooyooyinka, iyo Ardayda Dugsiyada Hoose/Dhexe ee Gabiley.
Waxaana Fagaarayaasha dugsiyadaasi kala hadlay ardayda Maayarka
Degmadda Gabiley Mudane aadan Muxumed Badde oo ku dhiiri galiyay
ardayda muhiimada ay leedahay Gacmo dhaqashadu iyo ilaalinta
nadaafada oo caafimaad ahaan muhiima in qofku iska ilaaliyo cudurada
faa,aafa kana hortago isaga oo isticmaalaya saabuun markasta oo uu
suuliga galo iyo marka uu qof xanuunsanaya salaamo ama wax kale
uqabto, sidaa waxaa yidhi Maayarka Gabiley oo kala qayb galay
ardayda xuska maalinta Gacmo Dhaqashada Aduunka.
Maayarka Gabiley mar uu ka hadlayay jaaniska uu manta u helay inuu
ardayda halkaasi kala hadlo isaga oo ka faa,iidaysanaya ayuu yidhi
ardayeey waxaan idinku dhiiri galinayaa inaad
is diiwaan galisaan (Inta qaangaadhka ah) oo aad tirada Gobolka kor
uqaadaan oo aydaan manta lumin jaaniskaasi qiimaha leh ee aad
haysataan oo ah mid ay ku tartamayaan Gobolada dalku tirada codka ka
soo baxda gobol kasta.
Waxaa isna halkaasi ka hadlay Gudoomiyaha waxbarashada Gobolka
Gabiley Sacad Muuse Nadiif oo ka waramay faa,iidada ay leedahay
Gacmo dhaqida iyo Nadaafada oo la ilaaliyaa isaga oo sheegay inay
diinteena islaamku ina fartay inaynu shan jeer maalintii maydhno
gacmaha (Waysaysano) hadana waxaa muhiima inaynu xasuusino ardayda
oo ku barbaarino inay Maydhaan Gacmahooda marwalba si, aynu uga hor
tango cudurada faafa kaasina waxaa uu ahaa Gudoomiyaha Waxbarashada
Gabiley.
Waxaa iyaguna hadalo kusaabsan munaasabada maalinta Gacmo dhaqashada
halkaasi ka jeediyay Maxamed Yuusuf Galool oo ka tirsan Hayada
Caritas, Maamulaha Dugsiga Hoose/Dhexe Sh.muxumed warsame Mudane
Axmed Maxamed Shirwac, maamulaha Dugsiga Hoose ee News Gabiley,
waxaana halkaasi Talo iyo Tusaaleba loogu soo jeediyay ardaydii ka
soo qayb gashay munaasabadaasi
Iyada oo lagu booriyay oo la tusaale yaal badan loo soo qaatay,
waxaana lagu dhiiri galiyay
inay u gudbiyaan guryohooda iyo asxaabtooda Fariintaasi, waxaa kale
oo ay Hayda Caritas Gudoonsiisay Ardaydii halkaasi ku sugnayd Garmo
ay ku qoran tahay Xuska maalintani, Saabuun Faraha lagu dhaqdo iyo
Waraaqo Fariin ah oo ka hadlaya faa,iidada Fara dhaqida ay uleedahay
bulshada.
Mustafe Future
|