Xoghayaha Arrimaha
Dibada Ee Xisbiga KULMIYE Oo Maanta Ka Soo
Degay Madaarka Hargeysa
Xogahaya Arrimaha Dibada ee
Xisbiga KULMIYE Dr, Maxamed C/laahi Cumar ayaa saaka ka soo degay
madaarka caasimada Hargeysa ka dib markii uu mudo dhawr bilood ah
socdaalo shaqo ah ugu maqnaan wado ku yaala qaaradaha Yurub iyo
Afrika.
Xoghayaha Arrimaha Dibada Dr, Maxamed C/laahi Cumar waxa madaarka ku
soo dhoweeyey masuuliyiin sarsare oo ka tirsan golayaasha qaranka
iyo madaxda xisbiga KULMIYE sida gudoomiye ku-xigeenka koowaad ee
golaha wakiilada Mudane C/casiis Maxamed Samaale,gudoomiye ku
xigeenka koowaad ee xisbiga KULMIYE Muj Muuse Biixi Cabdi,Xoghayaha
guud ee xisbiga KULMIYE Keyse Xasan,madax kale iyo dadweyne aad u
tiro badan.
Dr, Maxamed oo shabakada wararka ee Somaliland.Org wax ka weydiisay
ujeedada socdaalka uu ku yimi dalka wuxuu ugu horen sheegay inuu
marka hore u mahadnaqayo dhamaan masuuliyiintii,madaxdii iyo
dadweynihii ku soo dhoweeyay madaarka caasimada Hargeysa isagoo
ujeedada socdaalkiisa ka waramayana wuxuu yidhi “Waxa weeye u
kuurgelida hawsha diiwaan-gelinta cod-bixiyayaasha ee ka socota
gobolada dalka iyo sidii loogu diyaar garoobi lahaa hawlaha
doorashooyinka soo socda.”
Dr. Maxamed C/laahi wuxuu sheegay in socdaalkan uu dalka ku yimi
marka laga yimaado u kuurgelida diiwaan-gelinta iyo u diyaar garowga
doorashooyinka uu damacsan yahay inuu uga waramo xisbiga halka ay
marayso arinta qadiyada Somaliland “waxaan doonayaa inaan uga
warbixiyo isla markaana uga waramo xisbiga halka ay marayso qadiyada
Somaliland iyo xidhiidhka Somaliland ay la leedahay beesha
caalamka”Ayuu yidhi xoghayaha Arrimaha dibada ee xisbiga KULMIYE Dr.
Maxamed C/laahi Cumar oo u waramayay shabakada wararka ee
Somaliland.Org
Somaliland.Org
|